‘મેરે કરણ-અર્જુન આયેંગે’: 30 વર્ષ બાદ ફરી ધૂમ મચાવશે ફિલ્મ, સલમાને કરી જાહેરાત; જાણો રિલીઝ ડેટ

શાહરૂખ ખાન અને સલમાન ખાનની ફિલ્મ ‘કરણ અર્જુન’ ફરી એકવાર મોટા પડદા પર રીલિઝ થઈ રહી છે. સલમાન ખાને આ સમાચાર સોશિયલ મીડિયા પર શેર કરતાની સાથે જ લોકો ખુશીથી ઉછળી પડ્યા હતા. સલમાન ખાને તેના ઈન્સ્ટાગ્રામ એકાઉન્ટ પર ફિલ્મનું ટીઝર શેર કર્યું છે અને જણાવ્યું છે કે ફિલ્મ ક્યારે રિલીઝ થશે.

30 વર્ષ બાદ ફરી રિલીઝ થશે ફિલ્મ અભિનેતા સલમાન ખાને પોતાની પોસ્ટમાં લખ્યું, ‘રાખી જીએ સાચું કહ્યું હતું કે… મેરે કરણ-અર્જુન આયેંગે’. આ ફિલ્મ 22મી નવેમ્બરે દુનિયાભરના સિનેમાઘરોમાં ફરીથી રિલીઝ થવા માટે તૈયાર છે. લગભગ 30 વર્ષ બાદ કરણ-અર્જુન ફિલ્મ મોટા પડદા પર રીલિઝ થવા જઈ રહી છે.

હૃતિક રોશને ખુશી વ્યક્ત કરી હૃતિક રોશને પણ ફિલ્મોની રી-રિલીઝ પર પોતાનો અભિપ્રાય વ્યક્ત કર્યો છે. આ ફિલ્મ તેના પિતા રાકેશ રોશન દ્વારા બનાવવામાં આવી છે. હૃતિકે પોસ્ટમાં લખ્યું છે કે, ‘કરણ અર્જુનની રિલીઝ પહેલા સિનેમા એકદમ અલગ હતું. કરણ અર્જુન ફરીથી સિનેમાઘરોમાં આવવા માટે તૈયાર છે.

‘કરણ અર્જુન’ હિન્દી સિનેમાની આઇકોનિક હિટ ફિલ્મ છે શાહરૂખ અને સલમાનની ફિલ્મ બોક્સ ઓફિસ પર ધૂમ મચાવી હતી અને તે 1995ની સૌથી મોટી હિટ ફિલ્મોમાંની એક હતી. ‘દિલવાલે દુલ્હનિયા લે જાયેંગે’ પછી તે વર્ષની સૌથી મોટી હિટ ફિલ્મ હતી. ‘કરણ અર્જુન’ ઓછામાં ઓછા 76 જગ્યાએ 50 અઠવાડિયા સુધી ચાલી હતી. જ્યારે આ ફિલ્મ 26 જગ્યાએ 75 અઠવાડિયા સુધી ચાલી.