બોટાદ જિલ્લાના રાણપુરમાં આવેલ સરકારી મોડેલ સ્કૂલ ખાતે શાળાના કાર્યકારી આચાર્ય કે.એન.રાઠોડના માર્ગદર્શન હેઠળ વાલી મિટિંગ, માતૃ પિતૃ વંદના અને સરકારી સેવા જોડાયેલ વિદ્યાર્થીઓના સન્માનનો ત્રિવિધ કાર્યક્રમ યોજાયો હતો.
Related posts
.
બાળકના સર્વાંગી વિકાસ માટે પ્રથમ પરીક્ષાના પરિણામ સંદર્ભે, બાળકની હાજરી સંદર્ભે, તેમજ વિદ્યાર્થીના વિકાસને સ્પર્શતી તમામ બાબતોને અનુલક્ષીને ખુબ સરસ રીતે વાલી મિટિંગનું આયોજન થયું હતું.
બાળકના વિકાસમાં સહભાગી થવા વિશાળ માત્રામાં વાલીઓ હાજર રહ્યા હતાં તેમજ માતૃ પિતૃ વંદના કાર્યક્રમમાં વાલી અને વિદ્યાર્થીઓ વચ્ચે ભાવવિભોર દ્રશ્યો સર્જાયા હતા. પ્રથમ સત્રાંત પરીક્ષામાં ધોરણ 9થી 12માં પ્રથમ ક્રમે આવેલા વિદ્યાર્થીઓને શૈક્ષણિક કીટ આપી સન્માનિત કરવામાં આવ્યા હતા. શાળાનાં ભૂતપૂર્વ વિદ્યાર્થીઓ જે સરકારી સેવામાં જોડાયા તેમાં સાંકળિયા હાર્દિક અને શેખ સંગીતાનું પણ સન્માન કરવામાં આવ્યું હતું.
