49 મિનિટ પેહલા
- કૉપી લિંક
સોમવારે, દક્ષિણના સુપરસ્ટાર નાગાર્જુનના પિતા ફિલ્મ સ્ટાર અક્કીનેની નાગેશ્વર રાવની 100મી જન્મજયંતી પર ANR એવોર્ડનું આયોજન કરવામાં આવ્યું હતું.
હૈદરાબાદમાં આયોજિત આ એવોર્ડ સમારોહમાં અમિતાભ બચ્ચન દ્વારા ચિરંજીવીનું સન્માન કરવામાં આવ્યું હતું. સન્માનિત થયા બાદ અભિનેતાએ તેમનાથી 13 વર્ષ મોટા બિગ બીના ચરણ સ્પર્શ કર્યા અને આશીર્વાદ લીધા.
આ ઘટનાના ઘણા વીડિયો સોશિયલ મીડિયા પર વાયરલ થયા છે. આ જોઈને ચાહકો ચિરંજીવી અને અમિતાભ બચ્ચનના ખૂબ વખાણ કરી રહ્યા છે.
ચિરંજીવીનું સન્માન કરતા અમિતાભ.
અમિતાભના ચરણ સ્પર્શ કરીને આશીર્વાદ લેતા ચિરંજીવી.
ચિરંજીવી ભાવુક થયા, અમિતાભ બચ્ચનના ચરણ સ્પર્શ કર્યા આ કાર્યક્રમમાં અમિતાભે ચિરંજીવીનું સન્માન કર્યું ત્યારે તેઓ ભાવુક થઈ ગયા હતા. તેમણે માથું નમાવીને અમિતાભ બચ્ચનને સલામ કરી અને પછી તેમના ચરણ સ્પર્શ કર્યા.
કાર્યક્રમમાં હાજર રહેલા ચિરંજીવીની માતા પણ આ પળને જોઈને ભાવુક થઈ ગયા હતા. આ પછી તેમણે સ્ટેજ પર હાજર અમિતાભ અને નાગાર્જુન સાથે ફોટોગ્રાફ્સ માટે પોઝ પણ આપ્યા હતા.
અભિનેતાનું સન્માન કર્યા બાદ બિગ બી સ્ટેજ પરથી નીચે આવ્યા અને ચિરંજીવીની માતાને પણ મળ્યા. અમિતાભ તેમને મળ્યા અને હાથ જોડીને તેમનું અભિવાદન કર્યું અને પછી તેમના ચરણ સ્પર્શ કરીને આશીર્વાદ લીધા.
સન્માન મળ્યા બાદ ચિરંજીવી ખૂબ જ ભાવુક થઈ ગયા હતા.
અમિતાભે અહીં ચિરંજીવીની માતાના ચરણ સ્પર્શ કર્યા હતા.
નાગાર્જુનનો પુત્ર નાગા ચૈતન્ય અને તેની મંગેતર શોભિતા ધુલીપાલા પણ આ કાર્યક્રમમાં જોવા મળ્યા હતા.
તેમને અમિતાભ અને શ્રીદેવી સાથે ANR એવોર્ડ મળ્યો છે. ANR એવોર્ડની શરૂઆત અક્કીનેની ઇન્ટરનેશનલ ફાઉન્ડેશન દ્વારા 2005માં કરવામાં આવી હતી. વર્ષ 2014માં અમિતાભ બચ્ચનને પણ આ એવોર્ડથી સન્માનિત કરવામાં આવ્યા હતા.
આ સિવાય દેવ આનંદ, લતા મંગેશકર, એસએસ રાજામૌલી, હેમા માલિની, શ્યામ બેનેગલ, શ્રીદેવી, રેખા, શબાના આઝમી, અંજલિ દેવી, વૈજયંતિમાલા અને બાલાચંદરને પણ ANR એવોર્ડથી સન્માનિત કરવામાં આવ્યા છે.
