કપૂરથલા6 મિનિટ પેહલા
- કૉપી લિંક
કપૂરથલાના દમનપ્રીત સિંહનો ફાઈલ ફોટો.
ઓસ્ટ્રેલિયાના બ્રિસબેનમાં એક ભારતીય યુવકનું શંકાસ્પદ સંજોગોમાં મૃત્યુ થયું છે. મૃતકની ઓળખ પંજાબના કપૂરથલાના સુલતાનપુર લોધીના 23 વર્ષીય દમનપ્રીત સિંહ તરીકે થઈ છે. દમનપ્રીતનો મૃતદેહ 15 માર્ચે બ્રિસબેન નદીમાંથી મળી આવ્યો હતો.
મળતી માહિતી મુજબ, દમનપ્રીત લગભગ સાત વર્ષ પહેલા નર્સિંગ કોર્ષ કરવા માટે ઓસ્ટ્રેલિયા ગયો હતો. તેણે ત્યાં ત્રણ વર્ષનો ડિપ્લોમા અને બે વર્ષની ડિગ્રી પૂર્ણ કરી. તે હાલમાં નર્સ તરીકે કામ કરી રહ્યો હતો. ઘટનાના દિવસે દમનપ્રીત ડ્યુટી પરથી પરત ફરી રહ્યો હતો અને તેની બહેન અમનદીપને મળવા જઈ રહ્યો હતો.
દમનપ્રીતના ઘરે શોક મનાવતા પરિવારના સભ્યો અને અન્ય લોકો.
યુવક તેની બહેનને મળવા જઈ રહ્યો હતો
જ્યારે દમનપ્રીતનો મોબાઈલ ઘણા સમય સુધી બંધ રહ્યો, ત્યારે તેની બહેને સ્થાનિક પોલીસને જાણ કરી. બાદમાં, સેન્ડગેટ પોલીસે અમનદીપમો મૃતદેહ મળ્યો હોવાની જાણ કરી. મૃતકના પિતા જગજીત સિંહે જણાવ્યું હતું કે દમનપ્રીત કુવારો હતો અને તેને ત્રણ બહેનો અને એક ભાઈ હતો. પરિવારે વિદેશ મંત્રાલય અને રાજ્યસભાના સભ્ય સંત બલબીર સિંહ સીચેવાલને મૃતદેહને ભારત લાવવામાં મદદ માટે અપીલ કરી છે.
દમનપ્રીતના મૃત્યુ પછી પરિવારની મહિલાઓની રડી રડીને હાલત ખરાબ થઈ ગઈ છે.
ઓસ્ટ્રેલિયન પોલીસ તપાસ કરી રહી છે
પરિવાર ઇચ્છે છે કે અંતિમ સંસ્કાર ભારતીય રીતરિવાજ મુજબ કરવામાં આવે. ઓસ્ટ્રેલિયન પોલીસ આ મામલાની તપાસ કરી રહી છે. મૃત્યુનું કારણ હજુ સ્પષ્ટ નથી. આ દુ:ખદ ઘટનાથી પરિવાર આઘાતમાં છે.
