1 કલાક પેહલા
- કૉપી લિંક
સંજય લીલા ભણસાલી આજકાલ ઘણી ફિલ્મોમાં કામ કરી રહ્યા છે. આ વચ્ચે માહિતી મળી છે કે, રણવીર સિંહ તેના આગામી પ્રોજેક્ટમાં જોવા મળશે. અત્રે ઉલ્લેખનીય છે કે, સંજય લીલા ભણસાલી અને રણવીર 6 વર્ષ પછી સાથે કામ કરવા જઈ રહ્યા છે. છેલ્લે બંનેએ ફિલ્મ ‘પદ્માવત’માં સાથે કામ કર્યું હતું. આ ફિલ્મની જાહેરાત મે 2024માં કરવામાં આવશે. હાલમાં બંને ફિલ્મની સ્ક્રિપ્ટ પર કામ કરી રહ્યા છે.
જો કે, આ પહેલાં રણવીર અને ભણસાલી ફિલ્મ ‘બૈજુ બાવરા’માં સાથે કામ કરવાના હતા. પરંતુ કેટલાક કારણોસર આ ફિલ્મ મુલતવી રાખવામાં આવી છે.
અત્યાર સુધીની તમામ ફિલ્મો હિટ રહી છે
સંજય લીલા ભણસાલી અને રણવીર સિંહની અત્યાર સુધીની તમામ ફિલ્મો હિટ રહી છે. તેઓએ ‘રામલીલા’, ‘બાજીરાવ મસ્તાની’ અને ‘પદ્માવત’ જેવી બ્લોકબસ્ટર ફિલ્મોમાં સાથે કામ કર્યું છે. રણવીર છેલ્લે ફિલ્મ ‘રોકી ઔર રાની કી પ્રેમ કહાની’માં જોવા મળ્યો હતો.
રણવીર સિંહ ડોન ફ્રેન્ચાઈઝીની ફિલ્મ ‘ડોન 3’માં પણ જોવા મળશે. ફરહાન અખ્તરના નિર્દેશનમાં બની રહેલી આ ફિલ્મ 2025માં રિલીઝ થશે. આ સિવાય રણવીર રોહિત શેટ્ટીની સિંઘમ અગેઈનમાં પણ જોવા મળશે.
સંજય લીલા ભણસાલીએ ‘ઈન્શાઅલ્લાહ’ ફિલ્મ અટકાવી
સંજય લીલા ભણસાલી પિરિયડ ડ્રામા ફિલ્મ ‘ઈન્શાઅલ્લાહ’ બનાવવાના હતા. જેમાં તે પહેલાં સલમાનને સાઈન કરવાના હતા, પરંતુ પછી માહિતી મળી રહી હતી કે, તે આ ફિલ્મમાં શાહરુખ ખાનને કાસ્ટ કરવાની તૈયારી કરતા હતા, પરંતુ હવે તેમણે આ ફિલ્મ થોડા સમય માટે બંધ કરી દીધી છે.
‘ઇન્શાઅલ્લાહ’ ઉપરાંત સંજય લીલા ભણસાલી પણ રણવીર સિંહ સાથે ‘બૈજુ બાવરા’ ફિલ્મ બનાવવા માગતા હતા, પરંતુ તે ફિલ્મ પણ મોકૂફ રાખવામાં આવી છે. એવા અહેવાલો હતા કે ‘બૈજુ બાવરા’ ફિલ્મમાં દીપિકા પાદુકોણને સાઈન કરવામાં આવનાર છે, પરંતુ રણવીરે સમાન ફીની માંગણી કરતાં તેમની જગ્યાએ આલિયા ભટ્ટને કાસ્ટ કરવામાં આવી હતી.
