47 મિનિટ પેહલા
- કૉપી લિંક
આજે લોકપ્રિય ટેલિવિઝન રિયાલિટી શો બિગ બોસ 17નો ફિનાલે છે. શનિવારથી શોના ફિનાલેનું શૂટિંગ શરૂ થઈ ગયું છે, જેમાં ટોપ-5 અને ભૂતપૂર્વ સ્પર્ધકો પરફોર્મ કરવાના છે. ફિનાલે માટે, બિગ બોસના મેકર્સ ઇચ્છતા હતા કે, આયેશા ખાન મુનવ્વર સાથે ફિનાલે પરફોર્મન્સ આપે, પરંતુ તેણે સ્પષ્ટ ના પાડી દીધી.
આયેશાના નિર્ણયથી છેલ્લી ઘડીએ કરવો પડ્યો ફેરફાર
શો સંબંધિત તાજેતરના અહેવાલો અનુસાર, બિગ બોસ 17ના નિર્માતાઓ ઇચ્છતા હતા કે આયેશા ખાન ફિનાલેમાં મુનવ્વર સાથે પરફોર્મ કરે. તેઓ બંને શોમાં ખૂબ જ ચર્ચામાં રહ્યા છે અને શો તેમના જટિલ સંબંધોને કારણે પણ ચર્ચામાં રહ્યો હતો. જોકે, જ્યારે મેકર્સે આ માટે આયેશાનો સંપર્ક કર્યો તો તેણે સ્પષ્ટ ના પાડી દીધી.
આયેશાના ઇનકાર બાદ શોના મેકર્સે છેલ્લી ઘડીએ ફેરફાર કરવો પડ્યો હતો. હવે મુનવ્વર જોડીમાં નહીં પરંતુ સિંગલ જ પરફોર્મન્સ આપશે.
આ 5 સ્પર્ધકો વચ્ચે સ્પર્ધા થશે, મુનવ્વર વોટિંગ પોલમાં આગળ છે
મુનવ્વર ફારૂકી, અભિષેક કુમાર, મન્નારા ચોપરા, અંકિતા લોખંડે અને અરુણ મહાશેટ્ટી ઘણા સ્પર્ધકોને હરાવીને ટોપ-5 ફાઇનલિસ્ટ બની ગયા છે. શો સાથે જોડાયેલા ન્યૂઝ પેજ પરથી આવી રહેલા રિપોર્ટ અનુસાર, હાલમાં મુનવ્વર ફારુકી વોટિંગ પોલમાં આગળ છે, જ્યારે અંકિતા લોખંડે બીજા સ્થાને છે. જો કે, છેલ્લી ક્ષણે મતદાનની ગણતરીમાં કયો સ્પર્ધક આગળ રહેશે તે તો ફાઈનલમાં જ જાણી શકાશે.
તમને જણાવી દઈએ કે, બિગ બોસ 17ના ફિનાલેમાં મન્નરા ચોપરા સોલો પરફોર્મ કરશે, જ્યારે અભિષેક કુમાર ખાનઝાદી ઉર્ફ ફિરોઝા ખાન સાથે કપલ ડાન્સ કરવા જઈ રહ્યો છે. ફિનાલેમાં અંકિતા લોખંડે પતિ વિકી જૈન સાથે ડાન્સ પરફોર્મન્સ આપશે.
