મુંબઈ15 મિનિટ પેહલા
- કૉપી લિંક
આજે એટલે કે બુધવાર, 16 એપ્રિલના રોજ શેરબજારમાં ફ્લેટ ટ્રેડિંગ ચાલી રહ્યું છે. સેન્સેક્સ લગભગ 50 પોઈન્ટ ઘટીને 76,750ના સ્તરે ટ્રેડ કરી રહ્યો છે. નિફ્ટીમાં લગભગ 20 પોઈન્ટની તેજી છે, તે 23,300ની સપાટીએ કારોબાર કરી રહ્યો છે.
સેન્સેક્સના 30 શેરોમાંથી 22 શેરોમાં નજીવો ઘટાડો જોવા મળ્યો છે. ઇન્ફોસિસ, મારુતિ અને એચસીએલ ટેકના શેર 1%થી વધુ ઘટ્યા છે. HDFC બેંક, ઇન્ડસઇન્ડ બેંક, કોટક મહિન્દ્રા બેંકના શેરમાં થોડો વધારો જોવા મળી રહ્યો છે.
નિફ્ટીના 20 માંથી 36 શેરોમાં ઘટાડો જોવા મળી રહ્યો છે. સેક્ટોરલ ઈન્ડેક્સમાં ઓટો અને આઇટીમાં સૌથી વધુ વધારો થયો છે. તેમજ, મીડિયા મેટલ અને ફાર્મા ઇન્ડેક્સમાં વધારો જોવા મળી રહ્યો છે.
ગ્લોબલ માર્કેટમાં થોડો ઘટાડો, DII એ ₹6,066 કરોડના શેર ખરીદ્યા
- 15 એપ્રિલના રોજ, અમેરિકાનો ડાઉ જોન્સ 155 પોઈન્ટ (0.38%), નાસ્ડેક કમ્પોઝિટ 8 પોઈન્ટ (0.049%) અને S&P 500 ઈન્ડેક્સ 9 પોઈન્ટ (0.17%) ઘટીને બંધ થયો.
- એશિયન બજારોમાં, જાપાનનો નિક્કી 251 પોઈન્ટ (0.73%) ઘટીને 34,016 પર બંધ રહ્યો. કોરિયાનો કોસ્પી 14 પોઈન્ટ (0.58%) ઘટીને 2,463 પર ટ્રેડ કરી રહ્યો છે.
- ચીનનો શાંઘાઈ કમ્પોઝિટ 0.92% ઘટીને 3,237 પર ટ્રેડ થઈ રહ્યો હતો. હોંગકોંગનો હેંગ સેંગ ઇન્ડેક્સ 2.59% ઘટીને 20,910 પર ટ્રેડ થઈ રહ્યો છે.
- 15 એપ્રિલના રોજ, વિદેશી રોકાણકારો (FII) એ 6,065.78 કરોડ રૂપિયાના શેર ખરીદ્યા હતા. જ્યારે ભારતીયો એટલે કે સ્થાનિક રોકાણકારો (DIIs) એ 1,951.60 કરોડ રૂપિયાના શેર વેચ્યા.
બજારમાં તેજીના 2 કારણો
1. યુએસ ટેરિફમાંથી 90 દિવસની રાહત:
9 એપ્રિલના રોજ, ચીન સિવાયના તમામ દેશો પર પારસ્પરિક ટેરિફ 90 દિવસ માટે મુલતવી રાખવાના યુએસ રાષ્ટ્રપતિના નિર્ણય પછી બજાર 12% વધીને બંધ થયું. બીજા દિવસે સવારે, એટલે કે ૧૦ એપ્રિલના રોજ, એશિયન બજારોમાં 10% સુધીનો ઉછાળો જોવા મળ્યો.
ભારતીય બજારો ગઈકાલે એટલે કે ગુરુવાર 10 એપ્રિલે મહાવીર જયંતિના કારણે બંધ રહ્યા હતા. એટલા માટે આજે અમેરિકન અને અન્ય એશિયન બજારોમાં ઘટાડા છતાં ભારતીય બજાર ઉપર છે.
2. ભારત-અમેરિકા વેપાર ડીલના આશા:
90 દિવસની કામચલાઉ રાહત બંને દેશો વચ્ચે દ્વિપક્ષીય વેપાર કરાર (BTA) વિશે ચાલી રહેલી ચર્ચાઓને વેગ આપવાની અપેક્ષા છે. ભારતથી વિપરીત, ચીનને ટેરિફમાં છૂટ આપવામાં આવી નથી. આનાથી ભારતીય નિકાસકારોને ટૂંકા ગાળામાં સ્પર્ધાત્મક ફાયદો મળી શકે છે.
મંગળવારે સેન્સેક્સ 1578 પોઈન્ટ વધ્યો હતો
ગઈકાલે એટલે કે મંગળવાર, 15 એપ્રિલના રોજ શેરબજારમાં મોટો ઉછાળો જોવા મળ્યો. સેન્સેક્સ 1578 પોઈન્ટ (2.10%) વધીને 76,735 પર બંધ થયો. નિફ્ટી પણ 500 પોઈન્ટ (2.19%) વધીને 23,329 પર બંધ થયો.
સેન્સેક્સના 30 શેરોમાંથી 28 શેરોમાં તેજી જોવા મળી. ઇન્ડસઇન્ડ બેંક 6.70%, ટાટા મોટર્સ 4.61%, લાર્સન એન્ડ ટુબ્રો 4.50%, એક્સિસ બેંક 4.23% અને અદાણી પોર્ટ્સ 4.13% વધ્યા હતા.
નિફ્ટીના 50 શેરોમાંથી 49 શેરોમાં તેજી જોવા મળી. NSE સેક્ટોરલ ઈન્ડેક્સમાં સૌથી વધુ ઉછાળો રિયલ્ટી (5.64%), ઓટો (3.39%), ફાઇનાન્શિયલ સર્વિસિસ (3.28%), મેટલ (3.20%) અને મીડિયા (2.97%)માં જોવા મળ્યો.
