1 કલાક પેહલા
- કૉપી લિંક
રૂમર્ડ કપલ ઇબ્રાહિમ અલી ખાન અને પલક તિવારી શનિવારે ડેટ નાઈટ દરમિયાન જોવા મળ્યા હતા. બંનેના ઘણા વીડિયો સોશિયલ મીડિયા પર વાયરલ થયા છે.
ગઈ કાલે રાત્રે ઈબ્રાહિમ અને પલક એકસાથે મુંબઈના લાયલા, બાંદ્રા કુર્લા કોમ્પ્લેક્સ પહોંચ્યા હતા. બંને એક જ કારમાં અહીં પહોંચ્યા હતા. પહેલા પલક કારમાંથી નીચે ઊતરી અંદર ગઈ અને પછી ઈબ્રાહિમ તેની પાછળ ગયો. જો કે, પછી બંને જ્યારે પાછા ફર્યા ત્યારે તેમના ઘણા મિત્રો પણ તેમની સાથે જોવા મળ્યા હતા.
પલક અને ઈબ્રાહિમ એક જ કારમાં સાથે આવ્યા હતા.
પલક બ્લેક ટોપ, ટ્રાઉઝર અને હીલ્સમાં જોવા મળી હતી. જ્યારે ઈબ્રાહિમ ડાર્ક ગ્રે ટી-શર્ટ અને ડેનિમ્સમાં જોવા મળ્યો હતો
જો કે બંને પાછા આવ્યા ત્યારે તેમની સાથે અન્ય કેટલાક મિત્રો પણ હતા
આ પહેલા પણ ઘણી વખત સાથે જોવા મળ્યા છે
આ પહેલીવાર નથી જ્યારે ઈબ્રાહિમ અને પલક સાથે જોવા મળ્યા હોય. આ પહેલા પણ બંને ઘણી વખત સાથે જોવા મળ્યા છે. બંનેએ ન્યૂ યર પાર્ટી પણ સાથે સેલિબ્રેટ કરી હતી. આ દરમિયાન જ્યારે પાપારાઝીએ તેમને કેમેરામાં કેપ્ચર કરવાનો પ્રયાસ કર્યો ત્યારે ઈબ્રાહિમે પોતાનો ચહેરો છુપાવી દીધો હતો.
જ્યારે પલક અને ઈબ્રાહિમ પહેલીવાર સાથે જોવા મળ્યા ત્યારે પલક પોતાનો ચહેરો છુપાવી રહી હતી
પલક અને ઈબ્રાહિમના ડેટિંગની ચર્ચા ડિસેમ્બર 2022માં શરૂ થઈ હતી જ્યારે બંને મુંબઈમાં પહેલીવાર સાથે જોવા મળ્યા હતા. ઘણા મીડિયા રિપોર્ટ્સમાં દાવો કરવામાં આવે છે કે બંને લાંબા સમયથી રિલેશનશિપમાં છે. જ્યાં ઈબ્રાહિમ બોલિવૂડ એક્ટર સૈફ અલી ખાન અને તેની પૂર્વ પત્ની અમૃતા સિંહનો પુત્ર છે. તો પલક પ્રખ્યાત ટીવી અભિનેત્રી શ્વેતા તિવારીની પુત્રી છે.
બંને ઘણી વખત ઓરી સાથે પાર્ટી કરતા પણ જોવા મળ્યા છે
ઈબ્રાહિમ ‘સરઝમીન’થી બોલિવૂડમાં ડેબ્યૂ કરશે
વર્ક ફ્રન્ટની વાત કરીએ તો ઈબ્રાહિમે કરણ જોહરની ફિલ્મ ‘રોકી ઔર રાની કી પ્રેમ કહાની’માં આસિસ્ટન્ટ ડિરેક્ટર તરીકે કામ કર્યું છે. રિપોર્ટ્સનું માનીએ તો ઈબ્રાહિમ કરણ જોહરના બેનર હેઠળ બની રહેલી આગામી ફિલ્મ ‘સરઝમીન’થી બોલિવૂડમાં ડેબ્યૂ કરવા જઈ રહ્યો છે. આ ફિલ્મમાં તેની સાથે કાજોલ અને પૃથ્વીરાજ સુકુમારન જોવા મળશે. પલકે સલમાન ખાન સ્ટારર ‘કિસી કા ભાઈ કિસી કી જાન’ સહિત કેટલીક ફિલ્મોમાં કામ કર્યું છે.
