Related posts
સ્પોર્ટ્સ ડેસ્ક3 કલાક પેહલા
- કૉપી લિંક
IPLના સ્થાપક લલિત મોદીએ પોડકાસ્ટમાં કહ્યું છે કે ટુર્નામેન્ટમાં અમ્પાયર ફિક્સિંગ થતું હતું. ચેન્નઈ સુપર કિંગ્સ (CSK)ના માલિક એન શ્રીનિવાસન CSK મેચમાં ચેન્નઈના અમ્પાયરોની નિમણૂક કરતા હતા. તેમણે ઇંગ્લેન્ડના એન્ડ્રુ ફ્લિન્ટોફને ખરીદવા માટે હરાજી પણ ફિક્સ કરી હતી.
લલિત મોદીએ યુટ્યુબર રાજ શમાની સાથે પોડકાસ્ટમાં આ વાતનો ખુલાસો કર્યો હતો. અંડરવર્લ્ડ ડોન દાઉદ ઈબ્રાહિમ તરફથી જાનથી મારી નાખવાની ધમકીઓ મળવાને કારણે લલિત મોદીએ 2010માં ભારત છોડી દીધું હતું. જોકે, આ દરમિયાન BCCIએ તેના પર 253 કરોડ રૂપિયાની છેતરપિંડીનો આરોપ પણ લગાવ્યો હતો. જુલાઈ 2022માં લલિત મોદી અને બોલિવૂડ એક્ટ્રેસ સુષ્મિતા સેન ડેટિંગ કરી રહ્યા હોવાની પણ ચર્ચા હતી.
ફ્લિન્ટોફનું ચેન્નઈ જવાનું નિશ્ચિત હતું રાજ શમાનીએ લલિત મોદી સાથેનો વીડિયો પોડકાસ્ટ યુટ્યુબ પર રિલીઝ કર્યો. જેમાં લલિત મોદીએ કહ્યું કે 2009ની IPL પહેલા ઈંગ્લેન્ડના ઓલરાઉન્ડર એન્ડ્રુ ફ્લિન્ટોફે ઓક્શનમાં પોતાનું નામ નોંધાવ્યું હતું. ત્યારબાદ CSKના માલિક અને BCCI સેક્રેટરી એન શ્રીનિવાસને કહ્યું કે ફ્લિન્ટોફે ફક્ત તેમની ટીમમાં જ હોવો જોઈએ.
ત્યારબાદ મોદીએ અન્ય ટીમને હરાજીમાં ફ્લિન્ટોફ માટે બિડ ન કરવા જણાવ્યું હતું. હરાજીમાં પણ એવું જ થયું અને ફ્લિન્ટોફને CSKએ $1.55 મિલિયનમાં ખરીદ્યો. તે સમયે, હરાજીમાં બોલી ડોલરમાં કરવામાં આવતી હતી.
લલિત મોદીએ સોશ્યિલ મીડિયા પર કહ્યું કે, તે પહેલીવાર IPL વિશે આટલું સત્ય બોલ્યો છે.
શ્રીનિવાસને અમ્પાયરોને પણ ફિક્સ કર્યા હતા લલિત મોદીએ વધુમાં કહ્યું કે, શ્રીનિવાસને IPLમાં અમ્પાયર પણ ફિક્સ કર્યા હતા. તેમણે ચેન્નાઈ સુપર કિંગ્સની મેચ માટે ચેન્નઈના અમ્પાયરોની નિમણૂક કરી હતી. શ્રીનિવાસન માનતા હતા કે IPL સફળ નહીં થાય. જ્યારે ટુર્નામેન્ટ સફળ થઈ, ત્યારે તેમણે પોતે અમ્પાયર ફિક્સ કરવાનું શરૂ કર્યું.
BCCIએ 2010માં તેના પર છેતરપિંડીનો આરોપ લગાવ્યો લલિત મોદી 2010 સુધી BCCIનો ઉપાધ્યક્ષ હતો. તે વર્ષે મુંબઈ અને ચેન્નઈ વચ્ચેની ફાઈનલ બાદ તેને BCCIમાંથી હાંકી કાઢ્યો હતો. BCCIએ તેના પર 253 કરોડ રૂપિયાની છેતરપિંડીનો આરોપ લગાવ્યો હતો. શ્રીનિવાસન તે સમયે BCCI સેક્રેટરી હતા.
એન શ્રીનિવાસન 2011 થી 2014 સુધી BCCIના અધ્યક્ષ હતા.
લલિત મોદીનું વિવાદાસ્પદ જીવન, 14 વર્ષ પહેલા દેશ છોડીને ભાગી ગયો લલિત મોદીએ આઈપીએલની શરૂઆત કરી હતી. તે 2005 થી 2010 સુધી BCCIના ઉપાધ્યક્ષ હતો. 2008 થી 2010 સુધી IPL ના અધ્યક્ષ અને કમિશનર હતો. 2010માં, લલિતને હેરાફેરીના આરોપમાં IPL કમિશનર પદ પરથી સસ્પેન્ડ કર્યો હતો. તેને BCCIમાંથી પણ સસ્પેન્ડ કર્યો હતો. મની લોન્ડરિંગ કેસમાં આરોપોનો સામનો કર્યા બાદ લલિત 2010માં દેશ છોડીને ભાગી ગયો હતો.
તેમનું અંગત જીવન પણ ઓછું વિવાદાસ્પદ નહોતું. તેને તેની માતાની મિત્ર મીનલ સાથે પ્રેમ થઈ ગયો હતો, જે તેના કરતા લગભગ 10 વર્ષ મોટી હતી. તેણે તેના પરિવારની મરજી વિરુદ્ધ મીનલ સાથે લગ્ન કર્યા.
લલિત મોદીએ 2022માં સોશિયલ મીડિયા પર જાહેરાત કરી હતી કે તે બોલિવૂડ અભિનેત્રી સુષ્મિતા સેનને ડેટ કરી રહ્યાો છે. જોકે, 2023માં બંનેનું બ્રેકઅપ થઈ ગયું.
IPL વિવાદમાં ઘેરાયેલા લલિત, BCCIએ લગાવ્યા 22 આરોપ
- IPL શરૂ કરતી વખતે લલિત મોદીએ તેમના પરિવારના ઘણા સભ્યોને IPLમાં હિસ્સો આપ્યો હતો. 2008માં IPL આવતાની સાથે જ આ લીગ સુપરહિટ થઈ ગઈ અને લલિતને તેના માટે ઘણી પ્રશંસા મળી.
- IPLથી ખેલાડીઓ અને BCCIને પણ ફાયદો થવા લાગ્યો. થોડા સમય પછી, IPL અને લલિતના અંગત હિતોની માહિતી સામે આવવા લાગી અને 2010ની IPL ફાઈનલ બાદ તેને BCCIના ઉપાધ્યક્ષ પદ પરથી હટાવી દેવામાં આવ્યો.
- અહેવાલો અનુસાર, BCCIએ લલિત મોદી પર 22 આરોપો લગાવ્યા છે, જેમાં તેમના પરિવારને કોન્ટ્રાક્ટ આપવા, પોતાના ફાયદા માટે IPL પ્રસારણનો ઉપયોગ કરવા, હરાજીમાં હેરાફેરી વગેરે જેવા ઘણા આરોપો સામેલ છે.
