35 મિનિટ પેહલા
- કૉપી લિંક
KGF ફેમ યશ સ્ટારર ફિલ્મ ‘ટોક્સિક’ ચર્ચામાં છે. આ ફિલ્મ આવતા વર્ષે એપ્રિલમાં રિલીઝ થશે. આવી સ્થિતિમાં હવે આ ફિલ્મ વિશે એક નવું અપડેટ હાલમાં જ સામે આવ્યું છે. ‘ટોક્સિક’માં યશની સામે કરીના કપૂર જોવા મળશે. આ વાતની પુષ્ટિ ખુદ કરીના કપૂરે કરી છે.
જાણો કેવી રીતે કરીના કપૂરે આ બાબતનો ખુલાસો કર્યો
કરીના કપૂરે હાલમાં જ ઝૂમ સાથે વાતચીત કરી હતી. તેમણે જણાવ્યું કે તે એક મોટા બજેટ સાઉથની ફિલ્મમાં જોવા મળશે. આ પાન ઇન્ડિયા ફિલ્મ હશે. કરીના કપૂરે વાતચીત દરમિયાન કહ્યું- હાલમાં જ મેં કહ્યું, હું સાઉથની એક મોટી ફિલ્મ કરવા જઈ રહી છું. આ એક પાન ઈન્ડિયા મૂવી હશે, પરંતુ હું તે નથી જાણતી કે ફિલ્મનું શૂટિંગ ક્યાં થશે. પરંતુ હું મારા ફેન્સને જણાવતા ખૂબ જ ઉત્સાહિત છું કે હું પ્રથમ વખત આ પ્રકારના પ્રોજેક્ટ સાથે જોડાઈ રહી છું.
કરીના આ ફિલ્મ દ્વારા કન્નડ ફિલ્મોમાં ડેબ્યુ કરશે
જોકે કરીના કપૂરે ફિલ્મનું નામ જાહેર કર્યું નથી, પરંતુ સાઉથની એક મોટી ફિલ્મ વિશે બેબોની આ વાત સીધી ‘ટોક્સિક’ તરફ ઈશારો કરે છે. ફેન્સે આ વીડિયો ક્લિપ જોતાની સાથે જ અનુમાન લગાવવાનું શરૂ કર્યું કે કરીના અન્ય કોઈ નહીં પણ યશ સ્ટારર ‘ટોક્સિક’ ફિલ્મ વિશે વાત કરી રહી છે. અત્રે ઉલ્લેખનીય છે કે, આ મામલે હજુ સુધી મેકર્સ તરફથી કોઈ ઓફિશિયલ જાહેરાત આવી નથી.
‘KGF 2’નું જબરદસ્ત કલેક્શન હતું
યશ આ પહેલાં ‘KGF 2’માં જોવા મળ્યો હતો. પ્રશાંત નીલ દ્વારા નિર્દેશિત આ ફિલ્મે વિશ્વભરમાં 1200 કરોડ રૂપિયાથી વધુની કમાણી કરી હતી. યશે દોઢ-બે વર્ષ પછી તેની નવી ફિલ્મ ‘ટોક્સિક’ની જાહેરાત કરી છે.
શું હશે ‘ટોક્સિક’ની વાર્તા?
ફિલ્મ ‘ટોક્સિક’ ગોવાના બેકગ્રાઉન્ડ પર આધારિત હશે. KGFની જેમ આ પણ પીરિયડ ક્રાઈમ ડ્રામા હશે. 60ના દાયકામાં ગોવામાં રશિયન અને ડ્રગ્સ માફિયાઓની ઘૂસણખોરી હતી. યશનો રોલ ત્યાંના રશિયન વર્ચસ્વને કેવી રીતે પડકારશે – ફિલ્મની વાર્તા આની આસપાસ વણાયેલી હશે.
ફિલ્મનું બજેટ 100 કરોડ રૂપિયા હશે
‘KGF’ સિરીઝની જેમ આ ફિલ્મ પણ એક્શન થ્રિલર હશે. સૂત્રોએ જણાવ્યું- યશ પોતે પણ આ ફિલ્મમાં નિર્માતા હશે. તે 100 કરોડથી વધુના બજેટમાં પણ લગાવવામાં આવી રહ્યું છે. યશને ફિલ્મનો પ્લોટ એટલો ગમ્યો છે કે તે હાલમાં અન્ય પ્રોજેક્ટ્સને બાજુ પર રાખીને તેનું સંપૂર્ણ ધ્યાન તેના પર કેન્દ્રિત કરી રહ્યો છે. ડ્રગ્સ અને રશિયન માફિયાઓ સાથે જે પણ હિપ્પી સંસ્કૃતિ હતી – તે બધું જ ફિલ્મમાં બતાવવામાં આવશે.
