શાહરૂખ ખાન અને હું ક્યારેય ગાઢ મિત્રો નહોતા: મનોજ બાજપેયીએ કહ્યું, ‘અમે બન્ને અલગ- અલગ દુનિયાના વ્યક્તિ છીએ, હું કિંગ ખાનને નથી મળતો’

બોલિવૂડમાં આવતા પહેલા શાહરૂખ ખાન અને મનોજ બાજપેયીએ દિલ્હીમાં એક્ટિંગ કોચ બૈરી જોન પાસેથી ટ્રેનિંગ લીધી હતી. શાહરૂખ ખાન અને મનોજ બાજપેયીની કારકિર્દી જેમ જેમ આગળ વધતી ગઈ તેમ તેમ બંનેએ સંપૂર્ણપણે અલગ પ્રકારની ફિલ્મો કરી. આવી સ્થિતિમાં એક ઈન્ટરવ્યુ દરમિયાન મનોજ બાજપેયીએ કહ્યું કે શાહરૂખ ક્યારેય તેનો ખાસ મિત્ર નહોતો. તેમના રસ્તાઓ પણ એકબીજાથી અલગ થઈ ગયા.

શાહરૂખ અને મનોજ બાજપેયી 2004માં રિલીઝ થયેલી ફિલ્મ ‘વીર ઝારા’માં સાથે જોવા મળ્યા હતા.

મનોજ બાજપેયી અને શાહરૂખ ખાન અલગ-અલગ મિત્ર વર્તુળ ધરાવતા હતા
મનોજ બાજપેયી ટૂંક સમયમાં ‘કિલર સૂપ’ નામની વેબ સિરીઝમાં જોવા મળશે. Geist સાથેની વાતચીત દરમિયાન અભિનેતાએ કહ્યું, ‘હવે હું અને શાહરૂખ મળતા નથી. અમે બે અલગ અલગ દુનિયાના લોકો છીએ, અમારી મિત્રતા પહેલા પણ આવી જ હતી. શાહરૂખનું પોતાનું અલગ ફ્રેન્ડ સર્કલ હતું અને મારું પણ અલગ ફ્રેન્ડ સર્કલ હતું. જો કે અમે લોકોના એક જ જૂથમાંથી છીએ. જ્યારે આપણે એક જ ગ્રૂપમાં કામ કરીએ છે.’

શાહરૂખ ખાન અને મનોજ બાજપેયીએ ફિલ્મ ‘વીર ઝારા’માં સાથે કામ કર્યું હતું.
મનોજ બાજપેયીએ શાહરૂખ સાથેની એક ફની ઘટના શેર કરી હતી. તેણે કહ્યું કે એકવાર દિલ્હીમાં તે શાહરૂખ સાથે ક્લબમાં ગયો હતો. મનોજ બાજપેયીએ યોગ્ય શૂઝ પહેર્યા ન હોવાથી તેમને ક્લબમાં પ્રવેશ આપવામાં આવ્યો ન હતો. આ ઘટના અંગે તેણે કહ્યું, ‘અમે બંને અલગ-અલગ દુનિયામાં રહીએ છીએ. અમારી પસંદગીઓ પણ અલગ રહી છે. અમે બંનેએ અમારી પસંદગી પ્રમાણે પોતપોતાની દુનિયા પસંદ કરી.’ શાહરૂખ અને મનોજ બાજપેયી 2004માં રિલીઝ થયેલી ફિલ્મ ‘વીર ઝારા’માં સાથે જોવા મળ્યા હતા.

મનોજ બાજપેયી હંમેશા પોતાની જાતને સુધારવાનો પ્રયાસ કરે છે
ઈન્ટરવ્યુ દરમિયાન જ્યારે મનોજ બાજપેયીની સરખામણી શાહરુખ સાથે કરવામાં આવી તો મનોજે કહ્યું, ‘ના, મારી સરખામણી ન કરો. બસ મને સારી ભૂમિકાઓ આપો. જો આજે હું OTT નો રાજા બનીશ તો કાલે તમે મને OTT નો ગુલામ બનાવી દેશો. તેથી જ હું ઉપનામોમાં માનતો નથી. મને તેનાથી કોઈ મદદ મળતી નથી. મને સારા કામમાં મદદ મળે છે. જ્યાં સુધી OTT ના કિંગની વાત છે તો આ ઉપનામ બીજા કોઈ અભિનેતાને આપો. મારે નથી જોતું. હું માત્ર એક એક્ટર છું જે હંમેશા પોતાની જાતને સુધારવાનો પ્રયત્ન કરતો રહે છે.’

મનોજ બાજપેયી અને કોંકણા સેન શર્મા ‘કિલર સૂપ’માં સાથે જોવા મળશે.

‘કિલર સૂપ’માં જોવા મળશે મનોજ બાજપેયી
મનોજ બાજપેયી તાજેતરમાં રિલીઝ થયેલી ફિલ્મ ‘જોરમ’માં જોવા મળ્યો હતો. જોકે, આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. ‘ધ ફેમિલી મેન’ પછી મનોજ બાજપેયી પોતાની નવી સીરિઝ ‘કિલર સૂપ’ સાથે દર્શકોનું મનોરંજન કરવા માટે તૈયાર છે. આમાં તે અભિનેત્રી કોંકણા સેન શર્મા સાથે જોવા મળશે. આ ક્રાઈમ-થ્રિલર સીરિઝ OTT પ્લેટફોર્મ નેટફ્લિક્સ પર 11 જાન્યુઆરીએ રિલીઝ થશે. આ સિરીઝમાં મનોજ બાજપેયી ડબલ રોલમાં જોવા મળશે. કોંકણા તેની પત્નીની ભૂમિકામાં જોવા મળશે. આ સિરીઝમાં હત્યા, મની લોન્ડરિંગ અને સસ્પેન્સનો તડકો જોવા મળશે.