1 કલાક પેહલા
- કૉપી લિંક
પ્રિયંકા ચોપરા હંમેશા ખૂલીને વાત કરવા માટે જાણીતી છે. હાલમાં જ એક ઈન્ટરવ્યૂમાં તેણે પોતાની ફિલ્મી કરિયરના શરૂઆતના દિવસો વિશે વાત કરી હતી. તેણે જણાવ્યું કે જ્યારે તે 19 વર્ષની હતી ત્યારે તેણે એક ફિલ્મ સાઈન કરી હતી. પરંતુ ડિરેક્ટરે તેને ખૂબ જ ટૂંકા કપડા પહેરવાનું કહ્યું, જેના કારણે તેણે ફિલ્મ છોડી દીધી અને તે વ્યક્તિનો ચહેરો ફરીથી ક્યારેય નહીં જોવાનો નિર્ણય કર્યો.
પ્રિયંકા ચોપરાએ ફોર્બ્સ પાવર વુમન સમિટ દરમિયાન બોલતા કહ્યું કે જ્યારે તે 19 વર્ષની હતી ત્યારે એક ડિરેક્ટરે તેનો એક ફિલ્મ માટે સંપર્ક કર્યો હતો. તે સમયે ડિરેક્ટરે તેને તેના સ્ટાઈલિશ સાથે વાત કરવાનું કહ્યું હતું કે તે આ રોલ માટે કેવા પ્રકારનો દેખાવ કરશે.

પ્રિયંકાના કહેવા પ્રમાણે, ડાયરેક્ટરે સ્ટાઈલિશને કહ્યું હતું કે લોકો થિયેટરમાં ત્યારે જ આવશે જ્યારે તે તેની પેન્ટી બતાવશે, તેથી તેનો ડ્રેસ રિવીલિંગ હોવો જોઈએ.
પ્રિયંકાએ વધુમાં કહ્યું કે, ડાયરેક્ટરે આ વાત ચાર વખત કહી, પરંતુ જ્યારે તેણે આ જ વાત હિન્દીમાં કહી તો મને તે સાંભળીને અણગમો થયો, જેના કારણે હું ભાંગી પડી અને વિચારવા લાગી કે કોઈ પણ વ્યક્તિ મહિલાઓ વિશે આવા હલકા વિચારો કેવી રીતે રાખી શકે?
આ પછી, ઘરે ગયા પછી, મેં મારી માતાને બધું કહ્યું અને કહ્યું કે હવે હું તે ડિરેક્ટરનો ચહેરો પણ જોવા માગતી નથી. આટલું જ નહીં, જો તે મહિલાઓ વિશે આવા વિચારો ધરાવે છે તો હું તેની સાથે કામ કરવા પણ નથી માંગતી.

પ્રિયંકા રાજામૌલી સાથે કામ કરશે
પ્રિયંકા ચોપરાએ હાલમાં જ ‘સિટાડેલ 2’નું શૂટિંગ પૂરું કર્યું છે. હવે તે ટૂંક સમયમાં જ રાજામૌલીની આગામી ફિલ્મ ‘SSMB29′ માં દક્ષિણ સ્ટાર મહેશ બાબુ સાથે મુખ્ય ભૂમિકામાં જોવા મળી શકે છે.