મુંબઈ23 મિનિટ પેહલા
- કૉપી લિંક
આજે એટલે કે 18 જાન્યુઆરીએ શેરબજારમાં સતત ત્રીજા દિવસે ઘટાડો જોવા મળી રહ્યો છે. સેન્સેક્સ 700થી વધુ પોઈન્ટના ઘટાડા સાથે 70,800 ના સ્તર પર કારોબાર કરી રહ્યો છે. નિફ્ટીમાં પણ 250થી વધુ પોઈન્ટનો ઘટાડો જોવા મળી રહ્યો છે. તે 21,350 ના સ્તર પર કારોબાર કરી રહ્યો છે.
શરૂઆતના ટ્રેડિંગ દરમિયાન સેન્સેક્સના 30 શેરોમાંથી 26માં ઘટાડો અને 4માં વધારો જોવા મળ્યો હતો. પાવર, ઓટો, મેટલ, આઈટી અને બેન્કિંગ શેર્સમાં વધુ ઘટાડો જોવા મળી રહ્યો છે. પાવર ગ્રીડના શેર લગભગ 3%ના ઘટાડા સાથે ટ્રેડ થઈ રહ્યા છે.
HDFC બેંકના શેર 2 દિવસમાં 10% થી વધુ તૂટ્યા
ત્રિમાસિક પરિણામો પછી બે દિવસમાં HDFC બેંકના શેરમાં 10% થી વધુનો ઘટાડો થયો છે. ગઈકાલે તેના શેરમાં 8.16% નો ઘટાડો જોવા મળ્યો હતો, જ્યારે આજે પણ આ શેર 2% થી વધુ ના ઘટાડા સાથે ટ્રેડ થઈ રહ્યો છે.
HDFC બેંકના શેરની કિંમત સવારે 9:40 વાગ્યે.
બજારના ઘટાડા માટે 3 કારણો:
- બજારોમાં તીવ્ર તેજી પછી, લોકો થોડો નફો બુક કરી રહ્યા છે. મિડ અને સ્મોલ કેપ્સ ઓવરવેલ્યુડ થઈ ગયા છે.
- નબળા વૈશ્વિક સંકેતોએ બજારને નીચે ખેંચ્યું છે. બુધવારે ડાઉ જોન્સ 0.25% ઘટ્યો હતો.
- ઈઝરાયલ-હમાસ યુદ્ધ બાદ ઈરાન અને પાકિસ્તાન વચ્ચેના તણાવને કારણે ફરીથી જિયો ટેન્શન વધવા લાગ્યું છે.
ગઈકાલે બજારમાં ઘટાડો જોવા મળ્યો હતો
આ પહેલાં ગઈકાલે એટલે કે 17 જાન્યુઆરીએ શેરબજારમાં મોટો ઘટાડો જોવા મળ્યો હતો. સેન્સેક્સ 1628 પોઈન્ટ ઘટીને 71,500ની સપાટીએ બંધ રહ્યો હતો. તે જ સમયે નિફ્ટી પણ 460 પોઈન્ટ તૂટ્યો હતો. 21,571ના સ્તરે બંધ રહ્યો હતો.
