સ્પોર્ટ્સ ડેસ્ક25 મિનિટ પેહલા
- કૉપી લિંક
ઓસ્ટ્રેલિયન ઓપન 2024ના ચોથા દિવસે મોટો અપસેટ થયો. 16 વર્ષની રશિયન ટેનિસ ખેલાડી મીરા એન્ડ્રીવાએ શાનદાર પ્રદર્શન કર્યું અને ટુર્નામેન્ટના બીજા રાઉન્ડમાં ઓન્સ જબેરને હરાવી. વિશ્વના ટોપ-10 ખેલાડી પર રશિયન ખેલાડીનો આ પ્રથમ વિજય છે.
વિશ્વની નંબર-47 ખેલાડી એન્ડ્રીવાએ બીજા રાઉન્ડમાં છઠ્ઠા ક્રમાંકિત જબેરને એક કલાકથી ઓછા સમયમાં હરાવ્યો હતો.
એન્ડ્રીવાએ માત્ર 54 મિનિટમાં પરાજય આપ્યો
મેલબોર્ન પાર્ક ખાતે તેની પ્રથમ ટુર્નામેન્ટ રમી રહેલી એન્ડ્રીવાએ રોડ લેવર એરેના ખાતે માત્ર 54 મિનિટમાં ત્રણ વખતની ગ્રાન્ડ સ્લેમ રનર અપને 6-0, 6-2થી હરાવી હતી. એન્ડ્રીવા પ્રથમ વખત ઓસ્ટ્રેલિયન ઓપનમાં ભાગ લઈ રહી છે. તેણે ગયા વર્ષે ગ્રાન્ડ સ્લેમમાં પ્રવેશ કર્યો હતો. તે વિમ્બલ્ડન 2023ના ચોથા રાઉન્ડમાં, ફ્રેન્ચ ઓપનના ત્રીજા રાઉન્ડમાં અને યુએસ ઓપનના બીજા રાઉન્ડમાં પહોંચી હતી.
એન્ડ્રીવાએ જબેરને 6-0, 6-2થી હરાવી હતી.
ગૉફે ત્રીજા રાઉન્ડમાં ડોલેહાઇડને હરાવી
યુએસ ઓપન ચેમ્પિયન કોકો ગોફે દેશબંધુ કેરોલિન ડોલેહાઇડને 7-6, 6-2થી હરાવી ઓસ્ટ્રેલિયન ઓપનના ત્રીજા રાઉન્ડમાં પ્રવેશ કર્યો છે. આ પહેલા અમેરિકાના યુવા સ્ટાર ગોફે ઓસ્ટ્રેલિયન ઓપનમાં શાનદાર શરૂઆત કરી હતી. તેણે વુમન્સ સિંગલ્સના પ્રથમ રાઉન્ડમાં સ્લોવાકિયાની અન્ના કેરોલિના શ્મિડલોવાને 6-3, 6-0થી પરાજય આપ્યો હતો.
ઓસ્ટ્રેલિયન ઓપનનો ઇતિહાસ
ઓસ્ટ્રેલિયન ઓપન એ વર્ષનો પ્રથમ ગ્રાન્ડ સ્લેમ છે. ઓસ્ટ્રેલિયાના લૉન ટેનિસ એસોસિયેશનએ 1905માં આ ટુર્નામેન્ટની શરૂઆત કરી હતી, જેને અગાઉ ઓસ્ટ્રેલિયન ચેમ્પિયનશિપ કહેવામાં આવતી હતી. ઓસ્ટ્રેલિયાનું લૉન ટેનિસ એસોસિયેશન પાછળથી ટેનિસ ઓસ્ટ્રેલિયા બન્યું. આ પછી ઓસ્ટ્રેલિયન ચેમ્પિયનશિપનું નામ બદલીને ઓસ્ટ્રેલિયન ઓપન રાખવામાં આવ્યું. 1969થી આ ટેનિસ ટુર્નામેન્ટ સત્તાવાર રીતે ઓસ્ટ્રેલિયન ઓપન તરીકે જાણીતી બની.
