ન્યોમા (લદાખ)43 મિનિટ પેહલા
- કૉપી લિંક
પ્રોજેક્ટ હિમાંક હેઠળ, આર્મીની બોર્ડર રોડ ટાસ્ક ફોર્સની ટીમ માઈનસ 4 ડિગ્રી તાપમાનમાં કામ કરીને કાર્ય પૂર્ણ કરી રહી છે. (ફાઈલ)
પૂર્વી લદ્દાખમાં લાઈમ ઓફ એક્ચુઅલ કન્ટ્રોલ (LAC) પર ચીન સાથે પાંચ વર્ષનો તણાવ હવે શાંત થવા લાગ્યો છે, પરંતુ આ સમયગાળા દરમિયાન ભારતે તે દૂરના વિસ્તારમાં લગભગ ઘણા મહત્વપૂર્ણ પ્રોજેક્ટ્સ પૂર્ણ કર્યા છે.
આમાંથી એક દેશનું સૌથી ઊંચું એરફિલ્ડ છે, જે આ દિવસોમાં પૂર્વી લદ્દાખના ન્યોમા સબડિવિઝનના મડ ગામમાં 13,700 ફૂટ (4175.76 મીટર) પર આકાર લઈ રહ્યું છે. તેના 3 કિમી લાંબા રનવેનું કામ 95% પૂર્ણ થઈ ગયું છે. એટીસીનું કામ પૂરું થતાં જ એરફિલ્ડ આવતા વર્ષે સેના માટે શરુ થઈ જશે.
પ્રોજેક્ટ હિમાંક હેઠળ, આર્મીની બોર્ડર રોડ ટાસ્ક ફોર્સની ટીમ માઈનસ 4 ડિગ્રી તાપમાનમાં કામ કરીને કાર્ય પૂર્ણ કરી રહી છે. BRTF કમાન્ડર કર્નલ પોનંગ ડોમિંગના જણાવ્યા અનુસાર, આ દેશનું સૌથી ઊંચું એરપોર્ટ હશે, જે LACથી માત્ર 35 કિમી અને લદ્દાખથી 200 કિમી દૂર છે.
ગયા વર્ષે સપ્ટેમ્બરમાં એરફિલ્ડનો શિલાન્યાસ કરવામાં આવ્યો હતો. (ફાઈલ)
2 દિવસમાં નહીં પણ 2 કલાકમાં બોર્ડર પર ભારે હથિયારો પહોંચશે 15300 ફૂટ ઉપર હાનલેમાં ટાસ્ક ફોર્સનું નેતૃત્વ કરી રહેલા કર્નલ ડોમિંગે જણાવ્યું કે આ એરફિલ્ડનો શિલાન્યાસ ગયા વર્ષે સપ્ટેમ્બરમાં કરવામાં આવ્યો હતો. તે KCC બિલ્ડકોન પ્રાઈવેટ લિમિટેડ બનાવી રહી છે. 218 કરોડનો ખર્ચ છે. હાલમાં 250 મજૂરો માઈનસ 4 ડિગ્રીમાં પણ કામ કરી રહ્યા છે.
આવતા વર્ષથી અહીં તમામ પ્રકારના ડિફેન્સ એરક્રાફ્ટ સરળતાથી ઉતરી શકશે. હાલમાં, જો ભારે સંરક્ષણ સાધનોને LAC પર પહોંચાડવા હોય, તો પહેલા તેમને 200 કિમી દૂર લેહમાં આવેલા KBR એરપોર્ટ પર લાવવા પડે છે. પછી ત્યાંથી તેને રોડ દ્વારા LAC પર લાવવામાં આવે છે. પરંતુ, નવા એરફિલ્ડના નિર્માણ બાદ ભારે હથિયારો માત્ર બે કલાકમાં LAC સુધી પહોંચી જશે.
અહીં શિયાળામાં તાપમાન માઈનસ 35 ડિગ્રી સુધી ઘટી જાય છે, પરંતુ અમે હજુ પણ કામ બંધ કર્યું નથી. કર્નલ ડોમિંગ અરુણાચલના પ્રથમ મહિલા સૈન્ય અધિકારી છે જેમને કર્નલ રેન્ક પર બઢતી આપવામાં આવી છે.
જીવન પ્રોજેક્ટ હેઠળ, વેરાન ગામડાઓ ફરીથી વસવા લાગ્યા છે… આ પ્રોજેક્ટ માટે મુદ ગામની પસંદગી કરવામાં આવી હતી જેથી LAC નજીકના નિર્જન વિસ્તારો જીવંત બની શકે. સરકારે તેને લાઈવલી વિલેજ પ્રોગ્રામ નામ આપ્યું છે. મુદમાં એરસ્ટ્રીપ પાસે દુકાનો બનવા લાગી છે. ગ્રામજનોને આશા છે કે આ વર્ષે શિયાળામાં ચંદીગઢથી તાજા શાકભાજી મળવા લાગશે.
ચીનમાં 4411 મી. ઉપર વિશ્વનું સૌથી ઉંચુ એરફિલ્ડ બનેલ છે દક્ષિણ ચીનના સિચુઆન પ્રાંતમાં બનેલ દોઆચેંગ યાડિંગ એરપોર્ટ વિશ્વમાં સૌથી ઊંચું છે. તે સમુદ્ર સપાટીથી 4411 મીટરની ઉંચાઈ પર છે. હાલમાં, વિશ્વમાં 10 સૌથી ઊંચા એરપોર્ટ છે, તેમાંથી 8 ચીનમાં છે. તેમાંથી 7 એરપોર્ટ 4 હજાર મીટર ઉપર આવેલ છે. જ્યારે બે એરફિલ્ડ બોલિવિયામાં છે.
પૂર્વ લદ્દાખ સંબંધિત આ સમાચાર પણ વાંચો…
પૂર્વ લદ્દાખમાં ભારત-ચીનની સેનાએ પાછળ હટી, ગલવાન જેવી અથડામણ ટાળવા માટે અલગ-અલગ દિવસોમાં પેટ્રોલિંગ કરશે
ડી-એસ્કેલેશનની હાલની તસવીર હજી સામે આવી નથી. આ તસવીર 2020ની ગલવાન અથડામણ પછીની છે, જ્યારે ચીનની ટેન્કો કરાર મુજબ LACમાંથી પાછળ હટી હતી. – ફાઇલ ફોટો
ભારત અને ચીનની સેનાએ 25 ઓક્ટોબર શુક્રવારથી પૂર્વ લદ્દાખ સરહદેથી પાછળ હટવાનું શરૂ કર્યુ છે. ન્યૂઝ એજન્સી ANI અનુસાર, બંને સેનાઓએ પૂર્વી લદ્દાખના ડેમચોક અને દેપસાંગ પોઈન્ટમાં પોતાના કામચલાઉ ટેન્ટ અને શેડ હટાવી લીધા છે. વાહનો અને લશ્કરી સાધનો પણ પાછા લઈ જવામાં આવી રહ્યા છે.
