33 મિનિટ પેહલા
- કૉપી લિંક
સાઉથના ફેમસ એક્ટર સત્યરાજે સલમાન ખાનની આગામી ફિલ્મ ‘સિકંદર’માં એન્ટ્રી કરી છે. ચર્ચા છે કે આ ફિલ્મમાં તે સલમાનની સામે વિલનની ભૂમિકામાં જોવા મળશે.
અત્રે ઉલ્લેખનીય છે કે સત્યરાજે ‘બાહુબલી’ ફ્રેન્ચાઈઝીમાં કટપ્પાની ભૂમિકા ભજવી હતી.
સત્યરાજ હિન્દી બેલ્ટમાં ‘કટપ્પા’ના રોલ માટે જાણીતા છે. આ સિવાય તે ‘ચેન્નઈ એક્સપ્રેસ’માં દીપિકાના પિતાના રોલમાં પણ જોવા મળ્યો હતો
આ ફિલ્મના નિર્દેશક મુરુગાદોસ
એક્ટરે હાલમાં જ એક ઇન્ટરવ્યૂમાં જણાવ્યું હતું કે તેમને ‘સિકંદર’માં કાસ્ટ કરવામાં આવ્યો છે. આ સાથે જ જણાવ્યું છે કે તે આ સલમાન સ્ટારર ફિલ્મમાં વિલનની ભૂમિકામાં જોવા મળશે, જેનું નિર્દેશન એઆર મુરુગાદોસ કરી રહ્યા છે.
આ ફિલ્મમાં સલમાન લીડ રોલમાં હશે. તેની સામે રશ્મિકા જોવા મળશે. આ ફિલ્મને સાજિદ નડિયાદવાલા પ્રોડ્યુસ કરશે. મુરુગાદોસ તેના નિર્દેશક હશે
સલમાન-રશ્મિકા પહેલીવાર સાથે કામ કરશે
આ મહિનાની શરૂઆતમાં 9 મેના રોજ, નિર્માતાઓએ ફિલ્મ સાથે સંબંધિત બીજી જાહેરાત કરી હતી. નિર્માતાઓએ જણાવ્યું હતું કે ફિલ્મમાં સલમાનની સાથે રશ્મિકાને કાસ્ટ કરવામાં આવી છે.
મેકર્સે લખ્યું હતું કે, ‘અમે સલમાનની સામે ફિલ્મ ‘સિકંદર’માં રશ્મિકાને વેલકમ કરીએ છીએ. તેમના ઓન-સ્ક્રીન જાદુને જોવા માટે રાહ જોઈ શકતા નથી.
નિર્માતાઓએ આ વર્ષે ઈદ પર ફિલ્મની જાહેરાત કરી હતી
સાજિદ નડિયાદવાલા આ ફિલ્મનું નિર્માણ કરશે
આ ફિલ્મમાં સલમાન અને રશ્મિકા પહેલીવાર સાથે કામ કરશે. તેનું દિગ્દર્શન એઆર મુરુગાદોસ કરશે, જેમણે ‘ગજની’ અને ‘હોલિડે’ જેવી ફિલ્મોનું નિર્દેશન કર્યું હતું. સાજિદ નડિયાદવાલા તેના નિર્માતા હશે. આ ફિલ્મ આવતા વર્ષે ઈદ પર રિલીઝ થશે.
નડિયાદવાલા અને સલમાન ઘણા વર્ષોથી સાથે કામ કરી રહ્યા છે
નડિયાદવાલા સાથે ઘણી હિટ ફિલ્મો આપી છે
નિર્માતા સાજિદ નડિયાદવાલા સાથે સલમાને ‘જુડવા’, ‘મુઝસે શાદી કરોગી’ અને ‘કિક’ સહિત ઘણી હિટ ફિલ્મો આપી છે. ‘સિકંદર’ પહેલાં મુરુગાદોસ અને સલમાને 2014માં રિલીઝ થયેલી ફિલ્મ ‘જય હો’માં પણ સાથે કામ કર્યું હતું. મુરુગાદોસ એ ફિલ્મના લેખક હતા.
