1 કલાક પેહલા
- કૉપી લિંક
પ્રિયામણિએ હાલમાં જ ખુલાસો કર્યો હતો કે જ્યારે તેને શાહરુખ ખાન અને દીપિકા પાદુકોણ સ્ટારર ફિલ્મ ‘ચેન્નઈ એક્સપ્રેસ’ માટે રોહિત શેટ્ટીની ઑફિસમાંથી પહેલીવાર ફોન આવ્યો, ત્યારે તેમના મનમાં સૌથી પહેલાં વિચાર એ આવ્યો હતો કે આ એક મજાક છે.પ્રિયામણિ માની જ ન શકી કે આવું પણ બની શકે.
પ્રિયામણિએ ચેન્નઈ એક્સપ્રેસનો પોતાનો અનુભવ શેર કર્યો
પ્રિયામણિએ વાતચીત દરમિયાન કહ્યું, એક દિવસ મને રોહિત શેટ્ટીની ઓફિસમાંથી ફોન આવ્યો. મને આશ્ચર્ય થયું કે રોહિત શેટ્ટીની ટીમમાંથી કોઈ મારો સંપર્ક કેમ કરશે. પછી તેમણે મને મુંબઈ આવવા કહ્યું. મેં તરત જ આ માટે સંમતિ આપી અને ફોન કટ કરી દીધો. સાચું કહું તો, મને લાગ્યું કે કોઈ મારી સાથે મજાક કરી રહ્યું છે. આ પછી મેં મારા મેનેજરને એ જાણવા માટે કહ્યું કે કોલ સાચો હતો કે મજાક. 5 મિનિટ પછી મારા મેનેજરે મને જાણ કરી કે કોલ સાચો હતો. પછી શું, મેં મારી બેગ પેક કરીને સીધી મુંબઈ આવી ગઈ હતી. મારો મેનેજર પણ મારી સાથે મુંબઈ આવ્યો હતો. અંતે અમે રોહિત શેટ્ટીને મળ્યા. રોહિત શેટ્ટીએ મને કહ્યું કે તેણે એક કન્નડ ગીત જોયું છે જેમાં હું અને પુનીત રાજકુમાર છીએ.
પ્રિયામણિએ વધુમાં કહ્યું, મેં અખબારમાં ‘ચેન્નઈ એક્સપ્રેસ’ની એડ જોઈ હતી. મને ખબર હતી કે આ ફિલ્મમાં શાહરુખ ખાન અને દીપિકા પાદુકોણ છે. તેથી હું વિચારવા લાગી કે રોહિત સર મને આવી ફિલ્મમાં કેમ કાસ્ટ કરશે. જો કે, હું ખૂબ ખુશ થઇ અને આભારી પણ લાગ્યું. મેં રોહિત સરને વિનંતી કરી કે મને ગીતમાં માત્ર એક બેકગ્રાઉન્ડ ડાન્સર ન બનાવો. હું મનમાં આ વિચારી રહી હતી કારણ કે ફિલ્મમાં ઈન્ડસ્ટ્રીના બે મોટા નામ સામેલ હતા. આ સાંભળીને તે તરત જ કહ્યું કે આ ગીતમાં માત્ર હું અને શાહરુખ ખાન જ હશે. આ ગીતમાં દીપિકા પાદુકોણ નહીં હોય. આ સાંભળતા જ મેં તરત જ હા પાડી દીધી.
પ્રિયામણિએ શાહરૂખ ખાનના વખાણ કર્યા હતા
પ્રિયામણિએ જણાવ્યું કે તેણે ‘1 2 3 4 ગેટ ઓન ધ ડાન્સ ફ્લોર’ ગીત પાંચ રાતના સમયગાળામાં શૂટ કર્યું. શાહરુખ ખાનના વખાણ કરતાં કહ્યું- શાહરૂખ ખૂબ જ મહેનતુ છે. તેઓ આજે જ્યાં છે ત્યાં સુધી પહોંચવા માટે તેમને આ બધું કરવાની જરૂર નહોતી. હકીકતમાં અમે સાંજે 6 વાગ્યાથી સવારે 6 વાગ્યા સુધી શૂટિંગ કરતા હતા. શૂટિંગ પૂરું થતાં જ હું આરામ કરવા મારા રૂમમાં પાછી જતી હતી. પરંતુ શાહરુખ ત્યાં જ રહેતો હતો અને આસિસ્ટન્ટ્સ સાથે વધુ પ્રેક્ટિસ કરતો હતો. હું તેમના સિનેમા પ્રત્યેના સમર્પણ અને પ્રેમને દિલથી સલામ કરું છું.
પ્રિયામણિ ટૂંક સમયમાં ‘મેદાન’માં જોવા મળશે
પ્રિયામણિ ટૂંક સમયમાં અજય દેવગન સ્ટારર ફિલ્મ ‘મેદાન’માં જોવા મળશે. ફિલ્મમાં અજય દેવગન ફૂટબોલ કોચ સૈયદ અબ્દુલ રહેમાનના રોલમાં જોવા મળશે, જેને ભારતીય ફૂટબોલના સ્થાપક માનવામાં આવે છે. સૈયદ અબ્દુલ રહેમાને 1950 થી 1963 સુધી ભારતીય ફૂટબોલ ટીમના કોચ અને મેનેજર તરીકે સેવા આપી હતી. આ ફિલ્મ બોની કપૂર અને ઝી સ્ટુડિયોના બેનર હેઠળ રિલીઝ થશે.
