2 કલાક પેહલા
- કૉપી લિંક
શાહરુખ ખાન અને KGF ફેમ યશ સાથે કામ કરતા જોવા મળી શકે છે. રિપોર્ટ્સનું માનવામાં આવે તો યશની આગામી ફિલ્મ ‘ટોક્સિક’ના મેકર્સ આ અંગે શાહરુખ ખાન સાથે સહયોગ વિશે વાત કરી હતી.
SRK અને KGF ફેમ યશ એકસાથે જોવા મળી શકે છે
ગત વર્ષ ચોક્કસપણે શાહરુખ ખાન માટે શાનદાર વર્ષ સાબિત થયું હતું. આ સ્થિતિમાં શાહરુખ ખાનની આગામી ફિલ્મને લઈને ઘણી અટકળો ચાલી રહી છે. હાલમાં જ સમાચાર આવ્યા છે કે ‘ટોક્સિક’ના નિર્દેશક ગીતુ મોહનદાસ અને નિર્માતાઓએ ફિલ્મમાં કેમિયો માટે શાહરુખ ખાનનો સંપર્ક કર્યો છે. ફિલ્મમાં SRKનો એક દમદાર કેમિયો ટ્રેક હશે. નિર્માતાઓને આશા છે કે શાહરુખ આ રોલ કરવા માટે સંમત થશે. ‘ટોક્સિક’ ગેંગસ્ટર આધારિત એક્શન ફિલ્મ હશે. આ ફિલ્મમાં KGF ફેમ યશ મુખ્ય ભૂમિકામાં જોવા મળશે.
શું હશે ‘ટોક્સિક’ની વાર્તા?
ફિલ્મ ‘ટોક્સિક’ ગોવાના બેકગ્રાઉન્ડ પર આધારિત હશે. KGFની જેમ આ પણ પિરિયડ ક્રાઈમ ડ્રામા હશે. 60ના દાયકામાં ગોવામાં રશિયન અને ડ્રગ્સ માફિયાઓની ઘૂસણખોરી હતી. ફિલ્મની વાર્તા યશનું પાત્ર કેવી રીતે રશિયન આધિપત્યને પડકારે છે તેની આસપાસ ફરશે. મીડિયા રિપોર્ટ્સ અનુસાર આ ફિલ્મમાં યશની સાથે સાઈ પલ્લવી પણ જોવા મળશે.
આ પહેલીવાર નથી કે જ્યારે શાહરુખ ખાનને પાન ઈન્ડિયા ફિલ્મમાં કેમિયો રોલ કરવા માટે સંપર્ક કરવામાં આવ્યો હોય. ગત વર્ષે દિગ્દર્શક લોકેશ કનાગરાજે પણ રજનીકાંત સાથેની તેમની આગામી ફિલ્મ માટે એસઆરકેનો સંપર્ક કર્યો હતો. જોકે આ વાતચીત સફળ થઇ શકી નથી.
શાહરુખ ખાનના આગામી પ્રોજેક્ટ્સ
શાહરુખ ખાન ટૂંક સમયમાં ડિરેક્ટર સુજોય ઘોષની જાસૂસી-થ્રિલર ફિલ્મમાં કામ કરતો જોવા મળશે. આ ફિલ્મમાં શાહરુખ ખાનની પુત્રી સુહાના ખાન જાસૂસની ભૂમિકામાં જોવા મળશે. આ સિવાય ઘણા નિર્દેશકો શાહરુખ સાથે પોતપોતાના પ્રોજેક્ટને લઈને વાતચીત કરી રહ્યા છે. તે નિર્દેશકોમાં ડીકે, ફરાહ ખાન, કબીર ખાન અને સિદ્ધાર્થ આનંદનો સમાવેશ થાય છે. જોકે, SRKએ હજુ સુધી કોઈ નિર્ણય લીધો નથી.
શાહરુખ ખાન માટે 2023 શાનદાર રહ્યું
શાહરુખ ખાનની ‘પઠાન’ ગત વર્ષે જાન્યુઆરીમાં રિલીઝ થઈ હતી. તેમની ‘જવાન’ સપ્ટેમ્બરમાં રિલીઝ થઈ હતી. આ બંને ફિલ્મોએ બોક્સ ઓફિસ પર 1000 કરોડ રૂપિયાથી વધુની કમાણી કરી હતી. શાહરુખ ખાનની ‘ડંકી’ પણ વર્ષના છેલ્લા મહિનામાં રિલીઝ થઈ હતી. આ ફિલ્મે પણ બોક્સ ઓફિસ પર સારી કમાણી કરી હતી.
