માનવ જાતિનું સૌ પ્રથમ પારણું આફ્રિકામાં બંધાયું હતું: સ્પેનિશ વૈજ્ઞાનિકોનું સંશોધન

0
150

એજન્સી, લંડન

અલ્જિરિયામાંથી 24 લાખ વર્ષ જૂના અશ્મી મળી આવ્યાં

પૃથ્વી પર માનવજાતિની સૌપ્રથમ ઉત્પત્તિ કયાં થઈ હતી એને લઈને વૈજ્ઞાનિકોએ અનેક થિયેરી રજૂ કરી છે તેમજ આ સંદર્ભે સતત સંશોધન થઈ રહ્યાં છે, એમાં પુરાવા સાથે તારણો પણ જુદા આવી રહ્યાં છે. આ દરમિયાન તાજેતરના સંશોધન અનુસાર, માનવજાતિનું સૌ પ્રથમ પારણું ઉત્તરી આફ્રિકામાં બંધાયું હોવાનો દાવો સ્પેનિશ વૈજ્ઞાનિકો દ્વારા કરવામાં આવ્યો છે. 

સ્પેનના સેન્ટ્રો નાસીઓનલ દ ઈન્વેસ્ટિગેશનના વૈજ્ઞાનિકોને ઉત્તરી આફ્રિકાના અલ્જેરિયાના એઈન હનેચ ક્ષેત્રમાં આવેલી પુરાતત્વીય સાઈટ પરથી મહત્વના અવશેષો સાંપડ્યા છે. ઘણા લાંબા સમય માનવામાં આવે છે કે પૂર્વ આફ્રિકા માનવજાતની ઉત્તપતિ અને લિથિક ટેકનોલોજીનું મૂળ છે. આ સંદર્ભેનો મહત્વનો અભ્યાસ લેખ તાજેતરમાં ‘સાયન્સ જર્નલ’માં પ્રગટ થયો છે. 

હમણાં સુધી આ ખંડના ઉત્તર ભાગમાં સૌપ્રથમ માનવજાતનો વ્યવસાય અને ગતિવિધિઓ અંગેની ખાસ જાણ કોઈને હતી નહીં. સેન્ટ્રો નાસીઓનલ દ ઈન્વેસ્ટિગેશનના પુરાતત્વવિદ્દ મોહમ્મદ સાહનોનીના નેતૃત્વમાં કામ કરતી સંશોધક ટીમને 26 લાખ વર્ષ જૂનું પથ્થરનું હથિયાર મળ્યું છે. આ હથિયાર ઉત્તરી આફ્રિકામાં જોવા મળતા હથિયાર જેવું દેખાય છે પરંતુ એના કરતાં આ હથિયાર ખૂબ જૂનું હોવાનું માનવામાં આવે છે. 

અલ્જેરિયાથી મુખ્ય શહેરથી 300 કિલોમીટર દૂર સેટીફ નામના ક્ષેત્રથી આ હથિયાર વૈજ્ઞાનિકોને મળી આવ્યું છે. આ હથિયાર ‘ઓલ્ડો વાન’ નામના પાષણયુગમાંથી મળી આવેલાં હથિયાર જેવું દેખાય છે, પણ આ હથિયાર ‘ઓલ્ડો વાન’ કરતાં અલગ પ્રકારનું છે. સ્પેનના વૈજ્ઞાનિકોને તાજેતરમાં પથ્થરનું જે હથિયાર મળ્યું છે, એના પર કેટલાક અશ્મીઓના અંશ જોવા મળ્યા છે, જે અવશેષો પ્રાણીઓના હાડકાંના હોઈ શકે છે અને આ હથિયાર પર કાપવાના નિશાન લાગેલા છે. 

આ હથિયાર પરના અંશો મગરો, હાથીઓ અને હિપોપોટેમસ પ્રાણીના પુરાગામીના હોવાની શક્યતા વ્યક્ત કરાઈ છે. આમ, તાજેતરમાં ઉત્તરી આફ્રિકાના અલ્જિરિયામાંથી જે પુરાવા મળ્યા છે, એ પહેલાં પૂર્વ આફ્રિકામાં માનવજાતિના મુળ હોવાની માન્યતા હતી. પરંતુ હવે આખા આફ્રિકામાં માનવજાતિની ઉત્પત્તિના પુરાવા સાંપડી રહ્યાં છે.

LEAVE A REPLY

Please enter your comment!
Please enter your name here