1 કલાક પેહલાલેખક: શિવકાંત શુક્લ
- કૉપી લિંક
શિયાળાની ઋતુ સ્કિનની સાથે સાથે વાળના સ્વાસ્થ્ય માટે પણ પડકારરૂપ હોય છે. નીચા તાપમાન અને ઠંડા પવનો વાળને ઘણી રીતે અસર કરે છે. ઠંડી વાળને શુષ્ક અને નિર્જીવ બનાવે છે.
આ સિવાય કેટલાક લોકોને શિયાળામાં ડેન્ડ્રફની સમસ્યા થવા લાગે છે. આ એવી સ્થિતિ છે જેના કારણે (સ્કાલ્પ) માંથા પરની ચામડી પર એક સ્તર જમા થાય છે. આ સિઝનમાં વાળને સ્વસ્થ અને મુલાયમ રાખવા ખૂબ જ પડકારજનક છે. જો કે, શિયાળામાં વાળની વધારાની કાળજી લઈને હેલ્ધી રાખી શકાય છે.
તો આજે કામના સમાચારમાં આપણે શિયાળામાં હેર કેરની ટિપ્સ વિશે વાત કરીશું. તમે એ પણ શીખી શકશો કે-
- શિયાળામાં વાળને વધારાની કાળજીની જરૂર કેમ પડે છે?
- શિયાળામાં વાળની સંભાળ કેવી રીતે રાખવી જોઈએ?
નિષ્ણાત: ડૉ. મનુ સક્સેના, વરિષ્ઠ સલાહકાર, ડર્મેટોલોજી, એપોલો સ્પેક્ટ્રા હોસ્પિટલ, દિલ્હી
પ્રશ્ન- શિયાળામાં વાળની વધારાની કાળજી લેવી કેમ જરૂરી છે?
જવાબ- શિયાળામાં વાતાવરણમાં ભેજ ઓછો હોય છે, જેના કારણે વાળ શુષ્ક અને નિર્જીવ થવા લાગે છે. આ સિવાય ઠંડા વાતાવરણમાં ઘરોમાં હીટર અને બ્લોઅરનો ઉપયોગ કરવામાં આવે છે, જે હવાને વધુ સૂકવી શકે છે. આના કારણે વાળ તેનો ભેજ ગુમાવે છે અને નબળા પડી જાય છે અને તૂટવા લાગે છે. ઠંડી અને સૂકી હવા માથાની ચામડી(સ્કાલ્પ)ને પણ અસર કરે છે, જેનાથી ખોડો અને ખંજવાળની સમસ્યા વધી શકે છે.
પ્રશ્ન- શિયાળામાં વાળની સંભાળ કેવી રીતે રાખવી જોઈએ?
જવાબ- શિયાળામાં વાળને સ્વસ્થ, મજબૂત અને ચમકદાર રાખવા માટે નિયમિત કાળજી લેવી જરૂરી છે. આ માટે મોઇશ્ચરાઇઝિંગ શેમ્પૂ, તેલ અને સારી કન્ડિશનિંગ પ્રોડક્ટ્સનો ઉપયોગ કરો. આ સિવાય કેટલીક અન્ય બાબતોનું પણ ધ્યાન રાખવું જોઈએ. નીચે આપેલા ગ્રાફિક પરથી આને સમજો-
ચાલો હવે ઉપરોક્ત મુદ્દાઓ વિશે વિગતવાર વાત કરીએ.
વાળ ઢાંકેલા રાખો
શિયાળામાં તમારા વાળને સુરક્ષિત રાખવાનો સૌથી સરળ રસ્તો એ છે કે, તેને ટોપી અથવા સ્કાર્ફથી ઢાંકી દો. તે વાળને ઠંડા પવનથી બચાવે છે અને તેમાં ભેજ જાળવી રાખે છે.
વધારે શેમ્પૂ ન કરો
શિયાળામાં વાળને વધુ પડતું શેમ્પૂ કરવાથી માથાની ચામડીનું કુદરતી તેલ ઘટી જાય છે, જે શુષ્કતા વધારી શકે છે. તેથી, અઠવાડિયામાં ફક્ત એક કે બે વાર તમારા વાળને શેમ્પૂ કરો. આ સમયગાળા દરમિયાન ગરમ પાણીનો ઉપયોગ કરશો નહીં.
ડીપ કન્ડીશનિંગ કરો
ઠંડી હવા વાળના ભેજને છીનવી શકે છે, તેને શુષ્ક અને નિર્જીવ બનાવે છે. નિયમિત કન્ડિશનિંગ વાળને મજબૂત બનાવે છે, જેનાથી તે તૂટવાની સંભાવના ઓછી થાય છે.
હીટ સ્ટાઇલિંગ મર્યાદિત કરો
સ્ટ્રેટનર અથવા બ્લો ડ્રાયર જેવા હીટિંગ ટૂલ્સનો વધુ પડતો ઉપયોગ ટાળો. તે ડ્રાયનેસ અને વાળ ફાટી જવાનું કારણ બની શકે છે. જો તમારે તેનો ઉપયોગ કરવો હોય, તો હીટ પ્રોટેક્શન લાગુ કરો. વાસ્તવમાં, તેઓ વાળ માટે મોઇશ્ચરાઇઝર તરીકે કામ કરે છે, જેના કારણે વાળને સ્ટ્રેટનર અથવા બ્લો ડ્રાયરની ગરમીથી નુકસાન થતું નથી.
હાઇડ્રેટિંગ તેલ અને સીરમનો ઉપયોગ કરો
શિયાળામાં ભેજના અભાવે વાળ નિર્જીવ દેખાવા લાગે છે. અઠવાડિયામાં એક કે બે વાર શિયા ઓઇલ જેવું તેલ લગાવવાથી વાળમાં મોઈશ્ચરાઈઝ થાય છે અને ચમક પાછી આવે છે.
સ્વસ્થ આહાર લો અને પૂરતું પાણી પીઓ વાળને સ્વસ્થ રાખવા માટે માત્ર બાહ્ય કાળજી જ પૂરતી નથી, પરંતુ તેને અંદરથી મજબૂત રાખવાની પણ જરૂર છે. આ માટે તમારા આહારમાં ડ્રાય ફ્રૂટ્સ, લીલા પાંદડાવાળા શાકભાજી અને વિટામિન્સ અને મિનરલ્સથી ભરપૂર મોસમી ફળોનો સમાવેશ કરો.
આ સાથે, દરરોજ ઓછામાં ઓછું 8-10 ગ્લાસ પાણી પીવો, જેથી શરીર હાઇડ્રેટ રહે. હેલ્ધી ડાયટ અને હાઇડ્રેશન વાળ ખરતાં ઘટાડે છે અને તેમની વૃદ્ધિમાં પણ મદદ કરે છે.
પ્રશ્ન- શિયાળામાં વાળને વારંવાર કેમ ન ધોવા જોઈએ?
જવાબ- શિયાળામાં વાળને વારંવાર ધોવાથી સીબમ (sebum) લેયરને નુકસાન થાય છે, જેના કારણે વાળ શુષ્ક અને નિર્જીવ બની જાય છે. સીબમ એક તૈલી પદાર્થ છે, જે સ્કિનના સ્તરને સુરક્ષિત કરે છે અને તેને ભેજ પ્રદાન કરે છે. તેથી, અઠવાડિયામાં 1-2 વખત વાળ ધોવા પૂરતા છે.
પ્રશ્ન- શિયાળામાં વાળ ધોવાની સાચી રીત કઈ છે?
જવાબ- ડૉ. મનુ સક્સેના કહે છે કે શિયાળામાં ખૂબ ગરમ કે ઠંડા પાણીથી વાળ ન ધોવા. તેનાથી વાળમાં ભેજ ઓછો થઈ શકે છે. નવશેકા પાણીથી વાળ ધોવા વધુ સારું છે.
પ્રશ્ન- શિયાળામાં વાળને ડ્રાય થવાથી કેવી રીતે બચાવશો?
જવાબ: શિયાળામાં વાળને ડ્રાય થતા અટકાવવા માટે તેને સારા કન્ડિશનરથી ધોયા પછી સોફ્ટ ટુવાલમાં લપેટી લો. તમારા વાળને ટુવાલથી વધારે ઘસશો નહીં. જેના કારણે વાળ તૂટે છે.
પ્રશ્ન- શિયાળામાં વાળમાં ભેજ જાળવવા શું કરવું જોઈએ?
જવાબ- વાળને મોઈશ્ચરાઈઝ રાખવા માટે અઠવાડિયામાં એકવાર ઓઈલ મસાજ કરો. તે વાળના ભેજને જાળવી રાખે છે અને તેને નરમ બનાવે છે. સારા કન્ડીશનર અથવા હાઇડ્રેટિંગ પ્રોડક્ટનો ઉપયોગ કરો.
સવાલ- શિયાળામાં વાળની સંભાળમાં કેવા પ્રકારની ભૂલો ન કરવી જોઈએ?
જવાબ- શિયાળામાં વાળની સંભાળ લેતી વખતે કેટલીક સામાન્ય ભૂલોથી બચવું જરૂરી છે. નીચેના ગ્રાફિક પરથી આને સમજો-
પ્રશ્ન- શિયાળામાં કેપ કે હેડ સ્કાર્ફ પહેરવું સારું?
જવાબ- હા, શિયાળામાં વાળને ઢાંકવા માટે કેપ અથવા હેડસ્કાર્ફ પહેરવું સારું છે કારણ કે તે ઠંડા પવનથી વાળનું રક્ષણ કરે છે. પરંતુ, ખૂબ ચુસ્ત કેપ અથવા સ્કાર્ફ પહેરવાથી વાળના મૂળ પર દબાણ આવે છે, જેનાથી વાળ તૂટી જાય છે.
પ્રશ્ન- શિયાળામાં વાળને વધુ પડતી ગરમીથી બચાવવા જોઈએ?
જવાબ- હા અલબત્ત! શિયાળામાં હેર ડ્રાયર, સ્ટ્રેટનર અથવા કર્લિંગ આયર્ન જેવા હીટ સ્ટાઇલ ઉપકરણોનો વધુ પડતો ઉપયોગ ટાળવો જોઈએ. તેનાથી વાળમાંનો ભેજ ઓછો થઈ શકે છે. તેથી, તમારા વાળને કુદરતી રીતે સૂકવવાનો પ્રયાસ કરો.
