6 મિનિટ પેહલા
- કૉપી લિંક
અજય દેવગન સ્ટારર ‘શૈતાન’ની કમાણીમાં સોમવારે 65%નો ઘટાડો જોવા મળ્યો હતો. આ ફિલ્મે વર્કિંગ ડે પર 7 કરોડ 81 લાખ રૂપિયાની કમાણી કરી હતી. હવે આ ફિલ્મે ભારતીય બોક્સ ઓફિસ પર 4 દિવસમાં 62 કરોડ 94 લાખ રૂપિયાની કમાણી કરી લીધી છે.
‘શૈતાન’ની વૈશ્વિક કમાણી 80 કરોડને પાર
અગાઉ, તેના શરૂઆતના સપ્તાહના અંતે તેણે વૈશ્વિક સ્તરે રૂ. 80 કરોડ અને ભારતીય બોક્સ ઓફિસ પર રૂ. 55 કરોડની કમાણી કરી હતી. જો આપણે તેના પર નજર કરીએ તો સોમવારે પણ તેણે લગભગ 8 કરોડ રૂપિયાની કમાણી કરી છે જે કામકાજના દિવસે સારું કલેક્શન છે.
‘શૈતાન’નું નિર્દેશન વિકાસ બહલે કર્યું છે જેમાં સાઉથની અભિનેત્રી જ્યોતિકા પણ મહત્ત્વની ભૂમિકામાં જોવા મળી રહી છે. ગુજરાતી અભિનેત્રી જાનકી બોડીવાલાએ આ ફિલ્મથી બોલિવૂડમાં એન્ટ્રી કરી છે.
‘લાપતા લેડીઝ’એ 11 દિવસમાં 9 કરોડ રૂપિયાનો બિઝનેસ કર્યો
આમિર ખાનના બેનર હેઠળ બનેલા ‘લાપતા લેડીઝ’ના કલેક્શનમાં કોઈ ફેરફાર દેખાતો નથી. આ ફિલ્મ 11 દિવસમાં 11 કરોડ રૂપિયાનો બિઝનેસ પણ કરી શકી નથી. ફિલ્મે બીજા રવિવારે 1.15 કરોડ રૂપિયાનું કલેક્શન કર્યું હોવા છતાં સોમવારે તેના કલેક્શનમાં ફરી 79%નો મોટો ઘટાડો જોવા મળ્યો. અત્યાર સુધી આ ફિલ્મે 9 કરોડનો બિઝનેસ કર્યો છે.
‘આર્ટિકલ 370’ 100 કરોડની ક્લબમાં શામેલ થવા જઈ રહી છે
આ સિવાય યામી ગૌતમની ફિલ્મ ‘આર્ટિકલ 370’ ત્રીજા સપ્તાહમાં પણ સારો બિઝનેસ કરી રહી છે. તેણે વૈશ્વિક સ્તરે રૂ. 95 કરોડ 23 લાખ અને ભારતીય બોક્સ ઓફિસ પર રૂ. 70 કરોડની કમાણી કરી છે. તેના ત્રીજા રવિવારે ફિલ્મે 3 કરોડ 25 લાખ રૂપિયાનો બિઝનેસ કર્યો હતો. ત્રીજા સોમવારે તેણે 85 લાખ રૂપિયાની કમાણી કરી હતી.
