એક કલાક પેહલા
- કૉપી લિંક
સાઉથના સુપરસ્ટાર પ્રભાસની મચઅવેઇટેડ ફિલ્મ ‘સાલાર’ સાથે જોડાયેલ એક મોટું અપડેટ સામે આવ્યું છે. ફિલ્મ સાથે સિંગર તરીકે જોડાયેલા બાળ કલાકાર તીર્થા સુભાષે એક ઇન્ટરવ્યૂમાં ફિલ્મ સાથે જોડાયેલી હિંટ આપી છે.
સિંગરે આ ઇન્ટરવ્યૂમાં ભૂલથી જણાવી દીધું કે પ્રભાસ અને પૃથ્વીરાજ સુકુમારન સિવાય સુપરસ્ટાર યશ પણ ફિલ્મમાં જોવા મળશે.
તીર્થા સુભાષ માત્ર દક્ષિણ ભારતની સિંગર જ નહીં પણ ચાઈલ્ડ એક્ટ્રેસ પણ છે
ઇન્ટરવ્યૂમાં ભૂલથી આપી દીધી હતી માહિતી
એશિયાનેટને આપેલા ઇન્ટરવ્યૂમાં તીર્થાએ જણાવ્યું કે તેમણે આ ફિલ્મ માટે ત્રણ ભાષામાં ગીત ગાયું છે. આ દરમિયાન વાત કરતા તેમણે ‘સાલાર’ને પ્રભાસ, પૃથ્વીરાજ અને યશની ફિલ્મ ગણાવી છે.
તીર્થ આ વીડિયોમાં એકદમ કન્ફ્યુઝ્ડ દેખાય છે પરંતુ આ વીડિયો સામે આવતા જ ફેન્સએ જાણીને ખુશ થઈ ગયા છે કે રોકિંગ સ્ટાર યશ ‘સાલાર’માં કેમિયો કરશે.
‘સાલાર’ના દિગ્દર્શક પ્રશાંત નીલ અને સંગીત નિર્દેશક રવિ બસરુર સાથે તીર્થા અને અન્ય બાળ કલાકારો.
‘KGF’ અને ‘સાલાર’ વચ્ચે રહેશે કનેક્શન
ઘણા રિપોર્ટમાં એવો દાવો કરવામાં આવ્યો છે કે ‘સાલાર’ને ચોક્કસપણે KGF સાથે કોઈક કનેક્શન હોવાનું દર્શાવવામાં આવશે. આ ફિલ્મ ‘KGF’ ફેમ ડિરેક્ટર પ્રશાંત નીલે ડિરેક્ટ કરી છે. માનવામાં આવી રહ્યું છે કે, યશ ‘સાલાર’માં પણ જોવા મળશે. પ્રશાંત નીલ દ્વારા નિર્દેશિત સલાર 22 ડિસેમ્બરે સમગ્ર ભારતમાં રિલીઝ થવાની છે.
‘સાલાર’ના ટ્રેલરને 24 કલાકમાં 116 મિલિયન વ્યૂઝ મળ્યા છે
‘સાલાનું ટ્રેલર 1 ડિસેમ્બરના રોજ રિલીઝથયું, 24 કલાકમાં એકંદરે સૌથી વધુ જોવામાં આવતું ટ્રેલર છે. 5 ભાષાઓમાં રિલીઝ થયેલા આ ટ્રેલરને 24 કલાકમાં કુલ 116 મિલિયન વ્યૂઝ મળ્યા છે.
KGF 2 આ યાદીમાં બીજા સ્થાને છે જેને 24 કલાકમાં 106 મિલિયન વ્યૂઝ મળ્યા છે. દરમિયાન, ‘ડંકી’ના ટ્રેલરને 24 કલાકમાં તમામ પ્લેટફોર્મ પર 103 મિલિયન વ્યૂઝ મળ્યા છે.
પ્રભાસ ‘સાલાર’માં જબરદસ્ત એક્શન કરતો જોવા મળશે
આ ફિલ્મ 400 કરોડના બજેટમાં બની છે
400 કરોડના જંગી બજેટ સાથે ‘સાલાર’ બનાવવામાંઆવી છે. આ ફિલ્મની જાહેરાત ડિસેમ્બર 2020માં કરવામાં આવી હતી. જે બાદ 29 જાન્યુઆરી 2021ના રોજ તેલંગાણાના ગોદાવરીખાની પાસે આવેલી કોલસાની ખાણમાં ફિલ્મનું શૂટિંગ શરૂ કરવામાં આવ્યું હતું.
ફિલ્મની રિલીઝ ડેટમાં અનેક વખત કરવામાં આવ્યો ફેરફાર
શરૂઆતમાં આ ફિલ્મ 14 એપ્રિલ 2022ના રોજ રિલીઝ થવાની હતી, જો કે KGF-2 રિલીઝ થવાને કારણે પ્રશાંત નીલે ફિલ્મની રિલીઝ મોકૂફ રાખી હતી. આ પછી કોરોનાને કારણે ફિલ્મની તારીખ લંબાવવામાં આવી હતી.
આ ફિલ્મ પણ આ વર્ષે 28 સપ્ટેમ્બરે રિલીઝ થવાની હતી. ઘણી જગ્યાએ એડવાન્સ બુકિંગ પણ થઈ ગયું હતું. જોકે, પ્રોડક્શનમાં વિલંબને કારણે હવે તેને 22 ડિસેમ્બરે રિલીઝ કરવામાં આવી રહી છે.
‘સાલાર’ની ટક્કર શાહરુખની ફિલ્મ ‘ડંકી’ સાથે થશે
‘ડં’કી અને ‘સાલાર’ની રિલીઝ ડેટમાં એક જ દિવસનું અંતર
‘સાલાર’ની ટક્કર ‘શાહરુખ ખાન સ્ટારર ‘ ડંકી’સાથે થશે. ‘ડંકી’ ફિલ્મ ‘સાલાર’ના એક દિવસ પહેલાં 21 ડિસેમ્બરે રિલીઝ થશે. બંને મોટા બજેટ અને મોટા સ્ટારકાસ્ટિંગવાળી ફિલ્મો છે. જો કે આ ક્લેશથી કઈ ફિલ્મને નુકસાન થશે અને કોને ફાયદો થશે તે જોવું રસપ્રદ રહેશે.
