‘સ્પાય યુનિવર્સ’ની ફિમેલ લીડ ફિલ્મમાં અનિલ કપૂરની એન્ટ્રી: RAW ચીફની ભૂમિકા ભજવશે અભિનેતા, આલિયા ભટ્ટ મુખ્ય અભિનેત્રી તરીકે જોવા મળશે

યશરાજ પ્રોડક્શનની ‘સ્પાય યુનિવર્સ’ સાતમી ફિલ્મની તૈયારીઓ શરૂ થઈ ગઈ છે. આ સ્પાય યુનિવર્સની પ્રથમ મહિલા લીડ ફિલ્મ હશે, જેમાં આલિયા ભટ્ટ મુખ્ય ભૂમિકામાં છે. હવે આ ફિલ્મમાં અનિલ કપૂરે પણ એન્ટ્રી કરી છે. આ ફિલ્મમાં તે RAW ચીફની ભૂમિકા ભજવવા જઈ રહ્યો છે.

તાજેતરના બોલિવૂડ હંગામાના રિપોર્ટમાં ફિલ્મ સાથે જોડાયેલા એક સ્ત્રોતને ટાંકીને લખવામાં આવ્યું છે કે અનિલ કપૂર યશ રાજ ફિલ્મ્સના સ્પાય યુનિવર્સનો એક ભાગ બની ગયો છે. લોકપ્રિય ફિલ્મમાં અનિલ RAW ચીફના રોલમાં જોવા મળશે. આ સિરીઝમાં તે ગિરીશ કર્નાડનું સ્થાન લઈ રહ્યો છે, જેઓ ટાઇગર ફ્રેન્ચાઇઝીમાં RAW ચીફ બન્યા હતા. ગિરીશ કર્નાડનું વર્ષ 2019માં નિધન થયું હતું.

આ ફિલ્મ 2025માં રિલીઝ થશે, શર્વરી વાઘ આલિયા સાથે જોવા મળશે.
‘એક થા ટાઈગર’, ‘ટાઈગર ઝિંદા હૈ’, ‘વોર’, ‘પઠાણ’, ‘ટાઈગર-3’ અને ‘વોર-2’ પછી આવનારી અનટાઈટલ ફિલ્મ આ સ્પાય યુનિવર્સ​​​​​​​ની સાતમી ફિલ્મ છે. આ ફિલ્મમાં ‘બંટી ઔર બબલી 2’ થી ડેબ્યુ કરનાર શર્વરી વાઘ આલિયા સાથે લીડ રોલમાં જોવા મળશે. શિવ રવૈલ આ ફિલ્મનું નિર્દેશન કરવા જઈ રહ્યા છે, જે આવતા વર્ષે 2025માં રિલીઝ થઈ શકે છે. હાલમાં ફિલ્મનું ટાઇટલ નક્કી કરવામાં આવ્યું નથી.

ફિમેલ લીડ ફિલ્મની સાથે યશ રાજ પ્રોડક્શનની સ્પાય યુનિવર્સ​​​​​​​ની વધુ બે ફિલ્મોની જાહેરાત કરવામાં આવી છે. આમાંની પહેલી ફિલ્મ ‘પઠાણ-2’ હશે, જે 2023ની બ્લોકબસ્ટર ‘પઠાણ’ની સિક્વલ છે. આ ફિલ્મમાં શાહરૂખ ખાન લીડ રોલમાં છે. જ્યારે બીજી ફિલ્મ ‘ટાઈગર VS પઠાણ’ હશે. આ ફિલ્મમાં સલમાન અને શાહરૂખ બંને લીડ રોલમાં જોવા મળશે.

અનિલ કપૂરની ફિલ્મોની વાત કરીએ તો તે છેલ્લે ‘ફાઈટર”માં જોવા મળ્યો હતો. આ પહેલા અનિલ કપૂર ફિલ્મ ‘એનિમલ’ માટે ચર્ચામાં હતો. આલિયા ભટ્ટની આગામી ફિલ્મોમાં ‘જીગરા’, ‘બ્રહ્માસ્ત્ર-2’નો સમાવેશ થાય છે.