તિરુવનંતપુરમ31 મિનિટ પેહલા
- કૉપી લિંક
PM મોદીએ કેરળના ગુરૂવાયુર મંદિરમાં દર્શન કર્યા હતા.
અયોધ્યામાં અભિષેકના માત્ર 6 દિવસ પહેલાં વડાપ્રધાન નરેન્દ્ર મોદી આંધ્રપ્રદેશ-કેરળની બે દિવસીય મુલાકાતે છે. બુધવારે (17 જાન્યુઆરી) સવારે, તેમણે કેરળના ગુરુવાયુર મંદિરમાં પૂજા કરી હતી.
આ પછી તેઓ લગભગ સાડા દસ વાગ્યે ત્રિપ્રયાર શ્રી રામ મંદિર ગયા અને દર્શન કર્યા. આજે બપોરે 12 વાગ્યે તેઓ કોચીમાં કોચીન શિપયાર્ડ સંબંધિત રૂ. 4000 કરોડના પ્રોજેક્ટનું ઉદ્ઘાટન કરશે.
પીએમ મોદી મંગળવાર 16 જાન્યુઆરીની સાંજે કેરળ પહોંચ્યા હતા. સાંજે 1.3 કિમીના રોડ શો બાદ તેમણે પાર્ટી કાર્યકર્તાઓ સાથે બેઠક કરી અને લોકસભા ચૂંટણીની તૈયારીઓ અંગે ચર્ચા કરી.
કેરળ જતાં પહેલાં તેઓ આંધ્રપ્રદેશના લેપાક્ષી ગયા હતા. જ્યાં તેમણે 486 વર્ષ જૂના વીરભદ્ર મંદિરમાં પૂજા-અર્ચના કરી હતી. મંદિરમાં રામ ભજન કર્યું અને રંગનાથ રામાયણ પર આધારિત કઠપૂતળીઓની રામકથા પણ જોઈ.
જુઓ PMની મંદિર મુલાકાતની તસવીરો…
ગુરુવાયુર મંદિરના ગર્ભગૃહ પાસે પૂજા કરતા પીએમ મોદી.
ગુરુવાયૂર મંદિરમાં પીએમ મોદીને ભગવાનની મૂર્તિ અર્પણ કરવામાં આવી હતી.
પીએમ મોદીએ કેરળના ત્રિપ્રયાર શ્રી રામ મંદિર પહોંચ્યા બાદ જળ ચડાવ્યું હતું.
પીએમ કેરળમાં આ 3 પ્રોજેક્ટનું ઉદ્ઘાટન કરશે
- અંદાજે ₹1,800 કરોડના ખર્ચે કોચીન શિપયાર્ડ લિમિટેડ, કોચીના હાલના પરિસરમાં નવી ડ્રાય ડોક બનાવવામાં આવી છે. 75/60 મીટરની પહોળાઈ, 13 મીટરની ઊંડાઈ અને 9.5 મીટર સુધીનો ડ્રાફ્ટ ધરાવતો 310 મીટર લાંબો ડ્રાય ડોક આ પ્રદેશની સૌથી મોટી મેરીટાઇમ ઈન્ફ્રાસ્ટ્રક્ચરમાંની એક છે.
- ઇન્ટરનેશનલ શિપ રિપેર ફેસિલિટી (ISRF) પ્રોજેક્ટ અંદાજે ₹970 કરોડના ખર્ચે બનાવવામાં આવ્યો છે. તેમાં 6000 ટનની ક્ષમતા સાથે શિપ લિફ્ટ સિસ્ટમ, ટ્રાન્સફર સિસ્ટમ, છ વર્કસ્ટેશન અને આશરે 1400 મીટરની બર્થ છે જે એક સાથે 130 મીટર લંબાઈના સાત જહાજોને સમાવી શકે છે.
- પુથુવીપિન, કોચી ખાતે ઇન્ડિયન ઓઇલનો LPG આયાત ટર્મિનલ પ્રોજેક્ટ અંદાજે રૂ. 1,236 કરોડના ખર્ચે બાંધવામાં આવ્યો છે. તેની સંગ્રહ ક્ષમતા 15400 મેટ્રિક ટન છે. આ પ્રોજેક્ટ હેઠળ લાખો ઘરો અને વ્યવસાયોને એલપીજી સપ્લાય કરવામાં આવશે.
PMએ 16 જાન્યુઆરીએ મહારાજા કોલેજ ગ્રાઉન્ડથી એર્નાકુલમ સરકારી ગેસ્ટ હાઉસ સુધી રોડ શો યોજ્યો હતો. આ દરમિયાન મોદીના કાફલાએ 1.3 કિમીનું અંતર કાપ્યું હતું.
ભાજપની બેઠક બાદ પીએમ મોદી દિલ્હી પરત ફરશે
પીએમ મોદી મરીન ડ્રાઈવ ખાતે બીજેપી પાવર સેન્ટરના વડાઓની બેઠકમાં પણ ભાગ લેશે. લોકસભા ચૂંટણીની તૈયારીઓ શરૂ કરવા માટે પાયાના સ્તરે પક્ષના કાર્યકરોને પ્રેરિત કરવા માટે આ બેઠક યોજાઈ રહી છે. આ પછી તેઓ દિલ્હી જવા રવાના થશે.
16 જાન્યુઆરીએ આંધ્ર પ્રદેશમાં NACIN નું ઉદ્ઘાટન થયું
આ પહેલા મંગળવારે (16 જાન્યુઆરી) પીએમ મોદી સત્યસાંઈ જિલ્લાના લેપાક્ષી પહોંચ્યા હતા અને 486 વર્ષ જૂના વીરભદ્ર મંદિરમાં પૂજા કરી હતી. મંદિર પરિસરમાં બેસીને પીએમ મોદીએ રામ ભજન પણ કર્યું અને રંગનાથ રામાયણ પર આધારિત કઠપૂતળીઓ દ્વારા ભજવાતી રામકથા પણ નિહાળી.
આ પછી પીએમ મોદી સત્યસાઈ જિલ્લાના પલાસમુદ્રમ પહોંચ્યા. જ્યાં તેમણે નેશનલ એકેડમી ઓફ કસ્ટમ્સ, ઇનડાયરેક્ટ ટેક્સીસ એન્ડ નાર્કોટિક્સ (NACIN) સંસ્થાનું ઉદ્ઘાટન કર્યું. અહીં મોદીએ કહ્યું કે આજે આખો દેશ રામમય છે.
PM 15 દિવસ પહેલાં પણ કેરળ આવ્યા હતા
પીએમ મોદીએ કેરળના ત્રિશૂરમાં જનસભાને સંબોધી હતી. જેમાં 2 લાખ મહિલાઓએ ભાગ લીધો હતો.
આ પહેલાં 2 જાન્યુઆરીએ પીએમ મોદી કેરળના ત્રિશૂરમાં બીજેપી મહિલા સંમેલનમાં પણ આવ્યા હતા. 43 મિનિટના સંબોધનમાં PMએ કહ્યું- આજકાલ દેશમાં મોદીની ગેરંટી હોવાની વાતો થાય છે, પરંતુ હું માનું છું કે દેશની મહિલા શક્તિ જ વિકસિત ભારતના સંકલ્પને હાંસલ કરવાની સૌથી મોટી ગેરંટી છે.
