10 કલાક પેહલા
- કૉપી લિંક
શાહરુખ ખાનનો આઇકોનિક શો ‘ફૌજી’ હવે નવા અવતારમાં રીલોન્ચ થવા જઇ રહ્યો છે. ફિલ્મ નિર્માતા સંદીપ સિંહે ‘ફૌજી 2’ની જાહેરાત કરી છે. રસપ્રદ વાત એ છે કે, આ શોમાં અંકિતા લોખંડેનો પતિ વિકી જૈન પણ હશે. તેની સાથે મનોરંજન ઉદ્યોગનો જાણીતો ચહેરો ગૌહર ખાન પણ હશે. ‘ફૌજી 2’નું ટાઈટલ ટ્રેક સોનુ નિગમે ગાયું છે
12 નવા એક્ટર્સને મળશે તક શાહરુખ ખાને પોતાના કરિયરની શરૂઆત ટીવીથી કરી હતી. તેણે લોકપ્રિય સિરિયલ ‘ફૌજી’માં અભિમન્યુ રાયની ભૂમિકા ભજવી હતી. હવે આ સિરિયલ એક નવા રંગ સાથે લોન્ચ થઈ રહી છે. ફિલ્મ સમીક્ષક તરણ આદર્શે ટ્વિટ કર્યું છે કે, સંદીપ સિંહે ફોઝી-2 લોન્ચ કરી છે જે શાહરુખ ખાનની આઇકોનિક સિરિયલનો નવો અવતાર છે. 1989માં આવેલી શાહરુખ ખાનની ‘ફૌજી’ નવા વર્ઝન સાથે પરત ફરી રહી છે. સંદીપ સિંહ બ્રોડકાસ્ટર દૂરદર્શન સાથે નવા ફોર્મેટમાં ‘ફૌજી 2’ લાવી રહ્યા છે. જેમાં વિકી જૈન અને ગૌહર ખાનની સાથે 12 નવા કલાકારોને તક આપવામાં આવશે.
શોમાં 11 ગીત હશે ફૌજીના આ નવા અવતારમાં આશિષ ભારદ્વાજ, ઉત્કર્ષ કોહલી, રુદ્ર સોની, અમરદીપ ફોગાટ, આર્યન મનચંદા, નીલ સતપુરા, સુવંશ ધર, પ્રિયાંશુ રાજગુરુ, અમન સિંહ દીપ, ઉદિત કપૂર, માનસી અને સુષ્મિતા ભંડારી જેવા કલાકારો છે. શોમાં 11 ગીતો હશે. ટાઈટલ ટ્રેકને સોનુ નિગમ અવાજ આપશે.
વિકી જૈન સહ-નિર્માતા હશે શોના નિર્માતા સંદીપ સિંહ છે અને સહ નિર્માતા વિકી જૈન અને ઝફર મહેંદી છે. શોના ડિરેક્ટર અવિનાશ પારીક છે. નિશાંત ચંદ્રશેખર પણ આ શોનું નિર્દેશન કરશે. આ શો દૂરદર્શન પર પ્રસારિત થશે અને હિન્દી, તમિલ, તેલુગુ, ગુજરાતી, પંજાબી અને બંગાળી ભાષાઓમાં પ્રસારિત થશે. 1989માં રિલીઝ થઈ હતી ‘ફૌજી’ બોલિવૂડના કિંગ તરીકે ઓળખાતા શાહરુખ ખાને જ્યારે એક્ટિંગમાં પોતાની કરિયરની શરૂઆત કરી ત્યારે કોઈને ખબર ન હતી કે એક દિવસ તે એટલો મોટો સ્ટાર બની જશે કે દુનિયાભરમાં તેની ફેન ફોલોઈંગ હશે. સિરિયલ ‘ફૌજી’થી અભિનેતાને લોકપ્રિયતા મળી હતી. તે વર્ષ 1989માં રિલીઝ થઈ હતી. આમાં તે એક સૈનિકના રોલમાં જોવા મળ્યો હતો. આ સિરિયલના કારણે તે દરેક ઘરમાં સૈનિક બનીને ફેમસ થઈ ગયો. આવી સ્થિતિમાં, હવે 25 વર્ષ પછી, આ ટીવી સિરિયલની સિક્વલની જાહેરાત કરવામાં આવી છે
