નવાઝુદ્દીન સિદ્દીકીએ પોતાની સફળતાનો શ્રેય અનુરાગ કશ્યપને આપ્યો: એક્ટરે કહ્યું,’અમે બહુ સારા મિત્રો નથી, પરંતુ અમે કલાકો સુધી વાત કર્યા વિના મુસાફરી કરીએ છીએ’

નવાઝુદ્દીન સિદ્દીકીને અનુરાગ કશ્યપની ફિલ્મ ‘ગેંગ્સ ઓફ વાસેપુર’થી ઓળખ મળી હતી. તાજેતરમાં એક ઈન્ટરવ્યૂમાં નવાઝે તેની અને અનુરાગની મિત્રતા વિશે વાત કરી હતી. તેણે કહ્યું કે, ‘અમે બહુ સારા મિત્રો નથી. પરંતુ તેમની સાથે ક્યારેય કંઈ ખરાબ ન થવું જોઈએ.’ એટલું જ નહીં, તેણે પોતાની સફળતાનો શ્રેય પણ અનુરાગ કશ્યપને આપ્યો.

અમે કલાકો સુધી વાત કર્યા વિના મુસાફરી કરીએ છીએ
ઈન્ડિયન એક્સપ્રેસ સાથે વાત કરતા નવાઝુદ્દીને કહ્યું, ‘તમને સાચું કહું તો અનુરાગ કશ્યપ અને હું મિત્રો નથી. જ્યારે અમે સાથે બેસીએ છીએ ત્યારે કલાકો સુધી એકબીજા સાથે વાત કરતા નથી. અમે બંને એવા જ છીએ. અમે વાત કર્યા વિના 5 થી 6 કલાકની મુસાફરી કરી છે. અમારી વાતચીત માચિસ માંગવા થી ખાવા-પીવા વિશે વાત કરવા સુધી મર્યાદિત રહે છે. નવાઝુદ્દીને કહ્યું કે અમે મિત્રો ન હોવા છતાં અનુરાગ માટે દિલમાં ખાસ સ્થાન છે.’ નવાઝ ઈચ્છે છે કે અનુરાગ આ રીતે આગળ વધતો રહે. અભિનેતા કહે છે કે, ‘એ જરૂરી નથી કે તે મને ફિલ્મોમાં કાસ્ટ કરે. તેમની સાથે કશું જ ખરાબ ન થવું જોઈએ.’

નવાઝે પોતાની સફળતાનો શ્રેય અનુરાગને આપ્યો
નવાઝે જણાવ્યું કે ‘ગેંગ્સ ઓફ વાસેપુર’ની રિલીઝ પહેલા ડિઝાઈનરોએ તેના લુકને કારણે તેના માટે સૂટ બનાવવાની ના પાડી દીધી હતી. અભિનેતા આનાથી ખૂબ જ દુખી હતો. નવાઝે તેની સફળતાનો શ્રેય અનુરાગને આપ્યો અને તેનો દિલથી આભાર પણ માન્યો. થોડા દિવસ પહેલા જ અનુરાગ કશ્યપે એક ઈન્ટરવ્યૂ દરમિયાન નવાઝનો ઉલ્લેખ કર્યો હતો. તેણે કહ્યું હતું કે જ્યારે તે ડિપ્રેશનથી ઝઝૂમી રહ્યો હતો ત્યારે નવાઝ અને તાપસી પન્નુ હંમેશા તેની હાલત વિશે પૂછતા હતા.’

નવાઝુદ્દીનનું વર્ક ફ્રન્ટ
વર્ક ફ્રન્ટ પર, નવાઝની આગામી ફિલ્મ ‘રૌતુ કા રાઝ’ છે જે ZEE5 પર 28 જૂને રિલીઝ થશે. આ ફિલ્મમાં નવાઝ ફરી એકવાર પોલીસકર્મીના રોલમાં જોવા મળશે. હાલમાં જ આ સસ્પેન્સ-થ્રિલર ફિલ્મનું ટ્રેલર રિલીઝ કરવામાં આવ્યું છે.