સોલાપુર20 મિનિટ પેહલા
- કૉપી લિંક
વડાપ્રધાન નરેન્દ્ર મોદી સોલાપુરમાં ભાષણ આપતા ભાવુક થઈ ગયા હતા.
વડાપ્રધાન નરેન્દ્ર મોદી આજે 19 જાન્યુઆરીએ મહારાષ્ટ્રના સોલાપુરમાં PM આવાસ યોજના (PMAY) હેઠળ બનેલા ઘરો લોકોને સોંપવા પહોંચ્યા હતા. અહીં તેઓ ભાષણ આપતા ભાવુક થઈ ગયા હતા. તેમણે કહ્યું કે કદાચ મને પણ બાળપણમાં રહેવા માટે આવું ઘર મળ્યું હોત.
ઘરની ચાવી આપવા હું જાતે આવીશ તેવી ગેરંટી આપી હતી- મોદી
મને ખુશી છે કે અમે સોલાપુરના હજારો મજૂરો અને ગરીબ લોકો માટે જે સંકલ્પ લીધો હતો તે પૂરો થઈ રહ્યો છે. પીએમ આવાસ યોજના હેઠળ બનેલી દેશની સૌથી મોટી સોસાયટીનું લોકાર્પણ કરવામાં આવ્યું છે. હું તેને જોઈને આવ્યો. મને લાગ્યું કે કદાચ મને પણ બાળપણમાં આવા ઘરમાં રહેવાનો મોકો મળ્યો હોત. આ પછી મોદી 12 સેકન્ડ સુધી મૌન રહ્યા અને ભાવુક થઈ ગયા હતા.
‘આ બધું જોઈને મને ખૂબ સંતોષ થાય છે. જ્યારે આ હજારો પરિવારોના સપના સાકાર થાય છે, ત્યારે તેમના આશીર્વાદ મારી સૌથી મોટી સંપત્તિ છે. જ્યારે હું આ પ્રોજેક્ટનો શિલાન્યાસ કરવા આવ્યો ત્યારે મેં ગેરંટી આપી હતી કે હું જાતે જ તમારા ઘરની ચાવી આપવા આવીશ.
PM મોદીએ સોલાપુરમાં AMRUT 2.0 યોજનાનું ઉદ્ઘાટન કર્યું હતું.
PMAY-અર્બન હેઠળ મહારાષ્ટ્રમાં 90 હજાર મકાનો બનાવવામાં આવ્યા છે
મહારાષ્ટ્રમાં પ્રધાનમંત્રી આવાસ યોજના-શહેરી હેઠળ 90 હજારથી વધુ ઘરો બનાવવામાં આવ્યા છે. માત્ર સોલાપુરની રાયનગર સોસાયટીમાં 15 હજાર મકાનો બનાવવામાં આવ્યા છે. મોદીએ આ ઘરો વેન્ડર્સ અને હેન્ડલૂમ કામદારોને સોંપ્યા હતા.
PM આવાસ યોજના-અર્બન હેઠળ સોલાપુરમાં બનેલા મકાનો.
પીએમ બેંગલુરુ, તમિલનાડુની મુલાકાત લેશે
મહારાષ્ટ્ર પ્રવાસ પછી, PM બપોરે 2.45 વાગ્યે બેંગલુરુમાં બોઈંગ ઈન્ડિયા એન્જિનિયરિંગ એન્ડ ટેકનોલોજી સેન્ટર અને બોઈંગ સુકન્યા કાર્યક્રમનું ઉદ્ઘાટન કરશે. આ પછી મોદી સાંજે ચેન્નાઈમાં ખેલો ઈન્ડિયા યુથ ગેમ્સ 2023ના ઉદ્ઘાટન સમારોહમાં હાજરી આપશે. મોદી તિરુચિરાપલ્લીમાં રંગનાથસ્વામી મંદિરની પણ મુલાકાત લેશે.
