39 મિનિટ પેહલા
- કૉપી લિંક
’12th ફેલ’ એક્ટર વિક્રાંત મેસીએ અભિનેત્રી શીતલ ઠાકુર સાથેના લગ્ન વિશે વાત કરી છે. બંનેએ 2022માં લગ્ન કર્યા હતા. આ પહેલાં બંને સાત વર્ષ સુધી લિવ-ઈન રિલેશનશિપમાં હતા. વિક્રાંતે એક ઇન્ટરવ્યૂમાં જણાવ્યું કે તેની માતાએ તેને લિવ-ઈન રિલેશનશિપમાં રહેવાની સલાહ આપી હતી.
YouTuber AminJazz ના પોડકાસ્ટ Untriggeredમાં, વિક્રાંતે કહ્યું, શીતલ અને હું લગ્ન પહેલાં 7 વર્ષ સુધી સંબંધમાં હતા. આ સમયગાળા દરમિયાન અમે બંને લિવ-ઈનમાં રહ્યાં. મારી માતાએ મને લિવ-ઈન રિલેશનશિપમાં રહેવાની સલાહ આપી. તેમણે કહ્યું કે તમે બંને લગ્ન પહેલાં સાથે રહેજો. ભગવાનની કૃપાથી મને ખૂબ પ્રગતિશીલ માતાપિતાના આશીર્વાદ મળ્યા છે. માતાની સલાહ કામ કરી ગઈ. લિવ-ઈન દરમિયાન અમને એકબીજાના અલગ-અલગ શેડ્સ જોવા મળ્યા. આ રીતે વાસ્તવિક સોબત અનુભવાઈ હતી.
બંનેએ બ્રોકન બટ બ્યૂટીફુલમાં ઓનસ્ક્રીન પતિ-પત્નીની ભૂમિકા ભજવી હતી.
વિક્રાંતે વધુમાં જણાવ્યું કે તે શીતલને એક કોમન ફ્રેન્ડ દ્વારા મળ્યો હતો. અમે બંને અમારી મીટિંગના ત્રીજા દિવસે એકબીજાને પસંદ કરવા લાગ્યા. મળતાની સાથે જ અમને એકબીજા પ્રત્યે આકર્ષણ લાગ્યું. જે બાદ મામલો આગળ વધ્યો હતો.
વિક્રાંત-શીતલના લગ્ન 2022માં થયા હતા
મીડિયા રિપોર્ટ્સ અનુસાર, વિક્રાંત અને શીતલની મુલાકાત અલ્ટ બાલાજીની વેબ સિરીઝ ‘બ્રોકન બટ બ્યૂટીફુલ’ના શૂટિંગ દરમિયાન થઈ હતી. આ સિરીઝમાં બંનેએ સાથે કામ કર્યું હતું. લાંબા સમય સુધી એકબીજાને ડેટ કર્યા બાદ બંનેએ 2019માં સગાઈ કરી લીધી હતી. આ પછી, કપલે ફેબ્રુઆરી 2022 માં લગ્ન કર્યા. બંને એક પુત્રના માતા-પિતા પણ બન્યા છે.
આ કપલે 12 ફેબ્રુઆરી 2022ના રોજ લગ્ન કર્યા હતા
વિક્રાંતની આવનારી ફિલ્મો
વર્ક ફ્રન્ટની વાત કરીએ તો, વિક્રાંત ટૂંક સમયમાં તાપસી પન્નુની ‘ફિર આઇ હસીન દિલરૂબા’ અને દેવાંગ ભાવસારની ‘બ્લેકઆઉટ’માં જોવા મળશે
