2 કલાક પેહલા
- કૉપી લિંક
‘એક થા ટાઈગર’, ‘ટાઈગર ઝિંદા હૈ’, ‘વોર’, ‘પઠાન’, ‘ટાઈગર 3’ પછી, યશ રાજ પ્રોડક્શન્સે તેની સ્પાય યુનિવર્સની પ્રથમ મહિલા લીડ ફિલ્મની તૈયારીઓ શરૂ કરી દીધી છે. આ ફિલ્મમાં આલિયા ભટ્ટ મુખ્ય ભૂમિકા ભજવવા જઈ રહી છે, જેની જોરદાર એક્શન ફિલ્મમાં જોવા મળશે. લેટેસ્ટ રિપોર્ટ્સ અનુસાર, આ આગામી ફિલ્મમાં 7 મોટી એક્શન સિક્વન્સ હશે, જેના માટે સેટ તૈયાર કરવામાં આવી રહ્યો છે.
મિડ-ડેના તાજેતરના અહેવાલ મુજબ, ફિલ્મ માટે 7 એક્શન સેટ પીસની યોજના કરવામાં આવી રહી છે. સ્પાય યુનિવર્સની આગામી ફિલ્મ મોટા બજેટમાં બની રહી છે.રિપોર્ટમાં એક સૂત્રને ટાંકીને કહેવામાં આવ્યું છે કે, ‘ટાઈગર’ ફ્રેન્ચાઈઝીમાં કેટરિનાની ભૂમિકામાં ઝોયા અને પઠાણમાં દીપિકાને દર્શકોએ ખૂબ પસંદ કરી હતી, જેના કારણે આદિત્ય ચોપરાએ ફીમેલ લીડ ફિલ્મ બનાવવાનું નક્કી કર્યું હતું. હવે આદિત્ય ચોપરા આ ફિલ્મને એક શાનદાર એક્શન એન્ટરટેનર બનાવવાની યોજના બનાવી રહ્યા છે.
કોરિયન સ્ટંટ કોઓર્ડિનેટર ફિલ્મ માટે હાયર કરવામાં આવ્યા છે
રિપોર્ટ અનુસાર આદિત્ય ચોપરાએ ફિલ્મના એક્શન સીન્સ માટે ઘણા એક્સપર્ટ્સ સાથે હાથ મિલાવ્યા છે. તેમાં કોરિયન સ્ટંટ કોઓર્ડિનેટર સી-યોંગ ઓહ, ફ્રાન્ઝ સ્પિહૌસ અને ઇન્ડિયન એક્શન ડિરેક્ટર સુનીલ રોડ્રિગનો સમાવેશ થાય છે.
બોબી દેઓલ આ ફિલ્મનો વિલન હશે
પિંકવિલાના રિપોર્ટ અનુસાર, ‘એનિમલ’ સાથે હેડલાઇન્સ બનાવનાર બોબી દેઓલ આ ફિલ્મમાં નેગેટિવ રોલ કરવા જઈ રહ્યો છે. આ ફિલ્મમાં તે અને આલિયા ભટ્ટ એકશન સિક્વન્સ કરવાના છે. આ ફિલ્મમાં આલિયા ભટ્ટ પણ માર્શલ આર્ટ કરતી જોવા મળશે.
