46 મિનિટ પેહલા
- કૉપી લિંક
એઆર રહેમાન અને તેના બેન્ડના સભ્ય મોહિની ડેએ તે જ દિવસે તેના પાર્ટનરથી અલગ થવાની જાહેરાત કરીને બધાને આશ્ચર્યચકિત કરી દીધા હતા. 19 નવેમ્બરના રોજ, રહેમાન અને તેની પત્ની સાયરા બાનુએ તેમના 29 વર્ષના લગ્નજીવનના અંતની જાહેરાત કરી. તેના થોડા સમય પછી, મોહિની ડેએ પણ તેના પતિથી છૂટાછેડા લેવાની વાત કરી. એક સાથે આ સમાચારે સોશિયલ મીડિયા પર હલચલ મચાવી દીધી અને અફવાઓ ફેલાવા લાગી કે મોહિનીને કારણે રહેમાન અને સાયરાનો સંબંધ તૂટી ગયો. મોહિનીએ હવે આ અફવાઓ પર પોતાનું મૌન તોડ્યું છે.
મોહિની ડેએ ઈન્સ્ટાગ્રામ સ્ટોરી પર લખ્યું કે તેને ઘણા ઈન્ટરવ્યૂ માટે બોલાવવામાં આવી છે, પરંતુ તે આ અંગે કંઈપણ સ્પષ્ટ કરવા માગતી નથી. તેણે લખ્યું, ‘મને ઈન્ટરવ્યૂ માટે ઘણા બધા મેસેજ આવી રહ્યા છે, અને મને ખબર છે કે આ બધું કેમ થઈ રહ્યું છે.’
આ પછી મોહિનીએ તેના અંગત જીવનનું સન્માન કરવાની અપીલ કરી અને કહ્યું, ‘આ અફવાઓને વધુ વધારવાનો મારો કોઈ ઈરાદો નથી. મારો સમય આ બાબતોમાં ન ખર્ચવો જોઈએ. કૃપા કરીને મારી ગોપનીયતાનો આદર કરો.’
અગાઉ, એઆર રહેમાનના પુત્ર એઆર અમીને પણ તેના માતાપિતાના છૂટાછેડાની અફવાઓ પર પ્રતિક્રિયા આપી હતી. તેણે ઇન્સ્ટાગ્રામ પર લખ્યું, ‘મારા પપ્પા એક લિજેન્ડ છે, અને માત્ર તેમના કામને કારણે નહીં, પરંતુ તેમણે વર્ષોથી મેળવેલા સન્માન અને પ્રેમને કારણે પણ. મને દુ:ખ છે કે ખોટી અફવાઓ ફેલાઈ રહી છે. આપણે સમજવું જોઈએ કે જ્યારે આપણે કોઈના વિશે વાત કરીએ છીએ, ત્યારે સત્ય અને આદર સૌથી મહત્ત્વપૂર્ણ છે. કૃપા કરીને ખોટી અફવાઓ ફેલાવવાનું ટાળો.’
મોહિની ડે અને તેમના પતિ માર્ક હાર્ટશે પણ એક પોસ્ટમાં તેમના અલગ થવાની જાહેરાત કરી હતી. તેણે લખ્યું, ‘અમે પરસ્પર સહમતિથી અલગ થવાનો નિર્ણય લીધો છે. અમારી વચ્ચે સમજણ છે અને અમે સારા મિત્રો બનીને રહીશું. અમે મામોગી અને મોહિની ડે ગ્રુપ સહિત ઘણા પ્રોજેક્ટ પર સાથે કામ કરીશું. અમે એકબીજા સાથે જે સારા કામ કરીએ છીએ તેના પર અમને હંમેશા ગર્વ છે અને તે ચાલુ રહેશે.’
