અંબાલા13 મિનિટ પેહલા
- કૉપી લિંક
ખેડૂતો અને કેન્દ્રીય મંત્રીઓ વચ્ચેની બેઠક અનિર્ણિત રહી તે પછી, ગુરુવારે મોડી રાત્રે કેટલાક ખેડૂતો હરિયાણા-પંજાબની શંભુ સરહદ પર બેરિકેડ્સની નજીક ગયા અને સુરક્ષા દળો પર પથ્થરમારો કર્યો હતો.
ગુરુવારે ચંદીગઢમાં ખેડૂત નેતાઓ અને કેન્દ્રીય મંત્રીઓ વચ્ચેની ત્રીજી રાઉન્ડની વાતચીત પણ અનિર્ણિત રહી. જે રાત્રે 8 વાગ્યાથી લગભગ 1:30 વાગ્યા સુધી ચાલી હતી. સૂત્રોના જણાવ્યા અનુસાર, સરકારે MSP પર કાયદો બનાવવા માટે એક સમિતિ બનાવવાનો પ્રસ્તાવ મૂક્યો હતો, જેમાં ખેડૂતો અને સરકાર બંનેના પ્રતિનિધિઓ હશે. ખેડૂત નેતાઓ MSP ગેરંટી પર મક્કમ રહ્યા હતા.
હવે રવિવારે ફરી બેઠક મળશે. ત્યાં સુધી બંને પક્ષોએ શાંતિ જાળવી રાખવાની ખાતરી આપી છે. આ બેઠકમાં કેન્દ્રીય મંત્રી અર્જુન મુંડા, પીયૂષ ગોયલ, નિત્યાનંદ રાય અને પંજાબના સીએમ ભગવંત માન પણ હાજર હતા.
પંજાબના ખેડૂતોની દિલ્હી કૂચનો આજે ચોથો દિવસ છે. સંયુક્ત કિસાન મોરચા અને મજુર સંઘે આજે ભારત બંધનું એલાન આપ્યું છે. હવે હરિયાણામાં પણ ખેડૂતોના સમર્થનમાં પ્રદર્શન કરવાની તૈયારી કરવામાં આવી છે. BKU (ચઢુની)ના કાર્યકરો આજે બપોરે 12 થી 3 વાગ્યા સુધી હરિયાણાના તમામ ટોલ ફ્રી કરશે.
લાઈવ અપડેટ્સ
15 મિનિટ પેહલા
- કૉપી લિંક
કેન્દ્રીય મંત્રીઓએ પેપરવર્ક માટે રવિવારનો સમય માંગ્યો હતો
ખેડૂત નેતા ડલ્લેવાલે કહ્યું કે 3 કેન્દ્રીય મંત્રીઓ બેઠકમાં પહોંચ્યા હતા. વિગતવાર ચર્ચા બાદ સરકારે પેપર વર્ક પૂર્ણ કરવા માટે રવિવાર સુધીનો સમય માંગ્યો હતો. આ દરમિયાન કેન્દ્રીય મંત્રી હાઈકમાન્ડ સાથે પણ વાત કરશે અને આ વાટાઘાટો રવિવારે આગળ વધારવામાં આવશે.
16 મિનિટ પેહલા
- કૉપી લિંક
હિસારમાં પંચાયત યોજી સરકારને 2 દિવસનું અલ્ટીમેટમ આપ્યું
પંજાબમાં ભારત બંધ દરમિયાન પણ રેલવે ટ્રેક અને ટોલ પ્લાઝાને અસર રહેશે. ખાનગી બસો બંધ રાખવાની પણ જાહેરાત કરવામાં આવી છે. જ્યારે, હરિયાણાના હિસારના સિસાઈ કાલીરમણમાં ગુરુવારે પંચાયત યોજીને 50 સભ્યોની સમિતિની રચના કરવામાં આવી હતી.
જ્યારે 2 દિવસમાં માંગણીઓ નહીં સંતોષાય તો દિલ્હી બોર્ડર પર જવાનો નિર્ણય લેવાયો હતો. ફતેહાબાદમાં પાઘડી સંભાલ જટ્ટા કિસાન સંઘર્ષ સમિતિએ કહ્યું કે જો એસકેએમ બોલાવશે તો તેઓ દિલ્હી સુધી કૂચ કરશે. બીજી તરફ ખેડૂતોની માર્ચને જોતા દિલ્હી પોલીસે ટીયર ગેસના 30 હજાર રાઉન્ડનો આદેશ આપ્યો છે.
19 મિનિટ પેહલા
- કૉપી લિંક
ખેડૂત નેતા જગજીત સિંહ ડલ્લેવાલે કહ્યું- આંદોલન ચાલુ રહેશે
ખેડૂત નેતા જગજીત સિંહ ડલ્લેવાલે કહ્યું, ‘આંદોલન ચાલુ રહેશે. તે શાંતિપૂર્ણ રીતે આગળ વધશે. કોઈપણ પ્રકારની ધમાલ કરવામાં આવશે નહીં. અમે ખેડૂત ભાઈઓને પણ અપીલ કરીએ છીએ કે તેઓ શાંતિપૂર્ણ રીતે આંદોલન ચલાવે.
21 મિનિટ પેહલા
- કૉપી લિંક
પંજાબના સીએમ માને કહ્યું- બેઠક સકારાત્મક રહી
ખેડૂત સંગઠનો સાથેની બેઠક પૂરી થયા બાદ પંજાબના સીએમ ભગવંત માને કહ્યું કે ખેડૂત સંગઠનો અને કેન્દ્ર સરકાર વચ્ચે લાંબી વાતચીત થઈ હતી. દરેક વિષય પર વિગતવાર ચર્ચા કરવામાં આવી હતી. સકારાત્મક ચર્ચા થઈ છે.
23 મિનિટ પેહલા
- કૉપી લિંક
કેન્દ્રીય મંત્રી અર્જુન મુંડાએ કહ્યું- ચર્ચા સકારાત્મક રહી
ખેડૂત સંગઠનો સાથેની બેઠક પૂરી થયા બાદ કેન્દ્રીય મંત્રી અર્જુન મુંડાએ ગઈ મોડી રાત્રે 1.39 વાગ્યે કહ્યું, ‘આજે સરકાર અને ખેડૂત સંગઠનો વચ્ચેની બેઠકમાં સકારાત્મક ચર્ચા થઈ. આગામી બેઠક રવિવારે સાંજે 6 કલાકે મળશે. આપણે બધા શાંતિથી ઉકેલ કાઢીશું.
