46 મિનિટ પેહલા
- કૉપી લિંક
સુપરસ્ટાર શાહરૂખ ખાનની પુત્રી સુહાના ખાને રિયલ એસ્ટેટમાં રોકાણ કર્યું છે. મીડિયા રિપોર્ટ્સ અનુસાર અભિનેત્રી સુહાનાએ મુંબઈ નજીક અલીબાગમાં એક મોટી પ્રોપર્ટી ખરીદી છે.
રજીસ્ટ્રેશન 13મી ફેબ્રુઆરીના રોજ કરવામાં આવ્યું હતું
તેણે થાલ ગામમાં 9 કરોડ 50 લાખ રૂપિયાની જમીન ખરીદી છે, જેના માટે તેણે 57 લાખ રૂપિયાની સ્ટેમ્પ ડ્યુટી ચૂકવી છે. સુહાનાએ આ જમીન પર કુલ 10 કરોડ રૂપિયાનું રોકાણ કર્યું છે. આ જમીનની નોંધણી 13મી ફેબ્રુઆરીના રોજ થઈ હતી. દસ્તાવેજો અનુસાર, સુહાનાએ થાલ ગામ, રાયગઢ, અલીબાગમાં કુલ 1.8 એકર ખેતીલાયક જમીનમાં રોકાણ કર્યું છે.
ગયા વર્ષે પણ 12.19 કરોડનું રોકાણ કર્યું હતું
જૂન 2023માં તેની એક્ટિંગ ડેબ્યૂ પહેલા જ સુહાનાએ અલીબાગમાં 1.5 એકર જમીન ખરીદી હતી. આ ડીલ 12.19 કરોડ રૂપિયામાં થઈ હતી. શાહરૂખ પહેલાથી જ અલીબાગમાં સી-ફેસિંગ પ્રોપર્ટીનો માલિક છે. તે અને તેના પરિવારના સભ્યો અવારનવાર અહીં પાર્ટીઓનું આયોજન કરે છે. શાહરૂખે પોતાના 52માં જન્મદિવસે અલીબાગમાં જ એક શાનદાર પાર્ટીનું આયોજન કર્યું હતું. તેમના બંગલામાં સ્વિમિંગ પૂલ અને હેલિપેડ પણ છે.
અલીબાગ સેલેબ્સની પસંદગી રહ્યું છે
અલીબાગ હંમેશાથી બોલિવૂડ સેલેબ્સની ફેવરિટ જગ્યાઓમાંથી એક રહી છે. આ પહેલા બોલિવૂડ એક્ટ્રેસ દીપિકા પાદુકોણે તેના પતિ રણવીર સિંહ સાથે મળીને અહીં 22 કરોડ રૂપિયામાં ઘર ખરીદ્યું હતું. તે જ સમયે, ક્રિકેટર વિરાટ કોહલીએ તેની પત્ની અનુષ્કા સાથે અલીબાગમાં 20 કરોડ રૂપિયાની જમીન ખરીદી હતી.
આગામી ફિલ્મ પિતા શાહરૂખ સાથે હશે
વર્ક ફ્રન્ટની વાત કરીએ તો સુહાનાએ ઝોયા અખ્તરની ફિલ્મ ‘ધ આર્ચીઝ’થી ડેબ્યૂ કર્યું હતું. આ ફિલ્મમાં સ્વર્ગીય શ્રીદેવીની પુત્રી ખુશી કપૂર અને મેગાસ્ટાર અમિતાભ બચ્ચનનો પૌત્ર અગસ્ત્ય પણ જોવા મળ્યો હતો. મીડિયા રિપોર્ટ્સનું માનીએ તો સુહાની તેની આગામી ફિલ્મમાં પિતા શાહરૂખ ખાન સાથે જોવા મળશે. તેનું શૂટિંગ મે 2024 સુધીમાં શરૂ થઈ શકે છે. આ એક એક્શન-થ્રિલર ફિલ્મ હશે જેનું નિર્દેશન સુજોય ઘોષ કરશે.
