13 હજાર ફૂટની ઉંચાઈએ ‘યોદ્ધા’નું પોસ્ટર લોન્ચ: સિદ્ધાર્થ મલ્હોત્રા, દિશા પટણી અને રાશિ ખન્ના સ્ટારર ફિલ્મનું ટીઝર 19 ફેબ્રુઆરીએ રિલીઝ થશે

સિદ્ધાર્થ મલ્હોત્રાની આગામી ફિલ્મ ‘યોદ્ધા’ના નિર્માતાઓએ 13 હજાર ફૂટની ઊંચાઈએ ફિલ્મનું પોસ્ટર રિલીઝ કર્યું છે. મેકર્સે સોશિયલ મીડિયા પર ટીઝર શેર કરીને આ માહિતી આપી હતી. જેમાં પ્રોફેશનલ સ્કાય ડાઈવર્સ દુબઈના પામ આઈલેન્ડ પર ફિલ્મનું પોસ્ટર લોન્ચ કરતા જોવા મળ્યા હતા.

પ્રોફેશનલ સ્કાય ડાઈવર્સે સાથે મળીને દુબઈના પામ આઈલેન્ડ પર ફિલ્મનું પોસ્ટર લોન્ચ કર્યું છે.

એવો દાવો કરવામાં આવી રહ્યો છે કે આ પહેલીવાર છે જ્યારે કોઈ બોલિવૂડ ફિલ્મનું પોસ્ટર 13 હજાર ફૂટની ઊંચાઈ પર લોન્ચ કરવામાં આવ્યું છે. મેકર્સ હવે 19 ફેબ્રુઆરીએ ફિલ્મનું ટીઝર રિલીઝ કરશે.

આ ફિલ્મ ગયા વર્ષે રિલીઝ થવાની હતી
સિદ્ધાર્થ મલ્હોત્રા, દિશા પટણી અને રાશિ ખન્ના પહેલીવાર ફિલ્મ ‘યોદ્ધા’માં સાથે જોવા મળશે. આ એક એક્શન ફિલ્મ છે જે કરન જોહર દ્વારા બનાવવામાં આવી છે. તેનું દિગ્દર્શન સાગર અંબ્રે અને પુષ્કર ઓઝાએ કર્યું છે. આ ફિલ્મ અગાઉ ગયા વર્ષે 7 જુલાઈએ રિલીઝ થવાની હતી. આ પછી, નિર્માતાઓએ તેને 8 ડિસેમ્બરે રિલીઝ કરવાની યોજના બનાવી હતી પરંતુ તેમ છતાં તે રિલીઝ થઈ શકી ન હતી. હવે તે આખરે આ વર્ષે 15 માર્ચે રિલીઝ થશે.

ફિલ્મની વાર્તા એક કમાન્ડોની છે જે હાઇજેક થયેલા પ્લેનમાંથી મુસાફરોને બચાવે છે. આમાં સિદ્ધાર્થ મલ્હોત્રા મુખ્ય ભૂમિકામાં જોવા મળશે. દિશા અને રાશી પણ તેમાં એક્શન કરતા જોવા મળશે.