43 મિનિટ પેહલા
- કૉપી લિંક
T20 વર્લ્ડ કપની 31મી મેચ શનિવારે સવારે 5 વાગ્યાથી કિંગ્સટાઉનના અર્નોસ વેલે ગ્રાઉન્ડ પર દક્ષિણ આફ્રિકા અને નેપાળ વચ્ચે રમાશે. આ સાઉથ આફ્રિકાની છેલ્લી લીગ મેચ હશે.
નેપાળ અને શ્રીલંકા વચ્ચેની મેચ વોશઆઉટ થયા બાદ દક્ષિણ આફ્રિકા સુપર આઠમાં પહોંચી ગયું છે. તેણે અત્યાર સુધીની ત્રણેય મેચ જીતી છે. બીજી તરફ નેપાળ હજુ સુધી એકપણ મેચ જીત્યું નથી. ટીમ નેધરલેન્ડ્સ સામે માત્ર એક જ મેચ રમી હતી, જ્યાં તેમને 6 વિકેટે હારનો સામનો કરવો પડ્યો હતો. બંને ટીમ પ્રથમ વખત T-20 ઈન્ટરનેશનલમાં આમને-સામને થશે.
સાઉથ આફ્રિકાનું પેસ એટેક શાનદાર, મિલર ટોપ સ્કોરર
ટુર્નામેન્ટમાં આવતા પહેલાં દક્ષિણ આફ્રિકાની સૌથી મોટી ચિંતા એનરિક નોર્કિયાનું ફોર્મ હતું, પરંતુ તે તેના જૂના ફોર્મમાં પરત ફર્યો છે. નોર્કિયા 150 કિમી પ્રતિ કલાકની ઝડપે બોલિંગ કરી રહ્યો છે. તેણે અત્યાર સુધી 3 મેચમાં 8 વિકેટ ઝડપી છે.
નોર્કિયા અને ઓટનીલ બાર્ટમેનની જોડીએ પ્રભાવ પાડ્યો છે. બાર્ટમેન છેલ્લા 12 મહિનામાં ટીમનો સર્વશ્રેષ્ઠ બોલર રહ્યો છે. તેના નામે સૌથી વધુ વિકેટ છે.
આ સાથે જ ડેવિડ મિલરે છેલ્લી 3 મેચમાં શાનદાર પ્રદર્શન કર્યું છે. તેણે 3 મેચમાં 93 રન બનાવ્યા છે. તે જ સમયે, રીઝા હેન્ડ્રિક્સે છેલ્લા એક વર્ષમાં ટીમ માટે સૌથી વધુ રન બનાવ્યા છે.
રોહિત-અવિનાશ નેપાળના ટોચના ખેલાડીઓ
રોહિત પૌડેલે અત્યાર સુધીની પહેલી મેચમાં સૌથી વધુ 35 રન બનાવ્યા છે. જ્યારે સોમપાલ કામી, દિપેન્દ્ર સિંહ અને અવિનાશ વોહરાને એક-એક વિકેટ મળી હતી. રોહિત પૌડેલ અને અવિનાશ બોહરાએ છેલ્લા 12 મહિનામાં સૌથી વધુ વિકેટ લીધી છે.
નેપાળના પૂર્વ કેપ્ટન સંદીપ લામિછાને ટીમમાં પરત ફર્યો
નેપાળના સૌથી પ્રખ્યાત ખેલાડી અને ભૂતપૂર્વ કેપ્ટન સંદીપ લામિછાને ગયા વર્ષે નવેમ્બરથી એકપણ આંતરરાષ્ટ્રીય મેચ રમ્યો નથી. તેને બળાત્કારના કેસમાં દોષિત ઠેરવવામાં આવ્યો હતો અને પછી તેને નિર્દોષ જાહેર કરવામાં આવ્યો હતો. ભાગ લેનારી ટીમે ટુર્નામેન્ટ માટે તેમની અંતિમ ટીમની જાહેરાત કરી તેના દસ દિવસ પહેલાં આ ઘટના બની હતી. તેનું નામ નેપાળની પ્રારંભિક ટીમમાં નહોતું.
ચતુરાઈથી નેપાળે 15ને બદલે માત્ર 14 ખેલાડીઓને જ સામેલ કર્યા હતા. લામિછાને આ કારણોસર ટીમમાં આવ્યો હતો. પરંતુ લામિછાનેને પાછળથી યુનાઇટેડ સ્ટેટ્સમાં પ્રવેશવા માટે વિઝા આપવાનો ઇનકાર કરવામાં આવ્યો હતો અને નેપાળની પ્રથમ બે મેચ ગુમાવવી પડી હતી, પરંતુ ત્યારથી તે સેન્ટ વિન્સેંટ પહોંચી ગયો છે.
સંદીપ લામિછાને નેપાળ માટે અત્યાર સુધીમાં 51 વન-ડે અને 52 T20 રમી ચૂક્યો છે.
હવામાન અહેવાલ
વાદળછાયું વાતાવરણ રહેશે, વરસાદની કોઈ શક્યતા નથી. તાપમાન 30 ડિગ્રીની આસપાસ રહી શકે છે. એકંદરે, રમત દરમિયાન ભેજ, સૂર્યપ્રકાશ અને હળવા પવનની અપેક્ષા રહેશે.
પિચ રિપોર્ટ
મેચની ઓછી સંખ્યાને કારણે સેન્ટ વિન્સેન્ટની પિચ એક રહસ્ય બની રહી છે. બાંગ્લાદેશ-નેધરલેન્ડ્સ મેચ અનુસાર શરૂઆતની ઓવરોમાં સ્વિંગ જોવા મળ્યો હતો. તે જ સમયે, પછીની ઓવરોમાં સ્પિનરોને મદદ મળી. પિચ પણ બેટર્સ માટે અનુકૂળ છે.
મેદાનની એક તરફ 58 મીટરની બાઉન્ડરી છે, એટલે કે મોટા હિટર્સને અહીં મોટા શોટ મારવાનું મન થશે.
બન્ને ટીમની પ્લેઇંગ-11
નેપાળ: રોહિત પૌડેલ (કેપ્ટન), કુશલ ભુર્ટેલ, આસિફ શેખ (વિકેટકીપર), અનિલ શાહ, કુશલ મલ્લ, દીપેન્દ્ર સિંહ એરે, સોમપાલ કામી, ગુલશન ઝા, કરણ કેસી, સાગર ધકાલ/સંદીપ લામિછાને અને અવિનાશ બોહરા.
સાઉથ આફ્રિકા: એડન માર્કરામ (કેપ્ટન) , ક્વિન્ટન ડી કોક (વિકેટકીપર), રીઝા હેન્ડ્રીક્સ, ટ્રિસ્ટન સ્ટબ્સ, હેનરિક ક્લાસેન, ડેવિડ મિલર, માર્કો યાન્સેન, કેશવ મહારાજ, કાગીસો રબાડા, ઓટનીલ બાર્ટમેન અને એનરિક નોર્કિયા.
