37 મિનિટ પેહલા
- કૉપી લિંક
પાકિસ્તાનના પૂર્વ વડાપ્રધાન નવાઝ શરીફે કહ્યું છે કે તેમને 1999માં સત્તા પરથી હટાવવામાં આવ્યા હતા કારણ કે તેમણે સેનાની કારગિલ યોજનાનો વિરોધ કર્યો હતો. તેમજ નવાઝ પર ભારત સાથેના સંબંધો સુધારવા પર ભાર મૂક્યો હતો. નવાઝે કહ્યું- મને 1993 અને 1999માં સત્તા પરથી હટાવવાનું કારણ જાણવાનો અધિકાર છે.
પૂર્વ વડાપ્રધાને આગળ કહ્યું- મેં કારગિલ પ્લાન વિશે કહ્યું હતું કે તે યોગ્ય નથી. આના પર તત્કાલિન આર્મી ચીફ જનરલ પરવેઝ મુશર્રફે મને કાઢી મુક્યો હતો. પાછળથી મારી વાત સાચી સાબિત થઈ. અમારી સરકારે દરેક ક્ષેત્રમાં કામ કર્યું છે. મારા કાર્યકાળ દરમિયાન ભારતના બે વડાપ્રધાન વાજપેયી અને મોદી પાકિસ્તાન આવ્યા હતા.
તસવીર પાકિસ્તાનની પીએમએલ-એન પાર્ટીની બેઠકની છે. જેમાં પાકિસ્તાનના પૂર્વ પીએમ નવાઝ અને શાહબાઝ શરીફ સાથે પૂર્વ નાણાં મંત્રી ઈશક ડાર જોવા મળી રહ્યા છે.
શરીફે કહ્યું- ઈમરાન પાસે અનુભવનો અભાવ છે, તેને સત્તા આપવી ખોટું છે
શરીફે કહ્યું- આપણે ભારત, અફઘાનિસ્તાન અને ઈરાન જેવા દેશો સાથે સંબંધો સુધારવાની જરૂર છે. આપણે ચીન સાથે વધુ મજબૂત સંબંધો બનાવવા પડશે. ઈમરાન ખાનની સરકાર દરમિયાન પાકિસ્તાનની અર્થવ્યવસ્થામાં ભારે ઘટાડો થયો હતો. ત્યારબાદ શાહબાઝ શરીફે એપ્રિલ 2022માં સત્તા સંભાળી અને દેશને ગરીબીથી બચાવ્યો.
ફેબ્રુઆરીમાં યોજાનારી ચૂંટણી પહેલાં પાર્ટીના કાર્યકર્તાઓ સાથે વાત કરતા નવાઝે કહ્યું – મને ખબર નથી કે સત્તાનો હાથ ઈમરાન ખાન જેવા અનુભવ વગરના વ્યક્તિને કેમ આપવામાં આવ્યો. હું ઈચ્છું છું કે ભૂતપૂર્વ સૈન્ય જનરલ અને ન્યાયાધીશ મને 2017માં સત્તા પરથી દૂર કરવાના કારણો સમજાવે.
નવાઝે કહ્યું- મોંઘી કારમાં મુસાફરી કરવા માટે સત્તામાં આવવા નથી માંગતા
નવાઝે કહ્યું- દેશને આ સ્તર પર લાવવા માટે જવાબદાર લોકોએ જવાબ આપવો પડશે કારણ કે સાચા દેશભક્તો આ કરી શકતા નથી. અમે માત્ર સત્તા અને મોંઘી ગાડીઓમાં ફરવા માટે સરકાર બનાવવા માંગતા નથી. અમે દેશને બરબાદ કરવા માટે જવાબદાર લોકોને જવાબદાર ઠેરવવા માંગીએ છીએ. જેમણે અમારી સામે ખોટા આક્ષેપો કર્યા હતા.
આ તસવીર 20 ઓક્ટોબરની છે જ્યારે નવાઝ શરીફ 4 વર્ષ બાદ પાકિસ્તાન પરત ફર્યા હતા.
