2 મિનિટ પેહલા
- કૉપી લિંક
ફિલ્મ નિર્માતા-એક્ટર અનુરાગ કશ્યપે બોલિવૂડ પર મોટું નિવેદન આપ્યું છે. કશ્યપે કહ્યું કે, બોલિવૂડ મોટાભાગે મૂળ વાર્તાને બદલે સ્ટાર પાવર પર આધાર રાખે છે. આ જ કારણ છે કે સાઉથની ફિલ્મો બોલિવૂડ કરતાં વધુ સારું પ્રદર્શન કરી રહી છે.
ઈન્ડિયન એક્સપ્રેસને આપેલા ઈન્ટરવ્યૂમાં કશ્યપે કહ્યું, ‘બોલિવૂડમાં સ્ટાર પાવર પર વધુ ધ્યાન આપવામાં આવે છે, જ્યારે દક્ષિણ ફિલ્મ ઈન્ડસ્ટ્રી વાસ્તવિક વાર્તાઓ પર ધ્યાન કેન્દ્રિત કરે છે.’
ધ હિન્દુ સાથે વાત કરતા, તેણે ફહાદ ફાસિલની ફિલ્મ ‘આવેશમ’ ની પ્રશંસા કરી અને કહ્યું, ‘આ ફિલ્મના નિર્માતાઓએ મુખ્ય ભૂમિકામાં ત્રણ ઇન્ફ્લુએન્સરને કાસ્ટ કરવામાં કોઈ ખચકાટ દર્શાવ્યો નથી. બોલિવૂડમાં આવા રોલ માટે માત્ર મોટા સ્ટાર્સ જ છે, જે માત્ર સ્ટાર પાવર પર ફોકસ કરે છે.’
અનુરાગે બોલિવૂડ દ્વારા વારંવાર એક જ ફોર્મ્યુલા અપનાવવા બદલ ટીકા પણ કરી હતી. જોકે, તેણે કહ્યું હતું કે, ‘જ્યારે બોલિવૂડ નવી અને મૌલિક સામગ્રી રજૂ કરે છે ત્યારે શાનદાર ફિલ્મો બને છે.’ તેણે ’12મી ફેલ’ અને ‘લાપતા લેડીઝ’ જેવી ફિલ્મોની પ્રશંસા કરી અને કહ્યું, ‘આ ફિલ્મો ત્યારે જ સફળ બને છે જ્યારે કંઈક નવું રજૂ કરવામાં આવે.’
અન્ય એક ઈન્ટરવ્યૂમાં કશ્યપે બોલિવૂડ પર પૈસા વેડફવાનો આરોપ લગાવ્યો હતો. આ અંગે તેણે કહ્યું હતું કે, ‘ઘણા પૈસા ફિલ્મ બનાવવામાં નથી જતા, પરંતુ ફિલ્મના પ્રમોશન અને ટીમના ખર્ચમાં જાય છે.’
નોંધનીય છે કે, અનુરાગ કશ્યપ હાલમાં જ વિજય સેતુપતિની ફિલ્મ ‘મહારાજા’ અને ‘બેડ કોપ’માં ગુલશન દેવૈયા સાથે જોવા મળ્યો હતો.
