9 મિનિટ પેહલા
- કૉપી લિંક
ધીરુભાઈ અંબાણી સ્કૂલના ‘એન્યુઅલ ડે’ ફંક્શનના બીજા દિવસે અભિષેક બચ્ચન અને ઐશ્વર્યા રાય જોવા મળ્યા હતા. અભિષેક હળવા ફોર્મલ આઉટફિટમાં જોવા મળ્યો હતો. ઐશ્વર્યા બ્લુ સલવાર સૂટમાં જોવા મળી હતી અત્રે ઉલ્લેખનીય છે કે, અભિષેક અને ઐશ્વર્યાની દીકરી આરાધ્યા ધીરુભાઈ અંબાણી ઈન્ટરનેશનલ સ્કૂલમાં અભ્યાસ કરે છે. એન્યુઅલ ડેના બીજા દિવસે નીતા અંબાણી પણ પિંક સિલ્ક સાડીમાં જોવા મળી હતી.
ઈશાન ખટ્ટર તેની માતા સાથે જોવા મળ્યો હતો. બંનેએ ફોટોગ્રાફર માટે પોઝ પણ આપ્યા હતા. ઈશાન હાલમાં જ ફિલ્મ ‘પીપ્પા’માં જોવા મળ્યો હતો. જોકે, આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. શાહિદ કપૂરની પત્ની મીરા રાજપૂત પણ જોવા મળી હતી. પ્રખ્યાત ફોટોગ્રાફર ડબ્બુ રતનાની તેની પત્ની સાથે જોવા મળ્યો હતો. ક્રિકેટર હરભજન સિંહ પણ તેમની પત્ની સાથે જોવા મળ્યો હતો.
નીતા અંબાણીએ આ સ્કૂલ 2003માં શરૂ કરી હતી
ધીરુભાઈ અંબાણી ઈન્ટરનેશનલ સ્કૂલની શરૂઆત 2003માં થઈ હતી. મુકેશ અંબાણીના પિતાની યાદમાં ખોલવામાં આવેલી આ સ્કૂલની નીતા અંબાણી ફાઉન્ડર છે. આ શાળાની ગણના ભારતની પ્રખ્યાત શાળાઓમાં થાય છે. ઘણી હસ્તીઓના બાળકો અહીં અભ્યાસ કરે છે. અભિષેક-ઐશ્વર્યાની દીકરી આરાધ્યાની સાથે શાહરુખ ખાન અને ગૌરીનો નાનો દીકરો અબરામ ખાન પણ અહીં ભણે છે.
આ સ્કૂલમાં ઘણા સ્ટાર કિડ્સ ભણ્યા છે
અનન્યા પાંડે, સુહાના ખાન, જાહન્વી કપૂર, આર્યન ખાન, સારા અલી ખાન અને અન્ય સ્ટાર કિડ્સ આ સ્કૂલમાંથી ભણ્યા છે. આ સિવાય ક્રિકેટર સચિન તેંડુલકરના બાળકો અર્જુન તેંડુલકર અને સારા તેંડુલકરે પણ અહીંથી પોતાનો અભ્યાસ પૂરો કર્યો હતો.
