સામંથા રુથ પ્રભુના પિતા જોસેફ પ્રભુનું નિધન: એક્ટ્રેસે સોશિયલ મીડિયા પર આપી માહિતી, કહ્યું- ‘જ્યાં સુધી આપણે ફરી ન મળીએ પાપા’

સામંથા રૂથ પ્રભુના પિતા જોસેફ પ્રભુનું નિધન થયું છે. અભિનેત્રીએ સોશિયલ મીડિયા પર એક પોસ્ટ શેર કરીને આ માહિતી આપી હતી. તેણે લખ્યું, ‘જ્યાં સુધી આપણે ફરી ન મળીએ પાપા’. આ સાથે એક્ટ્રેસે બ્રોકન હાર્ટની ઇમોજી પણ એડ કરી છે. જો કે તેમના મૃત્યુનું કારણ હજુ સુધી સ્પષ્ટ થયું નથી.

પિતા સાથેના સંબંધો વણસેલા હતા ગલાટા ઈન્ડિયાને આપેલા તાજેતરના ઈન્ટરવ્યૂમાં, સામંથાએ તેના પિતા સાથેના તેના તણાવપૂર્ણ સંબંધો વિશે પણ વાત કરી હતી. તેણે કહ્યું હતું કે, ‘જ્યારે હું મોટી થઈ ત્યારે મારે આખી જિંદગી સંઘર્ષ કરવો પડ્યો. મારા પિતા આવા હતા. મને લાગતું હતું કે ભારતીય માતા-પિતા કદાચ આવા જ છે, જેઓ વિચારે છે કે તેઓ આપણું રક્ષણ કરી રહ્યા છે. પરંતુ આ બધાની વચ્ચે તમે તમારી જાતને વધુ સ્માર્ટ બનાવી શકતા નથી.’

સામંથાના પિતા તેલુગુ એંગ્લો ઈન્ડિયન હતા સામંથાના અંગત જીવનની વાત કરીએ તો તેનો જન્મ 28 એપ્રિલ, 1987ના રોજ થયો હતો. તેના પિતાનું નામ જોસેફ પ્રભુ અને માતાનું નામ નિનેટ પ્રભુ છે. તેમના પિતા તેલુગુ એંગ્લો-ઈન્ડિયન હતા, જ્યારે તેની માતા સીરિયન મલયાલી હતી. સામંથાના બે મોટા ભાઈઓ પણ છે.

લગ્નની ચોથી એનિવર્સરી પહેલા લગ્ન તૂટી ગયા સામંથા રુથ પ્રભુ અને નગા ચૈતન્યના લગ્ન 6 ઓક્ટોબર, 2017ના રોજ ગોવામાં થયા હતા, પહેલા હિંદુ રીતિ-રિવાજ મુજબ અને પછી 7 ઓક્ટોબરના રોજ ખ્રિસ્તી રિવાજો મુજબ. લગ્ન બાદ સામંથાએ પોતાનું નામ બદલીને અક્કીનેની કરી લીધું હતું. જો કે, અલગ થવાના સમાચાર વચ્ચે, સામંથાએ તેના ટ્વિટર હેન્ડલ પરથી અક્કીનેની નામ હટાવી દીધું હતું અને તેને બદલીને સામંથા રૂથ પ્રભુ કરી દીધું હતું. 6 ઓક્ટોબર, 2021ના રોજ બંનેના લગ્નના ચાર વર્ષ પૂરા થવાના હતા, પરંતુ તે પહેલા જ તેઓ અલગ થઈ ગયા હતા.