11 કલાક પેહલા
- કૉપી લિંક
બોલિવૂડના કિંગ શાહરુખ ખાને દુબઈ ગ્લોબલ સમિટ દરમિયાન પોતાની એક્ટિંગ કરિયર વિશે ખુલાસો કર્યો હતો. શાહરુખે કહ્યું હતું કે એક્ટિંગ તેનું લક્ષ્ય નહતું. તેને વૈજ્ઞાનિક બનવાનું સપનુ જોયું હતુ. પરંતુ તેમના પિતાના મૃત્યુ પછી, તેણે વૈજ્ઞાનિક બનવા માટેનો અભ્યાસ છોડી દીધો. તે પછી તેણે કોમર્સ અને માસ કોમ્યુનિકેશનનો અભ્યાસ કર્યો. આ દરમિયાન તેણે નિષ્ફળતા વિશે પણ વાત કરી. શાહરૂખે કહ્યું કે જ્યારે નિષ્ફળતા આવે છે ત્યારે તે બાથરૂમમાં ખૂબ રડે છે.
પોતાની એક્ટિંગ કરિયર વિશે વાત કરતાં શાહરુખ ખાને કહ્યું- એક્ટિંગની દુનિયામાં આવવાનું કોઈ પ્લાનિંગ નહોતું. ઘણી વખત મને લાગે છે કે મેં જે અભ્યાસ કર્યો છે તેને એક્ટર બનવા સાથે કોઈ લેવાદેવા નથી. તે સમયે ભારતમાં ટેલિવિઝનનું આગમન થયું હતું અને મને 1,500 રૂપિયા મળતા હતા, જે તે સમયે મારા માટે બહુ મોટી રકમ હતી.
ટેલિવિઝન યુગનો ખુલાસો કરતા શાહરુખ ખાને કહ્યું- એક દિવસ હું મારા સ્કૂટર પર ઘરે જઈ રહ્યો હતો. મને જોઈને બે મહિલાઓ બૂમો પાડવા લાગી. તેમની ખુશી જોઈને મેં મારી જાતને કહ્યું કે આ તો મારે કરવાનું છે. હું લોકોને ખુશ કરવા માંગુ છું. તેથી જ હું એક્ટર બન્યો.
શાહરુખ ખાને પોતાની સુપરસ્ટાર ઇમેજ વિશે પણ વાત કરી હતી. તેણે કહ્યું કે હું મારી ઈમેજ માટે સખત મહેનત કરું છું. શાહરૂખ ખાને દુબઈ ગ્લોબલ સમિટ દરમિયાન પોતાની નિષ્ફળતા અને ટીકા વિશે પણ વાત કરી હતી. જ્યારે એક્ટરને પૂછવામાં આવ્યું કે શું તે ક્યારેય તેના કામની ટીકા કરે છે?
શાહરુખે કહ્યું- હું કરું છું, પરંતુ મને આવું અનુભવવું પસંદ નથી. હું મારા બાથરૂમમાં ખૂબ રડું છું, પરંતુ તે કોઈને બતાવતો નથી. તમારે જાતે સ્વીકારવું જોઈએ કે તમારી ફિલ્મમાં ભૂલ થઈ છે. આ સ્વીકારીને આગળ વધવું જોઈએ.
શાહરુખ ખાનના વર્ક ફ્રન્ટની વાત કરીએ તો તે પુત્રી સુહાના સાથે ફિલ્મ ‘કિંગ’માં જોવા મળશે. સુજોય ઘોષના નિર્દેશનમાં બની રહેલી આ ફિલ્મ 2026માં ઈદ પર રિલીઝ થશે.
