યુનાઈટેડ કપ: ઈગાએ પોલેન્ડને બીજીવાર સેમિફાઈનલમાં પહોંચાડી: કિનવેનને સીધા સેટમાં હરાવી; ઓસાકા બ્રિસ્બેન ઈન્ટરનેશનલમાંથી બહાર

વિશ્વની નંબર 1 મહિલા ટેનિસ ખેલાડી ઇગા સ્વાઇટેક પોલેન્ડને સતત બીજી વખત યુનાઈટેડ કપની સેમિફાઈનલમાં લઈ ગઈ હતી. પોલેન્ડે ચીન પર 3-0થી ક્લીન સ્વીપ કર્યું હતું. આ વખતે પોલેન્ડ ટુર્નામેન્ટની સેમિફાઈનલમાં પહોંચનારી પ્રથમ ટીમ બની ગઈ છે. તો, સિડનીમાં રમાયેલી મેચમાં ફ્રાન્સે ઇટાલી પર ક્લીન સ્વીપ કરીને ક્વાર્ટર ફાઈનલમાં પ્રવેશ કર્યો હતો. સ્વાઇટેકે ઝેંગ ક્વિઆનવેનને 6-2, 6-3થી હરાવી હતી.

તેણે એક કલાક અને 34 મિનિટમાં જીત મેળવી હતી. ત્યારબાદ હુબર્ટ હુર્કાઝે ઝેંગ ઝિઝેન સામે 6-3, 6-4થી જીત મેળવી પોલેન્ડને 2-0થી આગળ કર્યું. પીટર-ઝેલિન્સ્કીની પોલેન્ડની જોડીએ ઝિઓડી-ફેજિંગની જોડીને 6-3, 5-7, 10-7થી હરાવી પોલેન્ડને 3-0થી જીત અપાવી હતી. હવે ટીમનો મુકાબલો સિડનીમાં ફ્રાન્સ અને નોર્વે વચ્ચેની ક્વાર્ટર ફાઈનલના વિજેતા સાથે થશે.

બ્રિસ્બેન ઈન્ટરનેશનલમાંથી ઓસાકા બહાર, 3 વખતની વિજેતા પ્લિસ્કોવાને હાર આપી

માતા બન્યા બાદ નાઓમી ઓસાકાની આ પ્રથમ ટુર્નામેન્ટ હતી.

માતા બન્યા બાદ પોતાની પ્રથમ ટુર્નામેન્ટ રમી રહેલી નાઓમી ઓસાકા બ્રિસ્બેન ઈન્ટરનેશનલમાંથી બહાર થઈ ગઈ હતી. તેને બીજા રાઉન્ડમાં ત્રણ વખતની ભૂતપૂર્વ વિજેતા કેરોલિના પ્લિસ્કોવાએ 3-6, 7-6, 6-4થી હાર આપી હતી. ઓસાકાએ ટુર્નામેન્ટની તેની પ્રથમ મેચમાં તામારાને હરાવી હતી, પરંતુ બીજા રાઉન્ડમાં તે જીતનો સિલસિલો ચાલુ રાખી શકી નહોતી. તો, પ્રી-ક્વાર્ટર ફાઈનલમાં ચેક રિપબ્લિકની પ્લિસ્કોવાનો સામનો ત્રીજી ક્રમાંકિત જેલેના ઓસ્ટાપેન્કો સામે થશે. લાતવિયાની ઓસ્ટાપેન્કોએ કેમિલા જ્યોર્ગીને 6-1, 6-4થી હરાવી હતી.