1 કલાક પેહલા
- કૉપી લિંક
અભિનેતા ઋષભ શેટ્ટીએ તાજેતરમાં ફિલ્મ ‘કાંતારા’ માટે શ્રેષ્ઠ અભિનેતાનો રાષ્ટ્રીય પુરસ્કાર જીત્યો છે. આ જીતની ઉજવણી કરવા માટે આયોજિત પ્રેસ કોન્ફરન્સમાં અભિનેતાએ જણાવ્યું કે, ‘OTT પ્લેટફોર્મ કન્નડ કન્ટેન્ટ ખરીદવામાં ખચકાટ અનુભવે છે.’
‘કાંતારા’ દિગ્દર્શક તરીકે ઋષભના કરિયરની ચોથી ફિલ્મ છે
અમને આવી ફિલ્મોથી રિકવરી મળતી નથી: રિષભ
મીડિયા સાથે વાત કરતાં ઋષભે કહ્યું, ‘અમારી ફિલ્મો ફેસ્ટિવલમાં પ્રીમિયર થાય છે અને એવોર્ડ જીતે છે પરંતુ કોઈ OTT પ્લેટફોર્મ અમારી ફિલ્મોમાં રોકાણ કરતું નથી. જ્યારે કોઈ પણ OTT પ્લેટફોર્મ કન્નડ મૂવી ખરીદતું નથી, ત્યારે અમને તેને YouTube ચેનલ પર અપલોડ કરવાની ફરજ પડે છે. હું આનાથી કંટાળી ગયો છું. આવી ફિલ્મોમાંથી અમને રિકવરી મળતી નથી.’
આ ફિલ્મમાં ઋષભની સાથે અભિનેત્રી સપ્તમી ગૌડા જોવા મળી હતી.
‘હું તો માત્ર એક ચહેરો છું, મહેનત ઘણા લોકોની છે’
નેશનલ એવોર્ડ જીતવા પર અભિનેતાએ દર્શકો અને ફિલ્મની ટીમનો આભાર માન્યો હતો. તેણે કહ્યું, ‘હું માત્ર મારું કામ કરી રહ્યો છું પરંતુ ‘કંતારા’ની જીત તેની સાથે જોડાયેલા દરેક ટીમ મેમ્બરને સમર્પિત છે. હું માત્ર એક ચહેરો છું પરંતુ ફિલ્મ પર કામ કરી રહેલા ઘણા ટેકનિશિયનની મહેનત છે. હું દરેકનો આભાર માનવા માંગુ છું.’
હવે હું બધું જ ફિલ્મોને આપવા માંગુ છુંઃ રિષભ
વર્ક ફ્રન્ટ પર, ઋષભે કહ્યું કે ‘કાંતારા 2’ સિવાય, આ દિવસોમાં તે ‘પેડ્રો’ અને ‘વાગાચીપાની’ જેવી ફિલ્મોમાં પણ કામ કરી રહ્યો છે. તે પોતે આનું નિર્માણ કરે છે. તે કહે છે કે ફિલ્મોએ તેને બધું આપ્યું છે અને હવે તે ફિલ્મોને બધું આપવા માંગે છે.
‘કાંતારા 2’ આ વર્ષે ડિસેમ્બરમાં રિલીઝ થઈ શકે છે.
‘કાંતારા 2’ વર્ષ 2022માં રિલીઝ થયેલી ‘કાંતારા’ની સિક્વલ છે. તે ઋષભ દ્વારા જ લખવામાં અને ડિરેક્ટ કરવામાં આવી છે. તેમાં તે મુખ્ય ભૂમિકામાં પણ જોવા મળશે.
