17 મિનિટ પેહલા
- કૉપી લિંક
બોલિવૂડમાં કિંગખાન તરીકે જાણીતા એક્ટર શાહરુખ ખાને સોમવારે મુંબઈના રાજ સ્ટુડિયોમાં ફેન્સ સાથે ફિલ્મ ‘ડંકી’ની સફળતાની ઉજવણી કરી હતી. આ સ્પેશિયલ ફેન ઈવેન્ટ દરમિયાન શાહરુખે કહ્યું કે જ્યારે તેમની ફિલ્મો હાલના સમયમાં સારું પ્રદર્શન કરી રહી ન હતી ત્યારે તેમને આત્મશંકા થઈ ગઈ હતી.
ઈવેન્ટમાં શાહરુખે ફેન્સ સાથે ફોટા પણ પડાવ્યા અને એક રડી રહેલાં ફેનને ગળેપણ લગાવ્યો હતો. સોશિયલ મીડિયા યુઝર્સ સુપરસ્ટારના વખાણ કરી રહ્યા છે.
મુંબઈમાં સોમવારે સાંજે બનેલી આ ઘટનાના ઘણા વીડિયો સોશિયલ મીડિયા પર વાઇરલ થયા છે
મને લાગ્યું હતું કે હું સારી ફિલ્મો નથી કરી રહ્યોઃ શાહરુખ
શાહરુખે આ ઈવેન્ટમાં કહ્યું, ‘હું છેલ્લાં 33 વર્ષથી કામ કરી રહ્યો છું. સામાન્ય રીતે તમે ઘણી વખત નર્વસ અનુભવો છો. દરેક રિલીઝ પર તમને લાગે છે કે આ ફિલ્મ સારો બિઝનેસ કરશે. આ ત્રણેય ફિલ્મો પહેલાં મારી કેટલીક ફિલ્મો સારી ચાલી ન હતી. તે સમયે મને વિચાર આવ્યા લાગ્યા હતા કે હું સારી ફિલ્મો બનાવી શકતો નથી.
‘હવેથી હું માત્ર બે-ત્રણ મહિનાનો બ્રેક લઈશ’
શાહરુખે આગળ કહ્યું, ‘હવે જ્યારે તમે લોકોએ ‘પઠાન’, ‘જવાન’ અને ‘ડંકી’ને આટલો પ્રેમ આપ્યો છે, ત્યારે મને લાગ્યું કે મારે ચાર વર્ષ દૂર ન જવું જોઈએ. માત્ર બે-ત્રણ મહિના ઠીક છે. હું મારા ફેન્સનો આભારી છું કે તેઓએ મને અનુભવ કરાવ્યો કે મેં જે કર્યું તે યોગ્ય હતું અને મારે તે જ કરવાનું ચાલુ રાખવું જોઈએ.
આ ઈવેન્ટમાં શાહરુખે તેના એક રડતા ફેન્સને ગળે લગાવ્યો હતો.
આ કાર્યક્રમમાં SRKના ફેન્સ ભાવુક થઈ ગયા હતા
આ જ ઈવેન્ટમાંથી શાહરુખનો એક વીડિયો વાઇરલ થયો છે જેમાં તે તેના એક રડતા ફેન્સને ગળે લગાવતો જોવા મળ્યો હતો. ઈવેન્ટમાં SRK સાથે ફોટો પડાવતા ઘણા ફેન્સ ઈમોશનલ થઈ ગયા હતા. આ ઈવેન્ટમાં શાહરુખ બ્લેક ટી-શર્ટ પહેરેલો જોવા મળ્યો હતો.
શાહરુખની ફિલ્મોએ 2600 કરોડનો બિઝનેસ કર્યો હતો
ગત વર્ષે રિલીઝ થયેલી ‘ડંકી’ શાહરુખની ત્રીજી ફિલ્મ હતી. આ પહેલાં જાન્યુઆરી 2023માં ‘પઠાન’ અને સપ્ટેમ્બર 2023માં ‘જવાન’ જેવી સુપરહિટ ફિલ્મો આપી હતી. 2023માં શાહરુખની આ ત્રણ ફિલ્મોએ ગ્લોબલ માર્કેટમાં 2 હજાર 600 કરોડ રૂપિયાનો બિઝનેસ કર્યો હતો.
રાજકુમાર હિરાની દ્વારા નિર્દેશિત ડંકી’એ વિશ્વભરમાં 470 રૂપિયાનો બિઝનેસ કર્યો છે
વર્ક ફ્રન્ટની વાત કરવામાં આવે તો શાહરુખે હજુ તેમની આગામી ફિલ્મની જાહેરાત કરી નથી પરંતુ તે ઘણા ફિલ્મ નિર્માતાઓ સાથે ચર્ચામાં છે. તે સુજોય ઘોષની આગામી ફિલ્મ ‘ધ કિંગ’માં જોવા મળી શકે છે જેમાં તેની પુત્રી સુહાના ખાન મોટા પડદે ડેબ્યૂ કરશે.
જુઓ વીડિયો
