રાવલપિંડી28 મિનિટ પેહલા
- કૉપી લિંક
ત્રીજી ટેસ્ટમાં પાકિસ્તાને કમબેક કર્યું છે. રાવલપિંડીમાં ત્રીજા દિવસની રમતના અંત સુધીમાં ઇંગ્લેન્ડે બીજા દાવમાં 3 વિકેટ ગુમાવીને 24 રન બનાવ્યા હતા. સઈદ શકીલ, નોમાન અલી અને સાજિદ ખાને પાકિસ્તાનને મુશ્કેલ પરિસ્થિતિમાંથી બહાર કાઢીને મજબૂત સ્થિતિમાં પહોંચાડ્યું છે. પાકિસ્તાન તરફથી અત્યાર સુધી નોમાને 2 અને સાજિદે બીજી ઇનિંગમાં 1 વિકેટ ઝડપી છે.
પાકિસ્તાને પ્રથમ દાવમાં 344 રન બનાવ્યા હતા. સઈદ શકીલે 233 બોલમાં 134 રનની શાનદાર ઈનિંગ રમી હતી. નોમાન અલીએ 45 રનની ઇનિંગ રમી હતી અને સાજિદ ખાને 48 રનની અણનમ ઇનિંગ રમી હતી. નોમાને પ્રથમ ટેસ્ટમાં બંને દાવમાં 11 અને સાજિદ ખાને 9 વિકેટ ઝડપી હતી.
રેહાન અહેમદે 17.4 ઓવરમાં 66 રન આપીને 4 વિકેટ લીધી હતી.
સઈદ શકીલની સદી મેચના બીજા દિવસે પાકિસ્તાનનો કેપ્ટન શાન મસૂદ તેના ગઈકાલના સ્કોરમાં માત્ર 3 રન જ ઉમેરી શક્યો હતો અને 26 રન પર આઉટ થયો હતો. આ પછી, સઈદ શકીલ અને વિકેટકીપર બેટર મોહમ્મદ રિઝવાને આ ઇનિંગ્સને સંભાળી હતી. બંનેએ મળીને પાંચમી વિકેટ માટે 52 રન જોડ્યા હતા. આ પહેલા શાન મસૂદ અને શકીલે એકસાથે 53 રન જોડ્યા હતા.
સઈદ શકીલે શાનદાર બેટિંગ કરી અને સદી ફટકારી. તેણે 134 રનની ઇનિંગ રમી હતી. શકીલે ઇનિંગમાં 5 ચોગ્ગા ફટકાર્યા હતા.
શકીલે નોમાન અલી અને સાજીદ ખાન સાથે છેલ્લી 2 વિકેટ માટે ફિફ્ટી પાર્ટનરશિપ કરી હતી. તેણે નોમાન સાથે આઠમી વિકેટ માટે 151 બોલમાં 88 રનની ભાગીદારી કરી હતી. આ પછી તેણે સાજિદ ખાન સાથે નવમી વિકેટ માટે 72 રન જોડ્યા.
આ પહેલા સ્પિનર રેહાન અહેમદે મોહમ્મદ રિઝવાનને 25 રન પર આઉટ કરીને ભાગીદારી તોડી હતી. રેહાન અહેમદે સલમાન આગાને 1 અને આમેર જમાલને 3 રન પર આઉટ કરીને તેની બીજી અને ત્રીજી વિકેટ લીધી હતી. રેહાને કુલ 4 વિકેટ પોતાના નામે કરી હતી.
સઈદ શકીલે 134 રનની ઇનિંગ રમી હતી.
પ્રથમ દિવસની રમત… ઇંગ્લેન્ડ અને પાકિસ્તાન વચ્ચે રાવલપિંડીમાં રમાઈ રહેલી ત્રીજી ટેસ્ટ મેચના પ્રથમ દિવસે પાકિસ્તાને ઇંગ્લેન્ડને 267 રનમાં ઓલઆઉટ કરી દીધું છે. ટીમ તરફથી સાજિદ ખાને 6 અને નોમાન અલીએ 3 વિકેટ ઝડપી હતી.
ઈંગ્લેન્ડ તરફથી વિકેટકીપર બેટર જેમી સ્મિથે સૌથી વધુ 89 રન બનાવ્યા હતા. તેના સિવાય બેન ડકેટે 52 રનની ઇનિંગ રમી હતી. ગસ એટકિન્સને 39 રનનું યોગદાન આપ્યું હતું.
ગુરુવારે, પાકિસ્તાને પ્રથમ દાવમાં સ્ટમ્પના સમયે 3 વિકેટ ગુમાવીને 73 રન બનાવ્યા હતા. કેપ્ટન શાન મસૂદ 14 રને અને કામરાન ગુલામ 3 રને અણનમ છે. હાલમાં ટીમ ઇંગ્લેન્ડ કરતાં 194 રન પાછળ છે. જેક લીચ, એટકિન્સન અને બશીરે 1-1 વિકેટ લીધી હતી.
સાજિદ ખાને ઇંગ્લેન્ડના 6 બેટર્સને આઉટ કર્યા હતા.
ઇંગ્લેન્ડ સારી શરૂઆત બાદ નિષ્ફળ ગયું ટોસ જીતીને પ્રથમ બેટિંગ કરવા આવ્યા બાદ ઇંગ્લેન્ડના ઓપનર જેક ક્રાઉલી અને બેન ડકેટે ટીમને શાનદાર શરૂઆત અપાવી હતી. બંનેએ મળીને 56 રન જોડ્યા. લેફ્ટ આર્મ સ્પિનર નોમાન અલીએ 29 રન પર ક્રાઉલીને સેમ અયુબના હાથે કેચ કરાવ્યો હતો. આ પછી સ્પિનર સાજિદ ખાને 6 વિકેટ ઝડપી હતી. તેણે ઓલી પોપને 3, જો રૂટ અને હેરી બ્રુકને 5 રન પર આઉટ કર્યા હતા.
એક બાજુથી બેટિંગ કરતા ડકેટે શાનદાર ફિફ્ટી ફટકારી હતી. તેણે 84 બોલમાં 52 રનની ઇનિંગ રમી હતી. ડકેટે પોતાની ઇનિંગમાં 4 ચોગ્ગા અને 1 છગ્ગા ફટકાર્યા હતા. નોમાન અલીએ તેને LBW આઉટ કર્યો હતો.
બેન ડકેટે 52 રનની ઇનિંગ રમી હતી.
જેમી સ્મિથની ફિફ્ટી ઇંગ્લેન્ડના ઓપનર બેન ડકેટના આઉટ થયા બાદ વિકેટકીપર બેટર જેમી સ્મિથે 89 રનની ઇનિંગ રમી હતી. તેણે એટકિન્સન સાથે 105 રન જોડ્યા. જેમીએ 89 રનની ઈનિંગમાં 6 સિક્સ અને 5 ફોર ફટકારી હતી. તેને સાજિદ ખાને આઉટ કર્યો હતો.
ઇંગ્લેન્ડ તરફથી જેમી સ્મિથે સૌથી વધુ 89 રન બનાવ્યા હતા.
