મોદીએ કહ્યું- પરિવારવાદની હકીકત જણાવી તો ગાળો આપી: ગાંધી, જેપી, કર્પૂરી અને આંબેડકરે પણ તેમના પરિવારો માટે કંઈ કર્યું નથી

વડાપ્રધાન નરેન્દ્ર મોદીએ બુધવારે બિહારના બેતિયામાં બેઠક યોજી હતી. પોતાના 25 મિનિટના ભાષણમાં તેમણે લાલુ યાદવનું નામ લીધા વગર પરિવારવાદ અને જંગલરાજ પર પ્રહારો કર્યા હતા. I.N.D.I.A પર પણ સવાલો ઉઠાવ્યા.

પીએમ મોદીએ કહ્યું, ‘આરજેડી, કોંગ્રેસ અને તેમનું I.N.D.I.A હજુ પણ 20મી સદીમાં જીવે છે. અમે દરેક ઘરને સૂર્ય ઘર બનાવવા માગીએ છીએ, પરંતુ I.N.D.I.A ગઠબંધન લાલટેન(ફાનસ) લઈને આગળ વધવા માગે છે.

‘બિહારમાં જ્યાં સુધી ફાનસની જ્યોત પ્રજ્વલિત રહી ત્યાં સુધી એક જ પરિવારનો વિકાસ થયો. આજે જ્યારે મોદી તેમને સત્ય કહે છે ત્યારે તેઓ મોદીને ગાળો આપે છે. કહે છે કે મોદીનો પરિવાર નથી.

મોદીએ કહ્યું, શું I.N.D.I.A ગઠબંધનને લૂંટનું લાયસન્સ મળવું જોઈએ? પાંચ દિવસમાં મોદીની બિહારની આ બીજી મુલાકાત છે. આ પહેલા 2 માર્ચે તેમણે ઔરંગાબાદમાં જનસભા કરી હતી.

પીએમએ કહ્યું છે કે બિહારમાં જ યુવાનોને રોજગાર આપવાનો NDA સરકારનો પ્રયાસ છે. બિહારમાં 22 હજાર કરોડ રૂપિયાના એક ડઝન બ્રિજનું નિર્માણ થઈ રહ્યું છે.

રાજ્યપાલ રાજેન્દ્ર વિશ્વનાથ આર્લેકર, ડેપ્યુટી સીએમ સમ્રાટ ચૌધરી, વિજય સિંહા અને મંત્રી વિજય ચૌધરી પણ મંચ પર હાજર હતા.

બેતિયાથી પીએમ મોદીએ યુપી અને બિહાર માટે લગભગ 12 હજાર 800 કરોડ રૂપિયાની રોડ, ગેસ અને આઈટી સંબંધિત યોજનાઓનું ઉદ્ઘાટન અને શિલાન્યાસ કર્યો.

પીએમ મોદીએ શિલાન્યાસ કર્યો અને યોજનાઓનું ઉદ્ઘાટન કર્યું​​​​​​​​​​​​​​

​​​​​​​બેતિયા પહોંચ્યા પીએમ મોદી, એકસાથે 3 હેલિકોપ્ટર આવ્યા

​​​​​​​પશ્ચિમ બંગાળમાં સભા અને રોડ શો બાદ વડાપ્રધાન નરેન્દ્ર મોદી યુપીના કુશીનગર એરપોર્ટ પહોંચ્યા. ત્યારબાદ અહીંથી સેનાના હેલિકોપ્ટર દ્વારા બેતિયા એરપોર્ટ પહોંચ્યા. પીએમ મોદીના હેલિકોપ્ટરની સાથે વધુ બે હેલિકોપ્ટર પણ છે. એરપોર્ટ પરથી પીએમ તેમના કાફલા સાથે સભા સ્થળ માટે રવાના થયા હતા.

​​​​​​​