શ્રીનગર1 કલાક પેહલા
- કૉપી લિંક
કટરામાં વૈષ્ણોદેવી રોપવે પ્રોજેક્ટ વિરુદ્ધ પ્રદર્શનકારીઓએ સૂત્રોચ્ચાર કર્યા હતા.
જમ્મુ-કાશ્મીરના કટરામાં વૈષ્ણોદેવી રોપવે પ્રોજેક્ટ વિરુદ્ધ સોમવારે, સ્થાનિક દુકાનદારો અને મજૂરોએ સતત ચોથા દિવસે વિરોધ પ્રદર્શન કર્યું છે. પ્રદર્શનકારીઓએ શ્રી માતા વૈષ્ણોદેવી શ્રાઈન બોર્ડ સામે સૂત્રોચ્ચાર કર્યા હતા. પોલીસે તેમને રોકવાનો પ્રયાસ કર્યો હતો. આ દરમિયાન બંને વચ્ચે ઝપાઝપી થઈ હતી. જેમાં એક પોલીસકર્મી ઘાયલ થયો હતો.
પ્રદર્શનકારીઓએ પહેલા મેજિસ્ટ્રેટ ઓફિસની બહાર વિરોધ રેલી કાઢી હતી. ત્યારબાદ શાલીમાર પાર્કની બહાર વિરોધ પ્રદર્શન કર્યું હતું. ખરેખરમાં વૈષ્ણોદેવીના દર્શને જતા લોકો માટે શાલીમાર પાર્કમાં જ બેઝ કેમ્પ બનાવવામાં આવ્યો છે.
પ્રદર્શનકારીઓનો આરોપ છે કે ભક્તોને મંદિર સુધી પહોંચાડવા માટે રોપ-વે પ્રોજેક્ટ હાલના માર્ગ પરના સ્થાનિક દુકાનદારોના વ્યવસાયને અસર કરશે. પાલખી અને ઘોડા પર ભક્તોને મંદિર સુધી લઈ જનારા વેપારીઓએ જણાવ્યું હતું કે નવો પ્રોજેક્ટ રૂ. 250 કરોડના ખર્ચે બનાવવામાં આવી રહ્યો છે. તેના નિર્માણ પછી, ભક્તો રોપ-વે દ્વારા જશે. અમારી આજીવિકા છીનવાઈ જશે.
મીડિયા રિપોર્ટ્સ અનુસાર, પ્રદર્શન સિવાય દુકાનદારો અને પાલખીવાળાઓએ પણ 3 દિવસની હડતાળની જાહેરાત કરી હતી. 22 નવેમ્બરથી શરૂ થયેલી આ હડતાલ હવે વધુ એક દિવસ લંબાવવામાં આવી છે.
હિંસક પ્રદર્શનની 3 તસવીરો…
પ્રદર્શનકારીઓએ વાહનોમાં તોડફોડ કરી હતી. હિંસાને કારણે એક પોલીસકર્મી ઘાયલ થયો હતો.
પ્રદર્શન હિંસક બનતા પોલીસ જવાનોની તહેનાતી વધારી દેવામાં આવી હતી.
વિરોધ રેલી દરમિયાન દેખાવકારોએ તોડફોડ કરી હતી.
પ્રદર્શનકારીઓએ કહ્યું- દરેક દુકાનદાર, મજૂરને ₹20 લાખનું વળતર મળવું જોઈએ
પ્રદર્શનમાં મજૂર સંઘના પ્રમુખ ભૂપિન્દર સિંહ જામવાલ અને શિવસેના (UBT)ના પ્રદેશ પ્રમુખ મનીષ સાહનીએ પણ ભાગ લીધો હતો. તેમણે રોપવે પ્રોજેક્ટથી અસરગ્રસ્ત દરેક નાગરિક માટે ₹20 લાખના વળતરની માગણી કરી છે. આ ઉપરાંત તેમને અસરગ્રસ્ત લોકો માટે પુનર્વસન યોજના બનાવવા માટે પણ જણાવ્યું હતું.
નવા રોપ-વે પ્રોજેક્ટથી 7 કલાકની મુસાફરી 1 કલાકમાં થશે
- શ્રી વૈષ્ણો દેવી મંદિર શ્રાઈન બોર્ડના મુખ્ય કાર્યકારી અધિકારી અંશુલ ગર્ગે કહ્યું કે 250 કરોડ રૂપિયાના નવા રોપવે પ્રોજેક્ટને લીલી ઝંડી મળી ગઈ છે.
- આ અંતર્ગત કટરાથી સાંજીછત જવા માટે માત્ર 6 મિનિટનો સમય લાગશે. આ પછી 45 થી 50 મિનિટમાં વૈષ્ણો દેવી ભવન પહોંચી શકાય છે.
- હાલમાં ભક્તોને મંદિર સુધી પહોંચવામાં 6-7 કલાકનો સમય લાગે છે. પ્રોજેક્ટ પૂર્ણ થયા બાદ ભક્ત માટે માત્ર 1 કલાકનો સમય લાગશે. રોપ-વે એક કલાકમાં 1000 લોકોને એક જગ્યાએથી બીજી જગ્યાએ લઈ જઈ શકશે.
2024માં અત્યાર સુધીમાં 84 લાખ લોકોએ દર્શન કર્યા છે
આ વર્ષે ઓક્ટોબર સુધી 86 લાખથી વધુ લોકો દર્શન માટે વૈષ્ણોદેવી પહોંચ્યા છે. શ્રાઈન બોર્ડના અધિકારીઓનું કહેવું છે કે આંકડો 1 કરોડથી ઉપર પહોંચી જશે. ગયા વર્ષે 95 લાખથી વધુ લોકોએ દર્શન કર્યા હતા.
