દિવંગત પંકજ ઉધાસના અંતિમ સંસ્કાર સમયે ફેન વિદ્યાની પાછળ પડ્યો: મેનેજરે વારંવાર ના પાડી છતાં સેલ્ફી લેવાની જીદ કરી,યુઝર્સે કહ્યું,’આ વ્યક્તિને તો લાફો ઝીંકવો જોઈએ’

પ્રખ્યાત ગઝલ ગાયક પંકજ ઉધાસના મંગળવારે મુંબઈના વરલીમાં હિન્દુ સ્મશાન ગૃહમાં અંતિમ સંસ્કાર કરવામાં આવ્યા હતા. અગાઉ મંગળવારે સવારે તેમના પાર્થિવ દેહને મુંબઈમાં તેમના ઘરે લાવવામાં આવ્યો હતો. પંકજને વિદાય આપવા માટે વિદ્યા બાલન સહિત અનેક સેલેબ્સ પણ અહીં પહોંચ્યા હતા. આ દરમિયાન એક ફેન તેની સાથે સેલ્ફી લેવા માટે તેની પાછળ આવ્યો હતો.

આ વ્યક્તિ વારંવાર વિદ્યા સાથે સેલ્ફી લેવાની જીદ કરતો રહ્યો.

સેલ્ફી લેવાનો પ્રયત્ન કરતો રહ્યો
જે વીડિયો સામે આવ્યો છે તેમાં એક વ્યક્તિ વિદ્યા બાલન સાથે સેલ્ફી લેવાનો પ્રયાસ કરી રહ્યો છે જે પંકજ ઉધાસને અંતિમ શ્રદ્ધાંજલિ આપવા આવી હતી. તેણે પહેલા વિદ્યાને તેની સાથે સેલ્ફી લેવા કહ્યું, જેનો વિદ્યાએ જવાબ ન આપ્યો. બાદમાં તે તેની પાછળ ગયો અને બળજબરીથી તેની સાથે સેલ્ફી લેવાનો પ્રયાસ કરવા લાગ્યો.

વિદ્યાની મેનેજરે તેને ઘણી વખત મનાઈ કરી હતી પરંતુ તે માન્યો નહોતો અને તેનો પીછો કરતો રહ્યો.

વિદ્યાએ કોઈ પ્રતિક્રિયા આપી નથી
આ સમગ્ર ઘટના દરમિયાન વિદ્યા બાલન સંપૂર્ણપણે શાંત રહી હતી. તેણે કોઈપણ પ્રકારની પ્રતિક્રિયા આપી ન હતી. આ સમય દરમિયાન, વિદ્યાની મેનેજર, જે તેની સાથે હાજર હતી, તે વ્યક્તિને વારંવાર સેલ્ફી લેવાનું બંધ કરવા માટે કહેતા જોવા મળ્યા હતા. તેણે વારંવાર આ વ્યક્તિને વિદ્યાથી દૂર ધકેલી દીધો પરંતુ તે વ્યક્તિ વિદ્યા સાથે સેલ્ફી લેવાનો પ્રયાસ કરતો રહ્યો.

વીડિયો વાયરલ થયા બાદ સોશિયલ મીડિયા યુઝર્સ ટ્રોલ કરી રહ્યા હતા
જ્યારથી આ વીડિયો સોશિયલ મીડિયા પર વાઇરલ થયો છે ત્યારથી યુઝર્સ આ ફેન્સને ટ્રોલ કરી રહ્યા છે. એક યુઝરે લખ્યું, ‘શું સમજણ નથી? શું આ સેલ્ફી લેવાનો સમય છે? જ્યારે બીજાએ કોમેન્ટ કરી, ‘આ ખૂબ જ શરમજનક છે.’ તેમજ આ એક પ્રકારની હેરાનગતિ છે. આ વ્યક્તિની ધરપકડ થવી જોઈએ.