‘જે કરશે જાતિની વાત, તેને મારીશ જોરથી લાત’: ગડકરીએ કહ્યું- મંત્રી પદ નહીં મળે તો મરી નહીં જાઉં, મારા સિદ્ધાંતો પર અડગ રહીશ

1. ભેદભાવ રાખતો નથી

ગડકરીએ કહ્યું કે અમે ક્યારેય જાતિ કે ધર્મના આધારે ભેદભાવ કરતો નથી. હું રાજકારણમાં છું અને અહીં ઘણી બધી બાબતો બને છે. પણ મેં મારી રીતે કામ કરવાનું નક્કી કર્યું છે. મને કોણ મત આપશે તેની મને ચિંતા નથી.

તેમણે કહ્યું કે મારા મિત્રોએ કહ્યું કે તમારે જાહેર જીવનમાં રહીને આ ન કહેવું જોઈતું હતું. પણ મેં જીવનમાં આ સિદ્ધાંતનું પાલન કરવાનું નક્કી કર્યું છે. જો હું ચૂંટણી હારી જાઉં કે મંત્રી પદ ન મળે તો પણ હું મરી નહીં જાઉ.

2. જો કોઈ મુસ્લિમ IPS કે IAS બને તો સૌનો વિકાસ

ગડકરીએ કહ્યું કે જ્યારે તેઓ એમએલસી હતા, ત્યારે તેમણે એક એન્જિનિયરિંગ કોલેજની મંજુરી અંજુમન-એ-ઇસ્લામ સંસ્થા (નાગપુર) ને ટ્રાન્સફર કરી હતી. તેમને લાગ્યું કે મુસ્લિમ સમુદાયને તેની વધુ જરૂર છે. તેમણે કહ્યું કે જો મુસ્લિમ સમુદાયમાંથી વધુ એન્જિનિયર, IPS અને IAS અધિકારીઓ બનશે તો સૌનો વિકાસ થશે.

3. શિક્ષણ જીવનને બદલી શકે છે

ગડકરીએ કહ્યું, “આપણી પાસે ભૂતપૂર્વ રાષ્ટ્રપતિ સ્વર્ગસ્થ ડૉ. એપીજે અબ્દુલ કલામનું ઉદાહરણ છે. આજે, હજારો વિદ્યાર્થીઓ અંજુમન-એ-ઇસ્લામના બેનર હેઠળ એન્જિનિયર બન્યા છે. જો તેમને ભણવાની તક ન મળી હોત, તો કંઈ થયું ન હોત. આ શિક્ષણની જ તાકાત છે. તે જીવન અને સમુદાયોને બદલી શકે છે.”

ગડકરીના નિવેદનોથી સંબંધિત આ સમાચાર પણ વાંચો…

નીતિન ગડકરીએ કહ્યું- રાજા એવો હોવો જોઈએ કે તે ટીકા પચાવી શકે: તેના પર આત્મમંથન કરો, આ લોકશાહીની સૌથી મોટી કસોટી છે

કેન્દ્રીય પરિવહન મંત્રી નીતિન ગડકરીએ કહ્યું કે રાજા (શાસક) એવો હોવો જોઈએ કે જો કોઈ તેની વિરુદ્ધ બોલે તો તેણે તેને સહન કરવું જોઈએ. ટીકાઓ પર મંથન કરે. આ લોકશાહીની સૌથી મોટી કસોટી છે. શુક્રવારે પુણેમાં MIT વર્લ્ડ પીસ યુનિવર્સિટી ખાતે એક પુસ્તક વિમોચન કાર્યક્રમમાં ગડકરીએ આ વાતો કહી હતી.