58 મિનિટ પેહલા
- કૉપી લિંક
કપિલ શર્મા તેના શો ‘ધ ગ્રેટ ઈન્ડિયન કપિલ શો’ની નવી સિઝન 2 માટે ચર્ચામાં છે. આ શો 21 સપ્ટેમ્બર, 2024 થી નેટફ્લિક્સ પર સ્ટ્રીમ થશે. આવી સ્થિતિમાં આ શોનો પહેલો એપિસોડ અને ગેસ્ટનું નામ પણ સામે આવ્યું છે. જેમાં આલિયા ભટ્ટ, કરણ જોહર અને વેદાંગ રૈના જોવા મળશે. આ સમય દરમિયાન આ સ્ટાર્સ તેમની આગામી ફિલ્મ ‘જિગરા’નું પ્રમોશન કરશે.
કરણે આલિયાને પોતાની પહેલી દીકરી ગણાવી આ શોના પ્રથમ ગેસ્ટનો પ્રોમો નેટફ્લિક્સ ઈન્ડિયાની યુટ્યુબ ચેનલ અને ‘ધ ગ્રેટ ઈન્ડિયન કપિલ શો’ના ઈન્સ્ટાગ્રામ પેજ પર પણ શેર કરવામાં આવ્યો છે. પ્રોમોમાં જોઈ શકાય છે કે આલિયા, કરણ અને વેદાંગ ખૂબ જ મસ્તી કરતા જોવા મળી રહ્યા છે. કરણે આલિયાને પોતાની પહેલી દીકરી ગણાવી હતી. જ્યારે આલિયા તેના અને રણબીર કપૂરના સંબંધો વિશે પણ વાત કરતી જોવા મળે છે.
આ સ્ટાર્સ પણ શોમાં જોવા મળશે નોંધનીય છે કે, આગામી દિવસોમાં જાહ્નવી કપૂર, સૈફ અલી ખાન, જુનિયર એનટીઆર, ક્રિકેટર રોહિત શર્મા, શિવમ દુબે અને અક્ષર પટલેની સાથે અન્ય ઘણા કલાકારો પણ ‘ધ ગ્રેટ ઈન્ડિયન કપિલ શો સિઝન 2’માં જોવા મળશે.
ફિલ્મ ‘જિગરા’ 11 ઓક્ટોબરે રિલીઝ થશે ફિલ્મ ‘જિગરા’ વિશે વાત કરીએ તો, વેદાંગ રૈના પણ આલિયા ભટ્ટ સાથે સ્ક્રીન શેર કરતો જોવા મળશે, જે તેના ભાઈનો રોલ કરી રહી છે. આ ફિલ્મની વાર્તા ભાઈ અને બહેન પર આધારિત છે. આલિયાની ફિલ્મ 11 ઓક્ટોબરે સિનેમાઘરોમાં આવશે. જેની રાજકુમાર રાવ અને તૃપ્તિ ડિમરીની ફિલ્મ ‘વિકી વિદ્યા કા વો વાલા વીડિયો’ સાથે ટક્કર થશે.
