સ્પોર્ટ્સ ડેસ્ક17 મિનિટ પેહલા
- કૉપી લિંક
T-20 વર્લ્ડ કપમાં અમેરિકા અને આયર્લેન્ડની મેચ વરસાદના કારણે રદ્દ કરવામાં આવી છે. બંને ટીમોને એક-એક પોઈન્ટ મળ્યો છે. આવી સ્થિતિમાં ગ્રુપ-Aમાંથી યજમાન અમેરિકન ટીમ સુપર-8 માટે ક્વોલિફાય થઈ ગઈ છે, જ્યારે 2009ની ચેમ્પિયન પાકિસ્તાન લીગ રાઉન્ડમાંથી જ બહાર થઈ ગઈ છે.
આ મેચ શુક્રવારે રાત્રે 8:00 વાગ્યાથી ફ્લોરિડાના લોડરહિલમાં રમવાની હતી, પરંતુ શુક્રવારે ત્યાં વરસાદ શરૂ થયો હતો. થોડો સમય વરસાદ બંધ થયા બાદ અમ્પાયરોએ ત્રણ વખત મેદાનનું નિરીક્ષણ કર્યું. આખરે આઉટફિલ્ડ ભીનું હોવાના કારણે મેચ રદ્દ કરવાનો નિર્ણય લેવાયો હતો.
T-20માં સમાન રેકોર્ડ
અગાઉનો મુકાબલો- આયર્લેન્ડે 9 રનથી મેચ જીતી
T20 ઈન્ટરનેશનલમાં આયર્લેન્ડ અને અમેરિકા વચ્ચે છેલ્લી ટક્કર 23 ડિસેમ્બર 2021ના રોજ ફ્લોરિડામાં થઈ હતી. આ મેચ આયર્લેન્ડે 9 રને જીતી લીધી હતી. USA તે મેચમાં 18.5 ઓવરમાં 150 રનમાં ઓલઆઉટ થઈ ગઈ હતી. તે મેચમાં સૌરભ નેત્રાવલકરે પણ 3 વિકેટ ઝડપી હતી. જોકે, અમેરિકન ટીમ 20 ઓવરમાં 7 વિકેટ ગુમાવીને માત્ર 150 રન જ બનાવી શકી હતી.
અમેરિકાના એરોન જોન્સ અને સૌરભ નેત્રાવલકર ફોર્મમાં
અમેરિકા તેના પ્રથમ T20 વર્લ્ડ કપમાં શાનદાર પ્રદર્શન કરી રહ્યું છે. ટીમનો બેટર એરોન જોન્સ તેની શાનદાર બેટિંગને કારણે ચર્ચામાં છે. તેણે કેનેડા સામે 94 રનની ઇનિંગ રમી હતી. આ સાથે જ તેણે પાકિસ્તાન સામે પણ અણનમ 36 રન બનાવ્યા હતા. તેના સિવાય બોલિંગમાં ભારતીય મૂળના સૌરભ નેત્રાવલકરે ભારત અને પાકિસ્તાન સામે 2-2 વિકેટ લીધી હતી. તે પોતાની ટીમનો ટોપ વિકેટ લેનાર બોલર છે.
કેપ્ટન પોલે T-20માં પૂરા કર્યા 3600 રન, માર્કે લીધી કોહલીની વિકેટ
આયર્લેન્ડના કેપ્ટન પોલ સ્ટર્લિંગે T-20 ઈન્ટરનેશનલમાં 3600 રન પૂરા કર્યા છે. જેમાં એક સદીની ઇનિંગ્સનો પણ સમાવેશ થાય છે. તે ટીમનો ટોપ સ્કોરર છે. તે જ સમયે, બોલર માર્ક એડેર T20માં આયર્લેન્ડનો સૌથી વધુ વિકેટ લેનાર બોલર છે. તેણે ભારત સામેની મેચમાં વિરાટ કોહલીની વિકેટ લીધી હતી.
પિચ રિપોર્ટ
ફ્લોરિડાની પિચ બેટિંગ માટે અનુકૂળ માનવામાં આવી રહી છે. પાવરપ્લેનો લાભ લઈ શકાય છે. ટૉસ જીત્યા પછી બેટિંગ કરવાનો નિર્ણય લેવો તે વધુ સારો વિકલ્પ છે. અહીં સરેરાશ સ્કોર 165-170 રન છે.
હવામાન અહેવાલ- વરસાદની સંભાવના 60%
ફ્લોરિડામાં આગામી ત્રણ દિવસ સુધી ભારે વરસાદ અને પૂરની ચેતવણી આપવામાં આવી છે. મેચમાં વરસાદની સંભાવના 60 ટકા સુધી છે.
સંભવિત પ્લેઇંગ-11
અમેરિકા (USA): મોનાંક પટેલ (કેપ્ટન), સ્ટીવન ટેલર, એરોન જોન્સ, એન્ડ્રીસ ગૌસ (વિકેટકીપર), નીતિશ કુમાર, કોરી એન્ડરસન, હરમીત સિંહ, જસદીપ સિંહ, નોસ્તુશ કેન્ઝીગે, સૌરભ નેત્રાવલકર અને અલી ખાન.
આયર્લેન્ડ (IRE): પોલ સ્ટર્લિંગ (કેપ્ટન), એન્ડ્રુ બાલ્બિર્ની, લોર્કન ટકર (વિકેટકીપર), હેરી ટેક્ટર, કર્ટિસ કેમ્ફર, ગેરેથ ડેલાની, જ્યોર્જ ડોકરેલ, માર્ક એડેર, બેરી મેકકાર્થી, જોશુઆ લિટલ અને ક્રેગ યંગ.
