13 કલાક પેહલા
- કૉપી લિંક
આ દિવસોમાં હિના ખાન કેન્સરમાંથી સાજા થવા માટે કીમોથેરાપી લઈ રહી છે. હાલમાં જ એક વિડીયો શેર કરતા તેણે જણાવ્યું છે કે તે કીમોથેરાપીના કારણે ખૂબ જ પીડામાંથી પસાર થઈ રહી છે. તેના પગ સુન્ન થઈ જાય છે અને તેને ચાલવામાં તકલીફ પડે છે.
હિનાની લેટેસ્ટ સોશિયલ મીડિયા પોસ્ટ.
હિનાએ જે વીડિયો શેર કર્યો છે, તેમાં તે મુંબઈના ભારે વરસાદમાં પણ છત્રી લઈને જિમ જતી જોવા મળી રહી છે. આ વિડિયો સાથે, તેની કેન્સરની સારવાર વિશે સમજાવતા, તેણે કહ્યું છે કે, ‘કીમો ટ્રીટમેન્ટથી, મને મારા પગમાં ન્યુરોપેથિક દુખાવો થાય છે જેના કારણે મારા પગ મોટાભાગે સુન્ન થઈ જાય છે. વર્કઆઉટ કરતી વખતે, હું મારા પગ પરનો સંતુલન ગુમાવી દઉં છું અને મારા પગ સુન્ન થવાને કારણે પડી જાઉં છું. પરંતુ હું ફક્ત ઉઠવા અને ઉભા થવા પર ધ્યાન કેન્દ્રિત કરું છું. હું પડવા પર બિલકુલ ધ્યાન આપતી નથી. દર વખતે હું પહેલા કરતાં વધુ સખત પ્રયાસ કરું છું.
વીડિયો શેર કરતી વખતે હિનાએ કસરતનું મહત્વ પણ સમજાવ્યું. તેમણે કહ્યું કે સારી જીવનશૈલી માટે કોઈપણ પ્રકારની કસરત કે શારીરિક પ્રવૃત્તિ ખૂબ જ જરૂરી છે. જ્યારે આપણે કોઈ રોગ સાથે સંઘર્ષ કરી રહ્યા હોઈએ ત્યારે આ વધુ મહત્ત્વનું છે.
36 વર્ષની ઉંમરે હિના બ્રેસ્ટ કેન્સરના ત્રીજા સ્ટેજમાં છે. હિનાની મુંબઈની કોકિલાબેન હોસ્પિટલમાં સારવાર ચાલી રહી છે. તાજેતરમાં તેણે ઈન્સ્ટાગ્રામ પર કેટલીક તસવીરો શેર કરી છે. તસ્વીરોમાં તેના શરીરના કેટલાક ભાગો પર બળવાના નિશાન દેખાઈ રહ્યા હતા. આ નિશાન કીમોથેરાપી પછી શરીર પર દેખાય છે.
હિનાએ પોતાના સોશિયલ મીડિયા એકાઉન્ટ પર એક પોસ્ટ શેર કરતી વખતે કેન્સર હોવાની વાત કરી હતી.
હિનાએ 28 જૂને આ પોસ્ટ શેર કરી હતી
28 જૂને હિનાએ સોશિયલ મીડિયા પર એક પોસ્ટ દ્વારા જણાવ્યું હતું કે તેને સ્ટેજ થ્રી બ્રેસ્ટ કેન્સર છે. પોતાની પોસ્ટમાં લખ્યું હતું કે, ‘હાલમાં વહેતી થયેલી અફવાઓ પર હું તમારી સાથે કેટલાક મહત્ત્વપૂર્ણ સમાચાર શેર કરવા માંગુ છું. હું બ્રેસ્ટ કેન્સરના ત્રીજા તબક્કામાં છું. હું ઠીક છું! હું આ રોગ પર કાબુ મેળવવા માટે મજબૂત અને સંકલ્પબદ્ધ અને સંપૂર્ણ પ્રતિબદ્ધ છું. મારી સારવાર શરૂ થઈ ગઈ છે અને હું આને વધુ મજબૂત બનાવવા માટે દરેક શક્ય પ્રયાસ કરવા તૈયાર છું.
36 વર્ષની હિનાએ ‘યે રિશ્તા ક્યા કહેલાતા હૈ’થી દરેક ઘરમાં પોતાનું નામ બનાવ્યું હતું. આ સિવાય તે ‘બિગ બોસ 11’માં પણ જોવા મળી હતી.